Te fundit
FOTOT: Arkeologët zbulojnë në Londër mozaikun romak më të madhin në 50 vitet e fundit
24 Shkurt 2022, 15:34Lifestyle
TEMA
Një mozaik romak i ruajtur mirë gati 1800 vjet I vjetër është zbuluar në Londër pranë një prej monumenteve më të njohura të qytetit.
Mozaiku mendohet të ketë zbukuruar dyshemetë e një dhome ngrënieje romake dhe vendi ku ai qëndron është afër Shard — ndërtesa më e lartë e kryeqytetit, afër urës së Londrës.
Arkeologët nga Muzeu i Arkeologjisë së Londrës (MOLA) zbuluan mozaikun në fillim të këtij muaji gjatë një gërmimi përpara punimeve të ndërtimit që do të kryheshin në vend, i cili më parë shërbente si parkim makinash.
Mozaiku është zbulimi më i madh në Londër në të paktën 50 vjet, sipas një njoftimi për shtyp nga MOLA.
“Është një gjetje vërtet, vërtet e veçantë,” i tha CNN të mërkurën Sophie Jackson, drejtoresha e shërbimeve zhvilluese të MOLA, duke shtuar se mozaikë të mëdhenj romakë nuk ndërtoheshin shpesh në Londër për shkak se ishte një qytet “i mbushur me njerëz”.
“Është e pabesueshme që ka mbijetuar,” tha Jackson.
“Të kesh një përhapje të madhe të mozaikut si ai në një dhomë të përcaktuar — ne mendojmë se është një dhomë ngrënie — është vërtet e mahnitshme. Dhe gjithashtu duket shumë bukur, është thjesht shumë e bukur, në fakt.”
Dhoma e ngrënies ku u gjet mozaiku mendohet të ketë qenë pjesë e një “mansio” romak ose “motel” të që ofronte strehim, dhe ambiente ngrënieje,” tha ekipi në njoftimin për shtyp. Dekorimet dhe përmasat luksoze tregonin se vetëm “oficerët e rangut të lartë dhe të ftuarit e tyre” do të kishin qëndruar atje.
Vetë mozaiku përbëhet nga dy panele, me më të madhin që daton në fund të shekullit II ose fillim të shekullit të III pas Krishtit. Megjithatë, ekipi vuri re gjurmë të një mozaiku të mëparshëm poshtë, të cilin Jackson tha se një ekspert tani do të përpiqet ta gjurmojë dhe rindërtojë.
Paneli më i madh është zbukuruar me “lule të mëdha, shumëngjyrëshe të rrethuara nga breza fijesh të ndërthurura” dhe modele duke përfshirë një nyjë të Solomonit (një motiv me lak). Më e vogla ka dy nyje të Solomonit dhe “lule të stilizuara”, shtohet në njoftimin për shtyp. (TemA)
Lini një Përgjigje
Më të lexuarat
24 oret e fundit
Javen e fundit
Blog Tema
