Te fundit
Basha: Kemi hyrë në një proces reflektimi, gati të ndërmarr çdo hap për të mirën e PD-së
10 Mars 2022, 10:30Politika
TEMA
Lulzim Basha ka njoftuar se Partia Demokratike ka hyrë në një proces reflektimi lidhur me zhvillimet e fundit.
Kryedemokrati nënvizon se ai është gati të ndërmarrë çdo hap për të fuqizuar “selinë blu”.
Në një koment të shkurtër për gazetarët, Basha tha se do ketë një analizë të thellë për bashkitë ku u garua në zgjedhjet e 6 marsit.
“Jam gati të bëj gjithçka për interesin më të mirë të demokratëve”, garantoi ndër të tjera Basha.
Ai ka qenë në bankën e të akuzuarëve prej dy ish-nënkryetarëve të PD-së për humbjen e gjashtë të zgjedhjeve.
“Demokratët do të marrin në dorë fatin e tyre. PD-ja do të dali më fortë dhe e bashkuar”, ravijëzoi kreu i selisë blu.
Në përmbyllje të deklaratës për media, Basha mori përsipër fajin kryesor për humbjet në zgjedhjet e pjesshme për gjashtë bashki të vendit.
“Përgjegjësia e parë është e imja”, tha kryetari i PD-së.
Kujtojmë që Basha u nis menjëherë drejt Kuvendit, aty ku po zhvillohen punimet e seancës plenare të 10 marsit.
1 komente në “Basha: Kemi hyrë në një proces reflektimi, gati të ndërmarr çdo hap për të mirën e PD-së”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ec perpara – edhe humbja ka vlera .
Ty te ngrene kurthe si gjithmone .