Te fundit
Grida Duma: Përjashtimi i Berishës vendim i marrë me vonesë, ta kishin larguar që në ’97-n
11 Janar 2022, 13:31Politika
TEMA
Së fundmi është zbardhur qëndrimi i nënkryetares së PD-së, Grida Duma në mbledhjen e Kryesisë e cila mësohet të jetë shprehur se marrja e vendimeve në kohë është më e rëndësishme se vetë vendimi.
“Ne marrim vendime me vonesë” u është drejtuar Nënkryetarja e Partisë Demokratike, Grida Duma, të pranishmëve në mbledhje.
Duma mësohet se është shprehur që këto veprime në PD duhet të ishin qartësuar që nga pezullimi i Sali Berishës nga grupi parlamentar pasi ai më herët u shpall “non grata”.
Duke u ndalur tek dhuna e protestës së 8 janarit, Duma mësohet të jetë shprehur se mund të ishin sakrifikuar njerëz por Zoti i ndihmoi, ndërsa për Berishën është shprehur se ai gaboi vetë dhe i tregoi shqiptarëve që kishte mbetur ai i ‘97, pa asnjë reflektim.
Sjellim ndërmend se pas një mbledhje deri në orët e para të mëngjesit, Kryesia e PD ka përjashtuar përgjithmonë nga partia Sali Berishën dhe 8 anëtarë të Komisionit të Rithemelimit.
Konkretisht emrat e përjashtuar janë Bujar Nishanin, Flamur Nokën, Albana Vokshin, Edmond Spahon, Arben Ristanin, Klevis Balliun dhe Keltis Krujën.
Deklarata e Grida Dumës:
Marrja e vendimeve në kohë është më e rëndësishme se vetë vendimi. Ne marrim vendime me vonesë.
Pas 9 shtatorit, kur u mor vendimi mbi non gratën, cdo ditë ju kam thënë e kërkuar të qartësosh njerëzit e demokratët për si dhe pse u mor ky vendim. Nuk do ishim këtu sot nëse do kishim qartësuar njerëzit për 4 muaj dhe do i kishim marrë këto vendime më parë.
Berisha u la të forcohej, dhe u forcua sepse nuk vepruam. Por fatmirësisht dhe për shkak të Zotit, e jo të veprimeve tona, ai në datën 8 janar pas dhunës vandale dhe terrorit, që mund të kishte sakrifikuar jetë njerëzish, gaboi vetë dhe i tregoi shqiptarëve që kishte mbetur ai i ‘97, pa asnjë reflektim.
Sot mendoj që gjërat duhen thënë hapur. Po, ne jemi kompleksuar!!. Kompleks kudo, veprojmë vonë, marrim vendime vonë, jemi të vonuar të flasim troc me njerëzit, e lëmë kundërshtarin të ecë një hap përpara.
Sa i përket godinës, nuk mundemi ne ta bëjmë betejën për godinën si lufte guerrilie. Asnjë kompleks nuk mund të kesh të kërkosh policinë të veprojë. Si mundet në të pretendojmë që do mbrohet godina e partisë me hekura blinda dhe hunj dhe të kompleksohemi që të veprojnë institucionet. Po duhet të veprojë policia dhe sepse ndërhyri policia u evitua gjakderdhje, tí themi gjërat sic janë. Për pak minuta mund të kishte gjak, dhe gjakun po presin disa dhe ne e dimë mirë.
Por institucioni mbrohet me institucion dhe jo trupa njerëzish që bëhen therror. Unë nuk mbroj dot hekurat e blindimit, dhe nëse është cështja për një zyrë të vogël që përdor aty poshtë, cdo democrat të vijë ta ;përdorë si të vetën përditë.
Godina e PD duhet të ç’mitizohet. Le të hapet godina dhe për simbolikë të mbrohet zyra juaj, si institucioni i kryetarit. Duhet të bëjmë opozitë e politikë, jo guerrilie për të mbrojt godinën. Siç e patë nuk hyri njeri brenda të nesërmen kur e kishin të shkatërruar të thyer, as guxuan të hyjnë e të merrnin zyrën kur vinin e bënin shoë tek shkallët disa herë.
S’mund të na mbajë peng me këto komplekse askush!
Pas asaj që ndodhi duhet të shkojmë në terren para demokratëve me urgjencë dhe me nje ofertë të re. Duhen ndryshime të tjera në parti. Nëse është e nevojshme duhen ripozicionuar njerëzit, e kush ka bërë betejë të jetë në krye të punëve dhe të ndjekim vetëm meritën e njerëzve jo më thjeshtë procedurat. Partia s’mund të jetë më me gjuhë monokolor, duhet ti flasë , të zhgënjyerve, duhet të bëjë kritike reale me veten dhe ti japë vendin më të sakrifikuarve e ti njohë meritën atyre që i duhen partisë. Thënë kjo na duhet një ofertë e re e madhe dhe me të gjitha ngjyrat pa asnjë kompleks.
Ngritja do fillojë nga këtu, njerëzit nuk kanë cfarë na japin më na i kanë dhënë të gjitha, jemi ne që duhet të ofrojmë .
4 komente në “Grida Duma: Përjashtimi i Berishës vendim i marrë me vonesë, ta kishin larguar që në ’97-n”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mire i ke thene gjerat Znj. Duma!
Sali Berisha nuk duhet te ishte asnjehere ne krye te PD, kurre! Ai kreun e PD e ka marre me arme zjarri dhe ashtu kerkon ta lere!
Qe jeni vone, kjo dihet, por me mire vone se kurre! Nje gje eshte e vertete se Sali Berisha te vret, te vret vete dhe me vetet, sikurse ka vrare gjate karrieres se tij politike, si ne opozite ashtu edhe ne pushtet.
Tashme duhet ta keni kuptuar se cili eshte Sali Berisha dhe lidhjen e tij me PD. PD per te ka qwene burim fitimi, fitim qe edhe shejket e Arabise Saudite do ta kishin zili.
Jo vetem kaq, por atij duhet t’i fshjihet emri nga listat e PD, dhe duhet te shpallet si “Non Grata” edhe per Partiner Demokratike dhe te distancoheni sa me shpejt prej tij si person, dhe prej veprimeve te tij kriminale.
Ai u ka ngrire buzeqeshjen jo vetem shqiptareve, por edhe juve si parti. Tani duhet folur me force dhe te denoncohen te gjitha krimet e tij, qe nga 2 Prilli 1990, dhe deri tek sulmi barbar, prej vikingesh i nderteses se PD, dhe ndaj te gjithe atyre te pranishem ne ndertese.
Dy duar per nje koke! Te ishte per Sali Berishen, ai do t’i vinte flakern nderteses, duke ju shkrimbuar edhe juve aty brenda, sic beri me njerezit ne Gerdec!
Eshte koha te veproni dhe t’ju iki frika!
Denonconi cdo krim te Sali Berishes! Ai duhet t’ju kete frike, dhe jo ju atij!
Po ti thuaje o Grida se kush tjeter duhet perjashtuar sot qe mos ankohesh ne 2035. Ndoshta Basha?
Pse nuk e jep edhe njecike nga kembet kete bjonden!?
Grida jepi shpirtit.vetem per ate pune eke mendjen.yp grida.