Te fundit
Skadoi ultimatumi për Bashën, Komisioni i Rithemelimit: Basha në vend që të mblidhte rraqet po e shndërron selinë në bunker
5 Janar 2022, 17:14Politika
TEMA
Komisioni i Rithemelimit të Partisë Demokratike ka dalë me një deklaratë për shtyp në lidhje me situatën e krijuar në selinë e PD, ku disa prej deputetëve që mbështesin ish-kryeministrin Sali Berisha, nuk arritën të hyjnë brenda.
Sipas këtij Komisioni, Lulzim Basha i ndihmuar nga Edi Rama në vend që të zbatonte vendimin e 44 mijë anëtarëve për t’u larguar, zgjodhi të kthejë në një bunker selinë e Partisë Demokratike.
Më tej, Komisionin për Rithemelimin iu bën thirrje demokratëve që të bashkohen në protestën paqësore të 8 janarit përpara PD.
“Sot skadoi afati i caktuar me tolerancë dhe civilitet nga Komisioni i Rithemelimit të Partisë Demokratike, për lirimin e zyrës së kryetarit të PD-së nga ana e Lulzim Bravës, pas shkarkimit të tij me votën e lirë, nga 4446 delegatë të Kuvendit Kombëtar të PD-së, të datës 11 Dhjetor 2021 dhe nga 44 mijë anëtarë të PD-së, që morën pjesë në Referendumin e Partisë Demokratike të datës 18 Dhjetor 2021.
Në vend të respektimit të këtij afati, deputeti Lulzim Basha, peng mjeran i Edi Ramës për aferat e tij, reagoi në mënyrën më të turpshme e kriminale. Ai shfrytëzoi ditët e afatit tolerant, jo për të mbledhur rraqet e veta por për të blinduar dyer, hyrje e dritare të Selisë së demokratëve shqiptarë, sikur ta kishte pronë private, njëlloj dhe me të njëjtin projekt si Pengmarrësi i tij, ndërtesën e Kryeministrisë.
Ky akt i pashembullt në historinë e një force politike, është përdhosje e selisë së PD, votës së 4446 delegatëve të Kuvendit Kombëtar dhe 44 mijë anëtarëve të Partisë Demokratike, të gjithë demokratëve që nga themelimi i PD-së, si dhe i të rënëve të kësaj partie në këto 30 vite.
Komisioni fton të gjithë demokratet dhe demokratët e Shqipërisë të bashkohen, në protestën paqësore të datës 8 Janar, para Selisë së Partisë Demokratike, me moton “Jo bunker i Pengut po Shtëpi e Demokratëve”, të firmosin kështu rikthimin e Selisë së PD në Shtëpinë e Lirisë së demokratëve dhe simbolin e shpresës, për mbarë shqiptarët”, thuhet mes të tjerash në deklaratën për shtyp.
2 komente në “Skadoi ultimatumi për Bashën, Komisioni i Rithemelimit: Basha në vend që të mblidhte rraqet po e shndërron selinë në bunker”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
PRETENDIMET E PALEVE i zgjidh gjykata jo ultimatumet e Saliut me 40 hajdutet!
O Komisioni !
Mos u nxitoni! Po sikur Basha te largohet ne ora 12 pa 1 minute ( e nats) do kete njeri ta marre ne dorezim PD e Rithemeluar ne formatin non grata? Mos can I vehten per gjyqin qe nuk eshte bere?
Beni ta merrni me dhune! We ti shtihon veprimet joligjore dhe no Demokratike Non grata se Madh!