Te fundit
OSHEE dhe OST kërkojnë rritjen e çmimit të energjisë elektrike vitin e ardhshëm
6 Dhjetor 2021, 21:25Ekonomia
TEMA
Operatori i Shpërndarjes së Energjisë dhe Operatori i Sistemit të Transmetimit kanë aplikuar pranë Entit Rregullator të Energjisë për rritje të çmimit vitin e ardhshëm. Në Fletoren Zyrtare janë botuar dy vendimet për fillimin e procedurës së shqyrtimit të aplikimit për rritje çmimi nga dy kompanitë shtetërore të energjisë.
OSHEE kërkon një rritje të tarifës mesatare të shpërndarjes së energjisë me 34%. Pra, nga 4.79 lekë për kilovat orë që është sot, të bëhet 6.42 lekë për kilovat orë duke filluar nga viti i ardhshëm. Nga rritja e çmimit janë të përjashtuar qytetarët dhe bizneset e vogla, siç ishte deklaruar edhe më herët nga qeveria, teksa do të preken bizneset e mëdha, të lidhur në tensionin 6, 10 dhe 20 kilovolt, si dhe ato në tensionin 35 kilovolt, që janë kryesisht industritë. Burime nga OSHEE shpjegojnë se rritja e çmimit për këtë kategori është kërkuar për rregullim të tarifave në treg, të cilat për këto biznese ishin të pandryshuara prej vitesh, pavarësisht rritjes së kostove.
Ndërkohë që Operatori i Sistemit të Transmetimit propozon një rritje të tarifës mesatare të transmetimit të energjisë me 96%. Pra, nga 0.75 lekë për kilovat orë që është aktualisht, në 1.54 lekë për kilovat orë duke filluar nga viti i ardhshëm dhe për një periudhë rregullatore 3-vjeçare, 2022-2024, një tarifë mesatare transmetimi prej 1.47 lekë për kilovat orë.
Pas dorëzimit të aplikimeve nga dy operatorët e sektorit energjetik, i takon Entit Rregullator të Energjisë që të vendosë, pasi të analizojë ndryshimin e kostove të një kilovat orë energji dhe argumentet që japin kompanitë. Vendimi pritet të merret nga bordi drejtues i ERE-s brenda muajit dhjetor. (A2)
2 komente në “OSHEE dhe OST kërkojnë rritjen e çmimit të energjisë elektrike vitin e ardhshëm”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Duan te risin cmimin e energjise elektrike sepse eshte ritur cmimi i ujit te shiut…. Si nuk flet njeri per ulje cmimesh ne kete vend ku populli eshte me i varferi ne Evrope.
OSHE te ulë humbjet , t’i çojë të paktën më nivelin e 20- 25 % , pastaj le t’ë mendojë dhe për ritjen e çmimit , të paktën TË DJERSITIN PER TE VJEDHUR HAJDUTËT BRËNDA SISTEMIT , jo kaq kollaj të mbushin xhepat !
Për këta shoket e OST-se , te shikojnë çmimin e blerjes nga privatët dhe sistemin e matjes të tyre , se ka “hidroçentrale” me DINAMO BIÇIKLETE , qe faturohen sikur të ishte turninë e Fjerzëz .