Te fundit
Parlamenti, siç duhet të jetë
23 Prill 2026, 17:24Blog
Bjorn Runa
Teksa bota po mësohet muajt e fundit t’i kremtojë armëpushimet, sado të mos iu zërë besë plotësisht, Shqipëria duket se po përjeton variantin e vet të një 'armëpushimi' të përkohshëm. Armët natyrisht ndryshojnë, por pushimi dhe ndjesia e çlirimit, sado modeste, i ngjajnë deri diku asaj që një pjesë tjetër e njerëzimit përjeton kur sheh se, të paktën për disa ditë, nuk do t’i fluturojnë dronë dhe raketa mbi kokë.
Dy javë më parë, Sekretari i Përgjithshëm i PD, Flamur Noka, u pezullua për 20 ditë nga seancat parlamentare, pasi kërcënoi Kreun e Grupit Parlamentar socialist, Taulant Balla, para se ta godiste me një shishe uji. E gjitha ndodhi 'live' gjatë seancës plenare.
Vendimi ishte i drejtë. Dhuna në ambientet e parlamentit nuk është se lë ndonjë hapësirë për interpretim. Por, ajo që bie në sy dy javë më pas është se sa normal duket parlamenti shqiptar gjatë këtij “armëpushimi” dyjavor.
Kemi dëgjuar debate për bujqësinë, çmimet e energjisë, shëndetësinë, politikat ekonomike, që edhe pse nuk janë temat më elektrizuese në historinë e diskursit demokratik, të paktën janë debate: përballje konkrete përmes fjalës, në një sallë që vetëm dy javë më parë dukej se qe kthyer - në mos në epokën e gurit - të paktën në atë rrahjes me shishe plastike dhe kur në një shkretëtirë të tillë gjen qoftë edhe një pikë ujë – si debatet e këtyre dy javëve – nuk mund të ankohesh se është ujë pa gaz.
Është edhe Sali Berisha, kryetari i PD, i cili është munduar të veshë këpucët e Nokës, por që duhet pranuar, se i kanë ardhur pak të mëdha. Përpjekjet e tij për ta uzurpuar foltoren e Kuvendit edhe përtej kohës së lejuar, në fakt kanë patur efektin e kundërt, duke shfaqur edhe më qartë, pikërisht atë që partia e tij përpiqet ta fshehë me çdo kusht: se Berisha duket i lodhur, jo vetëm politikisht, por edhe fizikisht. Është dramatike të shohësh se si një lider, i cili e ka ndërtuar karrierën e tij politike mbi konfrontime të forta dhe sfida ndaj kundërshtarëve, po kupton nga dita në ditë se konfrontimi kërkon energji, të cilat nuk i ka. Ndaj, këto dy javë e kemi parë të ngjitet në foltoren e Kuvendit disa herë radhazi brenda së njëjtës seance plenare, të flasë dhe të kuptojë se fjalët e tij nuk trondisin më askënd. E shumta, i detyron njerëzit të ndërrojnë kanalin e televizorit, por vetëm kaq. Si një bubullimë që të frikëson për pak çaste, derisa kupton se nuk ka stuhi.
Do të ishte gabim që kjo të lexohej si lavdërim për qeverinë, apo si provë se salla e Kuvendit, papritur është transformuar dhe po përjeton një epokë të artë. Përkundrazi. Shumica parlamentare procedon ashtu siç bëjnë përgjithësisht shumicat parlamentare, me vetëbesimin e atij që e di se i ka numrat. Opozita, nga ana tjetër, mbetet opozitë. “Armëpushimi” 20-ditor nuk i zhbën dot problemet strukturore nga të cilat vuan kultura parlamentare në Shqipëri.
Megjithatë, armëpushimet janë të rëndësishme sepse na kujtojnë, qoftë edhe përkohësisht, se si duket paqja. Këto dy javë kanë shërbyer si një pauzë e tillë, ku të gjithë kemi parë se çfarë mund të tjetër mund të ofrojë ajo sallë, veç vulgaritetit, ofendimeve dhe dhunës fizike. Na kanë treguar gjithashtu se një pjesë e mirë e asaj që me trishtim e quajmë “realitet politik shqiptar,” është në fakt produkt i zgjedhjeve të ndërgjegjshme nga individë të caktuar dhe se normaliteti – sado i mërzitshëm dhe i papërsosur – ka qenë gjithnjë i mundur për t’u arritur. Thjesht ia kanë mbyllur derën.
Por Z. Noka do të kthehet së shpejti në sallën e Kuvendit. Siç ndodh me armëpushimet, edhe kjo paqe e ka një datë skadence. Ta shijojmë qetësinë sa kohë do të zgjasë.
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Arestoni Sali Kriminel Hajdut Bajgēn e Shqipria bie nē qetēsi absolute dhe ecēn shum pērpara kjo ēshtē e gjitha qē Shqipria tē ket sukses.
---Shumicës së njerzve ---------------------'----------------------------------------------------------------------------------------------kur u vjen pleqeria--------------------------------------------------------------------------------------------------------------------------- u iken mendja,--------------------------------------------------------------------------------------------------------------------------------- Mulit i ka ikur mendja------------------------------------------------------------------------------------------------------------‐--------pa i ardhur pleqëria. ----------------------------------------‐-- Me nje budalla tē vjetër,vetëm nje budalla i ri mund të krahasohet.
Të morëm veshë që ke të drejtë Folë shkurtë Ai që thotë të vërtetën fletë shkurtë Gënjështari fletë gjatë për të ngatëruar rrugën dhe për të bërë alibi
Ata pseudoshqiptare qe perfaqesojne sali berishen ne parlament, jane funderrinat e botes. Te pakten te dine te respektojne te vdekurin, pa mire per te gjallet se duan ti hane me dhembe si u shprehe dhe deputeti tyre ne Elbasan. te pa shirt, antinjerezor, kriminel dhe hajdut e lume ai popull qe i voton i qorruar dhe i dekurajuar perfundimisht ! Turpi eshte pak: meritojne diçka tjeter por u eshte bashkuar dhe organizata tradhetare qe ha gjakun e shqiptareve me miljonat qe merr nga kurrizi tyre, spaku i famshem qe me Dumani e kete idiotin e fundit dhe ata prokurore dhe gjykates qe nuk kane pike gjak shqiptari duke krijuar pushtetin paralele nga besimi qe u dhane shqiptaret.
Flamur Noka deputet i parlamentit shqiptar sot në vitin 2026. Shumë turp për ne si popull.
Ne te gjitha parlamentet e botes shkojne familje te mira, intelektuale, profesioniste nuk futen humbesirat e Novoseles dhe ceta e tij
Nuk e di çfare "lezeti" ka parlamenti yne ne gjendje paqesore!
Grupi parlamentar i PD sot me Sali Berisha nongrada , Mul Noka budalla i certifikuar, Paloka më budalla se Muli, Klevisi i biri Fahri pordhës, budallai elbasonit Boci etj.