Te fundit
Fatos Nano, i vetmi kryeministër shqiptar me prirje perëndimore
31 Tetor 2025, 19:59Blog
TEMA
Nga Spartak Ngjela
Sot u nda nga jeta kryeministri Fatos Nano.
Një humbje e madhe është kjo për familjen, por edhe për shoqërinë shqiptare.
Fatos Nano ka qenë kryeministri i parë me vizion të plotë demokrarik pasi u vendos rendi demokratik në Shqipëri.
Fatos Nano ishte një kryeministër që solli në jetën politike shqiptare botëkuptimin e vërtetë demokratik dhe evropiano-perëndimor njëherësh.
I qetë dhe një person që i ka dhënë shumë cilësi shoqërisë shqiptare që nga viti 1991 e deri në ditët e sotme.
Krijuesi elokuent i Partisë Socisliste.
Ai ka qenë kryeministri shqiptar që i dha atdheut të vet modelin unik të kryeministrit të një vendi evropiane me prirje perëndimore.
E burgosën në vitin 1993 si kundërshtar politik pa asnjë provë.
Por doli nga burgu në vitin 1997 si kryeministër i Republikës së Shqipërisë, dhe nuk krijojë asnjë ndjenjë hakmarrjeje për burgun e paligjshëm që ai kishte kryer.
Intelektual i nivelit të lartë, humanist dhe qytetar brilant, i lindur dhe i rritur në Tiranë, në kryeqytetin e Shqipërisë.
Gjakftohtë dhe humanist.
Intelektual elokuent në disa gjuhë perëndimore, dhe bashkëpunues me një ndjenjë thjeshtësie të lartë në Kuvendin e Shqipërisë, edhe atëherë kur ai ishte si kryetar një maxhorance absolute.
Fatos Nano ka vlerën e tij të lartë në të gjithë ndërtimin e shtetit demokratik në Shqipëri, dhe në të gjitha reformat e mëdha që u kryen këtu, dhe në të gjitha aspektet: politike, humaniste, shtetërore - dhe gjithmonë me një ndjenjë të intelektualizmit të lartë.
Fatos Nano deri tani është kryeministri i Shqipërisë më i barabartë dhe më i pranueshëm në Bashkimin Evropian, si një personalitet që ka nderuar Republikën e Shqipërisë në Bashkimin Evropian, në OKB, dhe në të gjitha organizmat ndërkombëtare, ku ai u paraqit si kryeministër i Republikës së Shqipërisë.
Fatos Nano, deri tani, është i vetmi kryeministër shqiptar me prirje perëndimore dhe i iluminuar brenda qytetërimit evropian, që, me një elokuencë të lartë, ai dha dorëheqjen si kryetar i Partisë Socialiste menjëherë pas humbjes së Partisë Socialiste në zgjedhjet e vitit 2005.
Por, si disa herë kryeministër, ai i dha Shqipërisë modelin perëndimor dhe atë të Bashkimit Evropian, dhe, pikërisht për këtë, ai ka hyrë me lavdi dhe sukses të veçantë në historinë e Shqipërisë.
I përjetshëm do të jetë kujtimi i kryeministrit Fatos Nano, si një figurë e ndritur në historinë e Shqipërisë.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Rrofsh! Te paçim Spartak! Ta kujtojme fisnikun Fatos????
Nëse Fatos Nano është figurë e ndritur e historisë së Shqipërisë, Sali Ramë Sheqere Berisha është figura më e ndyrë dhe tradhtare e historisë shqiptare.
Eh more Taku torrollaku. Kjo hipokrizia jote dhe megallomania permanente nuk janë aspak perëndimore, madje as Lindore. Janë thjesht pordhë me rigon Zagorie o katundar i kohës sonë.
O Lirika te rente pika... po Taku ka pas tall manallin me sojin tend (po qe se je e re) dhe te gjithe valixhexhinjte provincial (dukesh qe nga ëmri qe je shpellkare e kohes se PPSH). Sa per torollak, Taku, kur ti punoje nen zhegun e vapes freskonte koqet ne plazhet e Shqiperise.