A i trembeni një rrethimi të selisë së PD? Alibeaj: Ndihem keq kur e dëgjoj, çdo demokrat ka vënë tullën e vet në atë shtëpi të madhe

Nënkryetari i Partisë Demokratike, Enkelejd Alibeaj ka folur për atë se çfarë u diskutua me zyrtarin e lartë amerikan, Gabriel Escobar ditën e sotme në selinë blu. I ftuar në “News24”,  Alibeaj tha se Escobar ka theksuar angazhimin që SHBA ka ndaj korrupsionit në të gjithë rajonin e Ballkanit.

Në lidhje me kuvendet e PD-së, Alibeaj tha se nuk pret që të dalë diçka nga Kuvendi i 11 dhjetorit, i thirrur nga Sali Berisha, e ndërsa shtoi më tej se të gjithë demokratët kanë të drejtë të shprehen në Kuvendi e datës 18 Dhjetor.

Më tej, i pyetur nëse i trembet një rrethimi të selisë së PD-së, ai u shpreh se çdo demokrat ka kontribuar dhe ka vënë tullën e vet në PD.

Pyetje: A i trembeni një rrethimi të selisë së PD?

Alibeaj: Ndihem keq teksa dëgjoj që ka mbërritur të diskutohet në ambiente mediatike një gjë e tillë. Kurrë demokratët, kudoqoftë ai, kurrë s’kanë menduar të bëjnë mësymje. Ajo seli është e demokratëve. Është shtëpi e madhe. Demokratët kanë tullën e tyre në atë seli. Është jashtë koncepti kjo historia e mësymjes. I kam dëgjuar historitë që do të shkarkohet ky dhe ai. Një shtëpi ka rregullat e veta. Instrumenti tjetër që kalon çdo demokrat është mbledhja një Kuvendi sipas rregullave dhe ai i 18 është statutor, e gjithsecili ka të drejtën e vet të shprehë ato që mendon.

Pyetje: Berisha thotë se pas 11 dhjetorit do të jetë ai kryetar i PD?

Alibeaj: S’ka se si të ndodhi, se askush nuk e bën atë gjë. Jo nuk ka për të ndodhur. Më pas se çfarë mendon zoti Berisha mund ta kuptojë kushdo. E kuponi se sa groteske është kjo histori. Partia ka institucionet e tjera. Gjithsecili kishte të drejtën të merrte pjesë për të sfiduar kryetarin e partisë. Një moment i dobët i një kryetari partie është që gjithkush të sfidojë kryetarin e partisë. As Sali Berisha se bëri këtë gjë. Kjo nuk ka të bëjë me zotin Basha.

Pyetje: Më 18 dhjetor çdo të ndodhë?

Alibeaj: Do të jetë Kuvendi i demokratëve i cili u mblodh edhe për shkak të angazhimit që një grup demokratësh patën dëshirën për të mbledhur kuvendin nëpërmjet firmave. Në mënyrë të çuditshme, në atë datë ku pritej që ato të depozitoheshin e t’i jepeshin udhë për të vazhduar procesin, nuk u bë. Është një detyrim moral për ta mbledhur këtë. Kjo është arsyeja se përse u mblodh. Për ta sqaruar praktikisht çështjen, këto janë arsyet se përse u mblodh kuvendi.

Baze ironizon Berishën: I vetmi baba që ka marrë huqet e djalit për të pasur në krah biba, mendon se e zbukurojnë plehrat që nxjerrin nga goja

15:53 Politika

Samiti i Demokracisë në SHBA, Rama: Të angazhuar për një sistem të ri drejtësie, të paanshëm dhe funksional

15:47 Politika

Zbardhen detaje nga takimi me dyer të mbyllura: Çfarë i tha Escobar, Lulzim Bashës

15:37 Politika

Denar Biba emërohet kryetar i Autoritetit të Konkurrencës me 72 vota pro

15:16 Politika

“Po vëre moj maskën”, Braçe revoltohet me deputetët: Ku i keni maskat? ISHP të vijë këtu dhe të vendosë gjoba

15:07 Politika

Deputetja e PD në Kuvend: Ne vishemi me xhaketa e këpucë të shtrenjta, ndërsa njerëzit nuk kanë bukë të hanë

14:47 Politika

Berisha “non grata”, Basha: Pa diskutim që ishte temë diskutimi me Escobar, por do t’i dëgjoni nga vetë ai qëndrimet e DASH

13:20 Politika

DETAJET/ Takimi Basha-Escobar: Pres me kënaqësi vizitën e kryetarit të PD në Washington

13:07 Politika

Dashnor Sula-ministrave: Harruat që hanit byrekë me dhallë, hak ju pastë Zoti

12:52 Politika

Detaje në foto nga vizita zyrtare e Escobar në Tiranë

12:55 Politika