Te fundit
Muli merr lajme të gëzuara nga PD e Vlorës
3 Korrik 2025, 19:23Antena
TEMA
Muli për herë të parë mori sot lajme të gëzuara nga PD e Vlorës.
Sekretarja e Degës e mori e shqetësuar pasi e kishin njoftuar se para zyrës kishte rreth 30 vetë që kërkonin të takonin kryetarin.
Roja i godines deshi t’i zbonte.
— Kryetari nuk është, tha, është me pushime, dhe njoftoi sekretaren.
Ajo e trembur se kush e kërkonte, mori Mulin se mos kishte ndonjë sherr.
— Nuk di gjë, tha Muli, po ti shko pyet njëherë çfarë janë e çfarë duan.
Shkoi sekretarja, i përshëndeti dhe shkoi të hapte derën.
Për çudi, të gjithë të edukuar.
I thanë: “Mirëmëngjes, mire se erdhe!”
Pasi hapi zyrën dhe u fut brenda, sekretarja doli prapë te dera dhe u tha se kryetari ka ikur me pushime dhe zyrat i kemi mbyllur.
-Por, po keni gjë, ia lë unë porosi kryetarit.
— Ne duam të bëhemi anëtarë të PD, i tha njëri.
— Anëtarë të PD, pyeti e çuditur sekretarja.
Korba, po ne s’kemi as tesera, se ka vite që nuk bëhet njeri anëtar, vetëm ikin!
— T’i bëjmë ne vetë teserat, i tha tjetri.
Na tregoni një model se i shtypim ne.
Na jepni nja 200 copa.
— Si?! 200 vetë do bëhemi menjëherë?
— Po, ia ktheu tjetri.
— Po çfarë u ka frymëzuar të bëheni me PD, i tha sekretarja?
— Edi Rama, i tha ai që ishte në krye të tyre.
— Nuk e kuptova, tha sekretarja.
— Dëgjo, motra, se të kemi si motrën tonë, por nga halli e bëjmë.
Ne jemi socialistë, me thënë të drejtën, por jemi dhe pa punë.
Ka ardh sot ai dhe i ka heq të gjithë këta drejtorët nga puna dhe janë hap shumë vende pune.
Po është kriter që duhet të vish nga PD.
Na e bëj këtë nder, na jep një copë letër, se do ta shpërblejmë jetë e mot!
Sekretarja u trondit rëndë dhe raportoi tek Muli se 200 socialistë duan të anëtarësohen në PD.
-T’u jap teserë, apo jo?
— Po tani u kujtuan ata, tha Muli?
Pse nuk e bënë para zgjedhjeve?
— Tani u kujtua Edi Rama, tha ajo, të marrë nga PD dhe duan të kenë teserën, të jenë në rregull me kriteret.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
????????????