Te fundit
"Kur të jap fjalën, të jap djalin": Si u fuqizua mafia shqiptare në tregun e kokainës?
7 Dhjetor 2021, 11:17Bota
TEMA
Mafia shqiptare e ka siguruar vendin e saj në tregun e kokainës Evropiane.
Kështu shkruan e përditshmja italiane “Il Post”, sipas së cilës kjo mafie po rritet me hapa galopantë.
Gjatë viteve 2018 – 2020, shumica e arrestimeve për akuzën e trafikimit të lëndës narkotike kokaikë, përfshinin shtetas shqiptarë.
Përkatësish, 226 persona. Duke kaluar kështu arrestimet e brazilianëve dhe kolumbianëve.
Me rritjen e numrit të arrestimeve u rrit edhe cilësia ne menaxhim.
Shqiptarët, sipas “Il Post”, tashmë janë të strukturuar duke ndërtuar marrëdhënie më solide si me trafikantët në Amerikën e Jugut ashtu edhe me ata në Itali.
“Mafia shqiptare, si një hallkë lidhëse, është imponuar kudo”, shkruhet në artikull.
Në një shikim nga e kaluara, vetë raporti i Europol-it, tregoi se ajo kontrolloj një pjesë të madhe të tregut britanik të kokainës.
Por, për arsye logjistike dhe afërsie, vendi ku biznesi po lulëzon më shumë është, Italia.
Prokurori Publik në Catanzaro, Nicola Gratteri, gjatë një konference për shtyp, theksoi se shpesh ka thënë “ që mafia shqiptare është në zhvillim e sipër”.
Sipas tij, Shqipëria është një vend ku t’i mund të korruptosh shumë lehtë zyrtarët publikë.
Fuqizimi i mafies shqiptare mund të shihet fare mirë nga mega-operacionet e zhvilluara ndër vite.
Në shtator të vitit, 2020, operacioni ‘Los Blancos’ goditi klanin më të fortë shqiptar atë të kompanisë Bello.
Europol, Eurojust dhe Policia Italiane morën pjesë në hetimin dhe operacionin final.
I gjithë hetimi nisi nga një përleshje e dhunshme e ndodhur në vitin 2014 në qendër të Firences.
“Dy grupe kriminale me shtetas shqiptarë u përplasën për tregun e prostitucionit”, shkruhet në artikull.
Në këtë moment, Policia konstatoi se disa nga të arrestuarit ishin të përfshirë në trafikun e drogës.
Anëtarët e këtij grupi kishin komunikuar me njëri-tjetrin nëpërmjet telefonave celularë BlackBerry , nga ku Policia zbuloi kokainën që mbërriti nga Ekuadori në portet e Roterdam-it.
Nga ky destinacion kokaina u dërgua në Itali.
“Në çdo pako marka Bello u vendos për të vërtetuar cilësinë e supozuar të produktit”, shpjegoi prokurori kombëtar kundër mafias Federico Cafiero de Raho.
21 shtetas shqiptarë përfunduan në burg, ndërsa 80 të tjerë u arrestuan në Holandë, Shqipëri, Belgjikë, Ekuador, Emiratet e Bashkuara Arabe, Gjermani, Greqi, Rumani dhe Hungari.
Të arrestua ishin edhe Denis Matoshi dhe Dritan Rexhepi, njëri në Dubai e tjetri në Ekuador.
Rexhepi, kreu i kompanisë Bello, kishte shumë vite që banonte në Ekuador.
Ai, atje kishte shkuar pas vdekjes së Adriatik Tresës, liderit shumëvjeçar të mafies shqiptare në Amerikën e Jugut, i cili u vra më 20 nëntor 2020.
Katër vrasës të maskuar si policë u shfaqën në derën e vilës së tij, e vranë atë dhe truprojat e tij dhe u larguan.
Tresa ishte një emër i dëgjuar për forcat policore amerikano-jugore dhe evropiane.
Në Ekuador ai kishte gjetur një bazë solide dhe komode.
Arsyet pse mafia shqiptare ka zgjedhur Ekuadorin si qendër të biznesit të saj janë të shumta.
Kjo duke filluar nga vendndodhja e kufirit me Kolumbinë, vendndodhje qendrore, portet dhe mbi të gjitha korrupsioni i përhapur mes policëve dhe gjyqtarëve.
Adriatik Tresa, lideri shumëvjeçar i mafies shqiptare në Amerikën e Jugut
Prania e trafikantëve shqiptarë të drogës në vend është raportuar që në fillim të viteve 2000.
“Deri në vitin 2016, mafia shqiptare kufizohej në mbështetjen e ‘Ndrangheta’s, e cila kontrollonte trafikun nga Amerika e Jugut”, shkruan Il Post.
Por në atë vit, megjithatë, pati një zgjerim të madh të kërkesës nga vendet evropiane – kështu që prodhimi u rrit dhe narkosët e Amerikës së Jugut kërkonin një palë tjetër.
Shqiptarët ishin gati.
Ata u bënë organizata e parë që shfrytëzoi nëndetëset për të transportuar kokainë nga Ekuadori në Amerikën Veriore dhe Qendrore.
Një nëndetëse me shtatë ton kokainë u zbulua në vitin 2013 në Limones, në provincën e Esmeraldas, në Ekuadorin verior.
Për shkak që mafia shqiptare ka marrëdhënie të ngushta me të gjitha grupet e krimit të organizuar italian, ka bërë që të kenë një strukturë të ngjashme.
Ajo është themeluar vetëm mbi lidhjet familjare.
Ekziston një këshill qeverisës, Bajraku, i krahasueshëm me kupolën mafioze.
Secili grup ka një kryetar dhe një nënkryetar, i cili nga ana e tij ka një zëvendës që është njeriu i ndërlidhjes me të gjithë anëtarët e organizatës.
Askush, brenda klanit, nuk konsiderohet të jetë punëtor.
Nuk ka formulë betimi për anëtarët e klanit; megjithatë, ekziston një kod i pashkruar, i bazuar te besa, pra besimi, respektimi i fjalës.(Il Post, Albanianpost.com)
4 komente në ““Kur të jap fjalën, të jap djalin”: Si u fuqizua mafia shqiptare në tregun e kokainës?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Shqiperia nuk ka aspak nji Mafie , o idiota Kazani ,por ka trafikante qe tregetojne Droga
te ndryshme si gjithe Bota ,
te cilet ndryshe nga Bota e bejne kte veperim te jashteligjshem per te mbijetuar ,
pasi Bota i shkaterroj gjithcka ne Shqiperi ,cdo Industri e Fabrika e fusha bujqesore ,
o rastesishte nga kafshet e shpelles qe pruri ne krye te Shqiperise .
Pra boll me idotizma duke i quajtur Mafie ,trafikanten e shqiperise te cilet nuk krahasohen aspak me Bandat e Trafikanteve
te disa shteteve te Ballkanit ,qe nga Greqia e cila e ka shndruar ne nji Tregeti Shteterore cdo lloj Trafiku jovetem Drogash e Cigaresh
por edhe armesh e femije qe i shet Botes mbare , duke vene ne Funxion gjithe Floten Detare per Trafik droge e kontrabande Nderkombetare .
Ju na derdellisni per ca shqiptare qe shetisin me makina etj mjete udhetimi Normale Botes .
Boll na cat carin funderina Kazani qe qelbin nga plehrat greke
Filluan prape keta perendimoret me mashtrime mediatike.
Bota e mafias eshte kaq e madhe dhe e sofistikuar sa sikur e gjithe raca shqiptare, burra dhe gra te merret me trafiqe prape mbetet nje pjese e vogel e malavites.
Pothuajse e gjithe sasia e drogave te renda qe shperndahet brenda ne Europe kalon nga 3 porte: Roterdami, Antwerp dhe Hamburg. Jane dhe portet e Spanjes, por kryesisht si porte tranziti dhe jo si dispeceri (hubs). Ne te 3 keto porte shqiptaret kontrollojne leshet e currit.
Kjo puna e droges me kujton ate te korrupsionit. Kompanite dhe politikanet ne EU e kane korrupsionin sa Himalajet, 24/7, me gjak te ftohte dhe te kamufluar bukur, dhe bejne sikur skandalizohen me Malin e Dajtit ne Shqiperi.
Flasin keta akademiket e mafjes .
Shqipetaret ne krahasim me Hollandezet Gjermanet,Spanjollet eshte si ai me gomar e tjetri me avion. Mero mos u beni tellallet e atyre qe therasin ujku ujku per popullin tend.