Te fundit
FOTOT/ Mike, ti je?! Polemika pas humbjes së 40 kg për 6 muaj, nga ish-sekretari amerikan i Shtetit
12 Janar 2022, 09:38Lifestyle
TEMA
Ish-sekretari amerikan i shtetit, Mike Pompeo, ka qenë në titujt kryesorë të mediave amerikane kohët e fundit për humbjen dramatike të peshës. Gati e pabesueshme, por ai thotë se ka humbur rreth 41 kilogramë në vetëm gjashtë muaj.
Gjithçka nisi në qershor, pasi u largua nga administrata Trump, kur mësoi se peshonte 136 kg. Ai tregoi se ju drejtua gruas së tij, Susan, dhe i tha: “Sot është dita”.
“Fillova të ushtrohem, jo çdo ditë, por pothuajse çdo ditë, dhe të haja siç duhet dhe pesha filloi të binte,” tha ai.
Pompeo, 58 vjeç, i tha New York Post se ai investoi në një palestër në shtëpi me disa shtanga dore dhe një makinë eliptike ku ushtron pesë deri në gjashtë herë në javë për afërsisht 30 minuta.
“Nuk kisha trajner, as dietolog. Isha vetëm unë”, tha ai.
Ish-drejtori i CIA-s tha se fillimisht filloi të fitonte peshë pasi u zgjodh në Kongres si përfaqësues për Kansas në vitin 2010.
“E vërteta është se humbja e peshës ka qenë një luftë e jetës për mua” tha ai.
Pompeo i tha Fox News në një intervistë se ai ka qenë më i ndërgjegjshëm për ushqimet që konsumon.
Pompeo tregoi se ka hequr dorë nga qershori nga patatet e skuquara, një nga të preferuarat e tij.
“Kjo lidhet me marrjen e zgjedhjeve më të mira çdo herë,” tha Pompeo.
Por ekspertët e shëndetit kanë qenë kritikë për humbjen e peshës së Pompeos dhe një artikull, i cili u bë viral, i autorizuar nga bordi redaktues i Kansas City Star pretendonte se Pompeo nuk ishte i sinqertë se si arriti të humbiste rreth 41 kg gjatë një periudhe kaq të shkurtër kohore.
“Unë e kam bërë këtë për 20 vjet,” dhe nuk kam parë kurrë diçka të tillë”, tha instruktori i fitnesit Micah LaCerte për Kansas City Star .
“Ai do të duhej të ishte në një dietë masivea.”
Sipas LaCerte, edhe nëse Pompeo do t’i kishte hequr plotësisht karbohidratet nga dieta e tij, humbja e 41 kilogramëve në gjashtë muaj për një person rreth 60 vjeç do të ishte praktikisht e pamundur pa orë stërvitjeje çdo ditë.
“Shoku, thjesht ji i sinqertë. Mike, hajde, burrë”, tha ai.
LeCerte tha se do të bëhet e qartë në 6 deri në 12 muajt e ardhshëm se si Pompeo e humbi peshën, sepse nëse aie ka bërë me dietë ekstreme, nuk do të jetë e qëndrueshme.
“Përfundimisht, ju dëshironi të hani një copë bukë kur dilni për darkë, ose të pini një gotë verë,” tha ai.
“Në momentin kur karbohidratet godasin përsëri trupin tuaj, ju shpërtheheni”, u shpreh ai.
Pompeo tha gjithashtu se humbja e peshës së tij nuk ka të bëjë fare me një kandidim presidencial në vitin 2024, siç kanë spekuluar disa përdorues të mediave sociale.
Ai tha se djali i tij dhe e fejuara do të martohen në korrik dhe Pompeo shpreson se çifti do të ketë fëmijë së shpejti, gjë që e ka motivuar atë të bëhet më i shëndetshëm.
“Rrobat e mia përshtaten më mirë dhe kam më shumë energji,” tha ai.
“Por në të vërtetë, unë dua të jem atje për familjen time dhe shpresoj për shumë nipër e mbesa”, tha Pompeo.
1 komente në “FOTOT/ Mike, ti je?! Polemika pas humbjes së 40 kg për 6 muaj, nga ish-sekretari amerikan i Shtetit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Do ket zen noi goc te re dashnore , po se tregon!!