Te fundit
Evazioni me Tatimin mbi të Ardhurat Personale: 150 milionë dollarë në vit
24 Dhjetor 2021, 19:21Ekonomia
TEMA
Nga Eduard Zaloshnja
Njerzit që kanë qëmtuar në të dhënat e pagave të raportuara në Drejtorinë e Tatimeve (të dhëna që qarkullojnë me WhatsApp nëpër Albanistan), janë çuditur me disa rroga jashtëzakonisht të larta të disa personazheve të njohur. Por jo pak janë çuditur edhe me rrogat “e ulta” të raportuara në Drejtorinë e Tatimeve, për persona që dihet se nuk shpërblehen në fakt me rrogë minimimale apo diçka mbi të…
Është e pamndur të analizohen një për një rrogat “e ulta” të raportuara, por një analizë makro mund të bëhet me të dhënat publike të Ministrisë së Financave dhe të INSTAT-it.
Kështu sipas Ministrisë së Financave, përmes Tatimit mbi të Ardhurat Personale ishin grumbulluar në Thesar deri më 1 dhjetor rreth 340 milionë dollarë (konvertimi zyrtar 1 dollar=106.5 lekë), dhe pritet të mblidhen deri në fund të vitit 385 milionë dollarë. Kjo shumë është baraz me 2.5% të Prodhimit të Brendshëm Bruto që pritet të realizohet gjatë këtij viti.
Nga ana tjetër, fqinjët tanë malazezë grumbullojnë përmes Tatimit mbi të Ardhurat Personale një shumë të barabartë me 3.4% të Prodhimit të Brendshëm Bruto që realizohet në Malin e Zi. Dhe Mali i Zi aplikon tarifa më të ulta të Tatimit mbi të Ardhurat Personale: 9% për pagat deri 766 euro, 11% për pagat mbi 766 euro, dhe 5% për të ardhurat nga interesat bankare të jorezidentëve.
Sikur ne të grumbullonim në Thesar të paktën sa malazezët (3.4% të Prodhimit të Brendshëm Bruto tonë), buxheti i shtetit shqipëtar do të kishte 150 milionë dollarë më shumë në fund të vitit.
Ndoshta për të shpërndarë më shumë shpërblime të fundit të vitit për pensionistët dhe punonjësit që i kanë vërtet pagat e ulta…
3 komente në “Evazioni me Tatimin mbi të Ardhurat Personale: 150 milionë dollarë në vit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Koqe kanari, pbb i malit të zi është më i vogël se tek ne. Bëj përpjestimin dhe del se ne përfitojmë më shumë të ardhura.
Bole, pbb e malit te zi per fryme, te pakten keto 10 vitet e fundit ka qene me lerte se e Shqiperise. Ne vlere absolute sigurisht qe ne ja kalojme por e kemi popullsine 4 here me shume.
Nëse jam duke paguar tatimin, duhet të jem i kënaqur me shpenzimet e shtetit! Nuk jam i kënaqur me mënyrën se si shteti po i shpenzon paratë e taksapaguesve. Ata mbledhin nga të varfërit dhe shpenzojnë për një çift të pasur! Kush mund të jetë i lumtur të paguajë tatimin në një sistem të tillë?