Te fundit
A do të dëshmojë Basha, për krimet e Sali Berishës?
19 Janar 2022, 10:54Blog
TEMA
Nga Frrok Çupi
Ka plasur keq… Njëri thërret ‘vrasës’, tjetri ‘sfurqet’, i treti ‘gazin e snajperë’ dhe ‘brava’. Akuza pa fund dhe të egra fort. Këta në PD sapo kanë zbuluar njëri tjetrin; ne nuk mund të themi se nuk po thonë të vërteta. Por po mendojmë si e njohin kaq mirë njëri tjetrin…
Dje në mesditë, bash në të pasmen e piramidës së caktuar për diktatorin komunist, plasi lufta e njërës rini të PD kundër rinisë tjetër- po e PD; u kapën për flokësh gratë e njërës PD me gratë e PD-së tjetër.
Të rinjtë u tha se nxiteshin nga disa ‘pleq të marrë’ në PD, ndërsa gratë nga disa gra po të llojit të vet, por me botoks në fytyrë… Nuk ka rëndësi se kush, sepse secili shikon djallin te njeriu dhe tjetri njeriun te djalli.
Por pse po ndodh kështu?
-Njeriu shikon atë që do,- ka shkruar Sartri- dhe asgjëson gjënë që nuk do.
Presidenti i Republikës e shikon gjithë botën si ‘maskareshë’.
“Nëse ka ndonjë palo ambasadë që ka zgjedhur ndonjë palo politikan për t’i dhënë mesazhe Ilir Metës, ju them që Ilir Metën këtu do ta kenë… Do të armiqësohen me popullin tim!’, tha dje presidenti.
Kishte shkuar te varri i Skënderbeut dhe i lëshonte zë Amerikës. Më parë kishte thënë se ‘amerikanët i kap për veshi’, pastaj i kishte kërcënuar me ‘raketat ruse’, shqiptarë i ndau në ata të ‘2 prillit’ dhe ‘të tjerët’.
Ku i shikon këto pamje presidenti i Republikës? Të jetë kthyer, vallë, 500 vjet pas në kohë?…, atëherë ku ta gjente Amerikën… Ta shikojë ‘popullin tim’ nën këmbët e veta?, edhe kjo s’ka sens.
Presidenti te të tjerët shikon ‘shtatzëninë’ e tij. Ai e di se bota e qytetëruar dhe qytetaria shqiptare e kanë bërë ‘dalje’; siç bëhen ‘dalje’ në magazina mallrat e skaduara.
Presidenti ‘armik i Skënderbeut’, Erdogan, as u kujtua se ky vend kishte ‘edhe president Meta’. Më parë zyrtarët e lartë të Shteteve të Bashkuara ‘s’e mbanin mend, ishte akoma apo jo’. Edhe zyrtarët e Evropës- po kështu.
Në pak ditë presidentin e pret shkarkimi dhe pastaj ‘marrëzia rrugëve’. ‘Një popull i madh, populli im, do të mbrojë presidentin dhe do të bëhet armik i Amerikës’!- këtë shikon Ilir Meta. Sepse me tharmin e kësaj marrëzie ‘ka mbetur me barrë’; shtatzëna si veten i shikon të gjithë që kalojnë.
Prej më shumë se 9 muajsh kishte shkelur mbi 20 nene të kushtetutës, kishte nxitur konfliktin në vend, kishte mohuar zgjedhjen e pushtetit lokal, kishte goditur marrëdhëniet e Republikës me Shtetet e Bashkuara.
Prej më shumë se 9 muajsh, tani i ka ardhur koha…
Presidenti tjetër, Berisha, do të kishte shkruar një tabelë dhe ta kishte vënë në tri kopje: Njërën në hyrje të shtëpisë; të dytën në ballë të oxhakut dhe të tretën në derën e ambienteve ‘sensitive’. Kjo letër do të shkruante: ‘Ndal, mos e thuaj fjalën korrupsion!’. Dhe, po të ishte burrë, do t’i bindeshin grua, fëmijë, nipër e mbesa dhe dhëndurë e nuse…
Mirëpo kjo është e pamundur, sipas Zhan Pol Sartrit. Gjatë gjithë periudhës së shtatzënisë, Berisha do të shikojë të gjithë sikur janë me barrë me dramat e tij. Hera më e fundit, ai akuzoi gruan e Lul Bashës, sikur ka një ‘barrë’ diku në Qipro dhe kjo është ‘lojëra fati’. Iu lëshua Luli dhe mbrojti gjendjen e gruas së vet. Po pse iu lëshua kaq shumë për gruan?… Kjo është një punë tjetër, siç thonë këta moderatorët televizivë se ‘e kemi më poshtë’.
Por pyetja tani është pse Berisha u bë ‘demi’ përballë toreadorit femër? Prapë përgjigja dihet nga poeti dhe filozofi i madh i ekzistencializmit të Francës. Në çdo akuzë që bën Sali Berisha, nxjerr nga goja atë çfarë është vetë. Thotë ‘i korruptuar’, kur vetë është në krye të tabelës botërore si i korruptuar.
Thotë ‘peng i pengut’.., Berisha është i shpallur dhe i vetë- shpallur peng i parave të skemave piramidale, peng i politbyrosë komuniste, peng i celulave terroriste Islamike; peng i vrasjes së njërit pse ai dinte si u vra tjetri, peng i krimeve në Bulevard dhe në Gërdec… Berisha e di si vriten kundërshtarët në protestë, prandaj e akuzon Bashën për ‘asgjësim te selia’.
Rreth vetes mban njerëzit e llojit të vet, ata më të korruptuarit; ministra, shefa e drejtorë që i ka ‘ngarkuar me barrë’ vite të shkuara. Me këta ndihet më mirë, jo veç pse i ruajnë sekretin njëri tjetrit, por edhe se ‘si gratë shtatzëna’ bisedojnë në sokak.
Sali Berisha i ka provuar të gjitha veset dhe të këqijat që mund të ketë një njeri në politikë; prandaj edhe është i lirë tua shpifë të tjerëve.
Pse iu lëshua Luli për të mbrojtur gruan e vet, po thonim më parë. ‘Gënjeshtar ordiner…, sillet nëpër Shqipëri duke thënë gënjeshtra”, e quajti dje Berishën. Asnjëherë më parë kur bosi i tij ka sulmuar popullin, Basha nuk ka reaguar…, sepse populli është jashtë llojit.
Basha është njeriu më në ‘shtratin’ e Berishës. Ai di gjithçka ka ndodhur brenda asaj zyre, asaj familjeje dhe tij kurmi. Basha di si u vranë 4 dëshmorët në Bulevard; di si u ngrit biznesi familjar në Gërdec; di si u mblodhën ‘fakte’ kundër UÇK në Kosovë; di ça u bë me fondet e Rrugës së Kombit…
A do të dëshmojë Lulzim Basha për veprat penale? Kjo është prova.
Ose do të ndodhë që para pasqyrës së shtatzënisë të shikojë përjetësisht Berishën dhe Metën.
18 komente në “A do të dëshmojë Basha, për krimet e Sali Berishës?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
FRROK CUPI LEGJENDE .
( BOUCHE B ) THUHET NE FRANÇAISE NE SHQIPE NUK KE CFARE THUA I KE THENE TE GJITHA .
Basha eshte i koruptuar per vehte po aq sa berisha. Jane muti dhe shura e se njejtes hale qe e ka emrin PD.
…kot shpresojme se Luli do te deshmoje ne Prokurori apo SPAK, sepse ai ka ka deklaruar hapur te kunderten.
Dhe nuk ka sesi te veproje ndryshe, pasi per koken e tij u ca koka e Sokol Olldashit!
Pra i ka borxh Trustit te “Geshtenjave dhe Boronicave te Tropojes” nje koke qe nuk ka tjeter vec koken e tij!!!
Basha esht me i keq se Berisha se jan biri dhe babai, fmijet jan pinjoll te kqij sidomos kur badhkohen me kurva tipi GD,..
E bukur esse’! Shtatzënit i duken të tërë si vetja, dmth me barrë. Gjetje gjeniale! Analizë bazuar ne filozofinë e Jean Paul Sartre.
Po mor pusht, do deshmoje. Po ti a deshmosh ?
Pene e rralle…bravo!
Bravo Frrok Çupi!
Ky eshte kar fare, por habitem me ca kara te tjere komentues qe delirohen nga fantazite e marra te Frrokut.
Një herë e një kohë, në pazarin e Shkodrës një person po shiste 2 qen, një te rritur dhe një kelysh të vogël. Një blerës ju afrua dhe e pyeti sa e shiste qenin e madh, dhe shitesi ju pergjgj 2000 lek. Blersit ju duk se ishte shtrenjt, dhe e pyeti se sa e shiste kelushin e vogël ? Shitesi ju pergjigj se e shiste 10.000 lek. Si ka mundesi që e shisni 5 herë me shtrenjt se qenin e madh, ky është kelysh krejt i vogël, i tha blersi. Po po, ashtu është, i tha shitsi, por ky qeni i vogël është i biri i ketij qeni të madh, dmth, me jeten dhe eksperiencen e tij që ka dhe do të ketë, do të jetë më qen se qeni babë, pra më i stervitur…….!!!!!!
shume shpejt do i nxjerrin te gjitha poshtersite e njeri tjetrit si Lyl Bytha dhe Sali Kurva
Ah mor Frrok ! Te shkoi jeta me ‘nuska” …njehere per sigurimin e shtetit e tashme per Ramen.Frrok “llulla”,
Basha te pergjigjet per :
1.Rrugen e Kombit, vjedhjen e nxjerre nga Kontrolli i Larte i Shtetit
2.Vrasjet e 21 janarit qe ka qene minister i brendshem dhe prezent ne vendin e ngjarjes
3.Per shtepine e verdhe ku sipas Dick Marty-t u hiqeshin organet serbeve nga be kosovaret e UÇK, dhe Basha ka qene ne grupin e tij.
harrove detin si minister i jashtem
Duhet të përgjigjet edhe për KASETËN e përmend si shpesh për mos me hy në haresë!
Qe te dy,Berisha dhe Basha jjan si muti me kaken dhe si te till duhet te zhduken nga siperfaqja e dheut.Jane te dy kriminela dhe antishqipetar.
nuk deshmon dot sepse kane vjedhur dhe vrare bashke.
E mer Frrok qe katunar ngele gjith jeten. E fillove gazetarllikun te RD para 20 vjeteve, pastaj nderroi filmi rruges, po prap shkrimet e tua jane si e oma e zeqos ne maj te thanes … ske pik lidhje me gjuhen letrare