Te fundit
Top player-at e dështuar të Partizanit: Largimi i Kaçes lehtëson arkën e klubit
20 Janar 2022, 18:56Sport
TEMA
U bënë disa sezone që lojtarët që mbërrijnë te Partizani për të bërë diferencën e bëjnë vetëm në pagesë. Në fushë rezultatet janë katastrofike, me prezenca të pakta e përfaqësime për tu harruar.
I fundit në radhë ishte Ergys Kaçe, ish-mesfushori i kombëtares, që erdhi me super pagën e zakonshme dhe la për të dëshiruar në fushë.
Ai që duhej të ishte fari ndricues i lojës së të kuqve u kthye vetëm në një barrë financiare që klubi nuk po dinte si ta hiqte qafe.
E tani erdhi akordi me mirëkuptim nga të dy palët, Kaçe nuk do të jetë më lojtar i Partizanit, që me këtë lëvizje i lejon vetes të kursejë të paktën 60 mijë euro pagë të lojtarit që pagën e kishte për top player e përfaqësimet si më i zakonshmi i pankinës, madje as i denjë për të luajtur me fanellën e kryeqytetasve.
Sic duket te Partizani nuk kanë aspak nuhatje për të bërë goditjen diferencuese. Mjafton të kujtosh lëvizjet e mëdha të fundit që rezultuan po në dështime të mëdha.
Edgar Çani erdhi me një kontratë prej 250 mijë euro në sezon dhe nuk luajti asnjë ndeshje me përjashtim të ndonjë fragmenti e një ndeshje në Kupën e Shqipërisë.
Pasi fitoi titullin me Gegën, të kuqtë vendosën ta riprovonin me Ferhan Hasanin, por Buba mori vetëm 120 mijë eurot e gjashtë muajve kontratë me pak minuta në fushë e asnjë gjurmë.
Për fat një pjesë të kuqtë e kthyen mbrapsht falë shpërblimit të UEFA-s, për prezencën e shqiptaro-maqedonasit në Euro 2020 me Maqedoninë e Veriut.
1 komente në “Top player-at e dështuar të Partizanit: Largimi i Kaçes lehtëson arkën e klubit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pershendetje.Me pelqejne analizat tuaja ne kete gazete perfshi dhe ato sportive.Para ca ditesh bera nje shkrim per dinakerine e trainerit te partizanit Daja qe kishte planezuar largimin nga ekipi jo per tek Dinamo por ne kosove (kisha njoftim te gabuar) por vertet e dobesoj drejtimin e ekipit per ta bere te lehte ikjen pa pasoja.
Do te thoshja se ai ekip perseri nuk mund te kete rezultate jo se futbollistet nuk kane kualitete por mendoj ekipi drejtus jo profesionist per futbollin (dejtori) ben nje pune te dobet ( amatoreske) per zgjedhjen e futbollisteve duke shpenzuar shuma marramendese por pa kualitete per te mos thene “skarcot” e vipave te dikurshem qe vjelin taksat e tifozerise e ne pergjithesi “mjelin” pa denjesisht ate klub.
Nuk mund te emerohet nje profesionist futbolli dhe jo basketbollist (pa ofenduar drejtorin qe mund te jete i suksesshem ne basketboll por jo ne futboll) ?
Keto jane mendime qe ndoshta dhe te gabuara por si dashamires futbolli per se largu duke pare kujdesin dhe suksesin e klubeve si Tirana etj qe bejne nje perzgjedhje te duhur per rritjen e cilesis se futbollit si futbolliste dhe drejtues.
Suksese ekipit TIRONA.