Arrestohen ish-ushtarët gjermanë, do të formonin një grup paramilitar për të luftuar në Jemen

Dy ish-ushtarë gjermanë janë arrestuar pasi dyshohet që po përpiqeshin të krijonin një njësi paramilitare për të marrë pjesë në luftën civile në Jemen, thanë prokurorët të mërkurën.

Të dy ish-ushtarakët, të identifikuar si Arend-Adolf G. dhe Achim A. akuzohen se po përpiqeshin të ngrinin një organizatë terroriste dhe të rekrutonin ish-ushtarë të tjerë dhe efektivë policie, tha Prokuroria e Karlsruhes në një deklaratë.

Organizatorët janë ish-anëtarë të ushtrisë gjermane të cilët donin të rekrutonin rreth 150 kolegë për të marrë pjesë në konfliktin në Jemen, me synimin për të “sjellë paqen në rajon” dhe për të detyruar rebelët Houthi dhe qeverinë e Jemenit të ulen në negociata.

Për të vënë në zbatim këtë plan, çdo anëtar i njësisë do të paguhej me rreth 40 mijë euro në muaj. Një prej dy të arrestuarve, Achim A., ishte përpjekur të krijonte lidhje edhe me përfaqësues të qeverisë së Arabisë Saudite, për të marrë fonde prej tyre. Ndërsa Arend-Adolf G. kishte mundur të kontaktonte 7 persona, duke u përpjekur t’i bindte t’i bashkoheshin projektit. Ata u arrestuan të mërkurën në mëngjes në shtëpitë e tyre, në jugperëndim të Gjermanisë, pranë Mynihut.

Ky është vetëm një prej skandaleve që kanë përfshirë ushtrinë gjermane në vitet e fundit, ku shpesh ushtarakë e ish-ushtarakë kanë shfaqur lidhje me ekstremin e djathtë. Në qershor, një njësi elitare policore, e quajtur SEK, u shkri plotësisht pasi u zbulua se efektivët e saj kishin glorifikuar nazistët në një grup “chat”-i. Ndërsa vitin e kaluar, një pjesë e ushtarëve të njësisë elitare komando, të quajtur KSK, u përjashtuan pasi u gjet se kishin prirje ekstremiste të djathta.

"BE në prag të një takimi të vështirë pas vendimit të gjykatës polake"

17:30 Bota

Shtëpia e Bardhë: Brenda javës do të aplikohet vaksina kundër Covid tek fëmijët 5 deri në 11-vjeç

17:18 Bota

Sondazhi me afro 50 vende: Ja si duket udhëheqja amerikane në arenën botërore

16:59 Bota

Shkencëtarët kanë kryer transplant veshke nga një derr tek njeriu

16:01 Bota

Ish-ushtarët gjermanë arrestohen pas dyshimeve për komplot terrorist

15:30 Bota

Politikania e SPD Bas do të bëhet presidente e Bundestagut

15:07 Bota

Blinken e Borrel: Të nisin pa vonesë bisedimet e antarësimit me Shqipërinë dhe Maqedoninë e Veriut! Ballkani i përket BE-së

14:44 Bota

Rrezik i madh, bota po financon makineri gjigantë të thithjes së karbonit, për të pastruar rrëmujën klimatike

14:35 Bota

Studimi: Pa vaksinim mund të riinfektoheni me Covid-19 pas 3-16 muajsh

13:08 Bota

FOTOT: Sulm me bombë në autobusin e ushtrisë, të paktën 13 të vdekur

12:56 Bota