Bujar Nishani: Rama kreu një akt skandaloz dhe fyes ndaj besimtarëve myslimanë

Bujar Nishani ka reaguar për vizitën e Erdogan në Shqipëri. Ai ka sulmuar Edi Ramën, duke thënë se ka kryer një akt skandaloz ndaj besimtarëve myslimanë.

Reagimi i Nishanit

Edi Rama kreu një akt skandaloz, të turpshëm dhe fyes dje, duke përjashtuar nga ceremonia në Xhaminë e Et’hem Beut në Kryeqytet, Kryetarin dhe përfaqësues të Komunitetit Mysliman të Shqipërisë.

Akt fyes jo vetëm ndaj të gjithë komunitetit të besimtarëve mysliman në Shqipëri, por edhe ndaj të gjithë shqiptarëve, ndaj shtetit shqiptar, ndaj kodeve zakonore dhe atyre shtetërore.

Shqipëria është një shtet laik, ku feja është e ndarë nga shteti dhe politika, por ajo është ndjeshmëri dhe përkatësi e fortë e miliona njerëzve.

Objektet e besimit, xhamitë, kishat, teqetë, sinagogat, etj., nuk janë pronë e shtetit, aq më pak e qeverisë dhe për më tepër e dënueshme në të gjitha dimensionet kur përdhoset me akte politike.

Edi Rama i ka konsumuar në mënyrë të turpshme dje të gjitha dimensionet e një akti fyes, përdhosje e pushtimi, ndaj një vendi të shenjtë, jo politik dhe në pronësi të dikujt tjetër të cilët i përjashtoi e nuk i lejoi të administronin pronën e tyre në një ceremoni të rëndësishme.

Edi Rama nuk ka kurrfarë tagri e asnjë të drejtë elementare të përcaktojë se kush duhet të jetë e kush nuk duhet të jetë drejtues apo përfaqësues të Komunitetit Mysliman të Shqipërisë.

Ai nuk ka kurrfarë mundësie apo pushteti të marrë apo administrojë pronat e një komuniteti të caktuar fetar në këtë shtet, të cilin nuk do mundet ta kthejë dot në një karikaturë, siç janë reminishencat e subkoshiencës së tij, për shtetin, shoqërinë, qeverisjen, dinjitetin, integritetin.

Minimalisht, kryeministri i këtij vendi duhet të lexojë dy faqe histori nga Kongresi i parë i atij komuniteti në vitin 1923 për të kuptuar vlerat e respektit, dinjitetit, të drejtës, integritetit dhe detyrat e secilit prej aktorëve të kësaj shoqërie.

Një nga vlerat më të mëdha jo vetëm të aspektit paqtues shoqëror por edhe të ruajtjes së identitetit tonë kombëtarë ka qenë harmonia dhe respekti i ndërsjellë midis komuniteteve fetare dhe i shoqërisë në raport me ato komunitete.

Ndoshta nga të pakta dimensione që i ngjit shqiptarët në majën e vlerësimit të hierarkisë botërore.

Me aktin e djeshëm në Xhaminë e Et’hem Beut, Edi Rama i ka dhënë një goditje të pabesë dhe të turpshme këtij dimensioni mbarëkombëtarë dhe një mesazh fyes e refuzimi për t’i konsideruar e respektuar besimtarët mysliman të këtij vendi.

Unë shpresoj shumë dhe uroj që besimtarët e këtij komuniteti ta injorojnë totalisht këtë akt provokator e intrigant të Edi Ramës pasi formimi i tij, morali i tij, modeli i tij, synimi i tij, kënaqësitë e përmbushjet e tij janë veç skandalet.

Vlerat e shoqërisë sonë janë të një dimensioni tjetër.

Ato mund të provokohen, lëndohen e minohen nga akte të tilla si ai i djeshmi, por kurrsesi nuk do të tjetërsohen e aq më pak të zhbëhen.

Ministrja gjermane: Shqipëria dhe Ballkani Perëndimor, me rëndësi strategjike! Kanë perspektiva në BE

10:53 Politika

Shtypi britanik, 3 shkrime pompoze në një javë për Shqipërinë: Pse?

10:51 Politika

Arben Ahmetaj me ministren gjermane: I kemi bërë detyrat, negociatat duhet të nisin

10:39 Politika

“Konferenca e Parë Ndërqeveritare duhet të mbahet sa më shpejt”, Soreca: Shqipëria të mbajë fokusin tek reformat

10:37 Politika

PD: Berisha, gënjeshtar ordiner! Për hallin e tij ka qenë gjithmonë gati t’i vërë zjarrin Shqipërisë

10:26 Politika

Ilir Metës i ka ardhur koha të mendojë për veten!

10:21 Politika

Mesazhet: Berisha-Meta shantazh anëtareve të Kushtueses, Fiona Papajorgji dhe Marsida Xhaferllari

09:55 Politika

Kulla në selinë e PD, Rakipi pyet Fevziun: Pronarët janë kushërinjtë e tu

09:24 Politika

Arjan Çani: Berisha të shpallë falimentin, ose të bëjë atë që bënë homologët e tij në Europë!

09:16 Politika

Meta: Kur shoh lidershipin aktual të PD-së më rritet respekti për Ramiz Alinë. Politikanë qofshtesh që nuk ikin kur humbin

22:45 Politika