Ju duhet një prift, jo një federatë

29 Nëntor 2023, 11:26Blog TEMA
Ju duhet një prift, jo një federatë

Nga Skënder Minxhozi

Mesa duket opozita e sotme ka vendosur të merret me gjithçka, përveçse me krizën e vërtetë që ka brenda vetes. Shpikin e sajojnë gjithfarë  debatesh e propozimesh sterile, fajësojnë njëri-tjetrin më shumë se qeverinë dhe mbi të gjitha, merren nga mëngjesi në darkë me fatin personal të Sali Berishës dhe familjarëve të tij. Opozita e sotme është një grusht burrash që s’i ndjek më askush nëpër sheshe, por ama kanë pas vetes plot gazetarë e kameramanë që duan të mbushin ekranet dhe mediat me lojën hipokrite të të djathtës shqiptare drejt një horizonti që askush se di çfarë forme ka. Kjo anije pa vela dhe busull shkon tashmë nga ta çojë era.

Një propozim i fundit që nuk del nga standarti i mësipërm, është ai i krijimit të një federate opozitare. Një kopje e klonuar e trenit të dikurshëm elektoral që formonte Berisha, kur kishte vulën dhe stemën e shtetit (dhe të partisë) në xhep. Kryetarë partish të vogla, edhe ata të lodhur e konsumuar po aq sa Basha e Berisha, po bëjnë thirrje në shkretëtirë që të lihen mënjanë diferencat mes PD-ve të ndryshme e të krijohet një front që do të bashkojë numrat dhe forcat përballë sulltanit të kuq Edi Rama.

Krerët e vegjël bëjnë sikur nuk e shohin që mes tyre, më saktë në mes të partisë më të madhe opozitare, është ulur këmbëkryq Amerika. E kjo është një rrethanë e palëvizshme, afatgjatë dhe me pasoja të thella në shtëpinë politike të PD, siç e tregoi 8 janari dhe gjithë çfarë erdhi më pas. Përjashtimi kategorik i Sali Berishës, që Uashingtoni i ka imponuar PD së sotme, është një tërmet që ka prodhuar lëkundje të forta për të gjithë panelin opozitar. Godina e opozitës së dikurshme, ku të gjithë vinin e mblidheshin rrotull “klloçkës” PD, ka qenë vërtetë një formulë fitimtare përballë një PS-je më të madhe në numër votash se partia e Berishës. Por ai eksperiment elektoral dikur i suksesshëm sot është thjesht i pareplikueshëm.

Dhe për këtë nuk mund të fajësohet vetëm Amerika. Propozuesit e federatës së opozitës bëjnë sikur s’e kuptojnë se jetojmë në kohëra cilësisht të reja, krahasuar me një apo dy dekada më parë. Shqipëria ecën, ngadalë e duke e zvarritur, por ama ecën. Karrierat e burrave me kostume të shtrenjta, vila e bodigardë, që ende ulen në karriget e larta të partive politike shqiptare, po vijnë drejt fundit të pashmangshëm. E ndërsa ky fund duke pak më i largët për ata që janë në pushtet, pasi vetë pushteti i maskon përkohësisht ndasitë dhe krizat, për opozitën kjo ndjesi konsumimi dhe bjerrjeje është therëse dhe e dukshme që larg.

Bashkë me Berishën e Bashën, sot janë të konsumuar edhe një gjysëm dyzine kryetarësh të partive më të vogla, ku rregullat e trukuara të lojës dhe mungesa e vëmendjes publike, kanë bërë që ata t’i trajtojnë siglat e tyre modeste si bahçe personale. Edhe këta personazhe që vijnë nga fillimet e tranzicionit në dekadën e fundit të shekullit të shkuar, janë tashmë në fund të rrugës së tyre. Do të kishte gjithë kuptimin e botës një tërheqje dinjitoze e të gjithë atyre shefave opozitarë që pas 30 vjet qëndrimi në politikë dhe pas 10 viteve të kaluara nga një humbje në tjetrën, të hapnin krahun.

Në fakt po ndodh e kundërta, pasi kjo nisëm e fundit kërkon pikërisht të shmangë një proces të tillë rinovimi, të cilin po e refuzon sot me kokëëfortësi edhe vetë PD. Si Rithemelimi, ashtu edhe partia e vogël zyrtare që janë kapur pas Berishës e Bashës. Kudo në opozitë sot mendohet sesi të kalohet mbi murin prej gome të Ramës duke arnuar teshat e vjetra, e jo duke i dhënë hov një rotacioni të vërtetë elitash partiake. Duke mbajtur me zor zyrat e tyre, edhe pasi kanë humbur për më shumë se një dekadë, krerët e mëdhenj dhe të vegjël të opozitës po investojnë direkt në jetëgjatësinë e pushtetit të socialistëve. Të një të majte e cila nuk është e imunizuar nga fenomeni i largimit të elitave, por që ka dhënë vite më parë një shembull, me largimin e kryetarit historik Fatos Nano. Qëndrimi në pushtet ka fshehur konsumin e lidershipit, por s’e ka zhbërë atë. Sapo të largohen në opozitë, edhe socialistët do t’i nënshtrohen të njëjtit proces ku ndodhet sot PD dhe aleatët e saj të vegjël.

Federata e opozitës është një propozim i vjetër në një kontekst të ri. Hyrja në lojë e amerikanëve dhe SPAK, si “krahu ushtarak” i tyre, ka nxjerrë në plan të parë rinovimin imediat të skenës politike. Truke të tilla si kjo federatë që s’ka asnjë shans të marrë jetë, janë thjesht përpëlitje jashtë kohe dhe hapësire. Me të tillë mendësi dhe kokë të kthyer pas, ju duhet një prift a hoxhë që t’ju ndriçojë mendjen, më shumë sesa një federatë.

26 Komente

  1. E
    Erdogan

    Eshte e Vertete (Este Vero) zoti Minxhozi qe Oposita nuk e kupton qe Sh.B.A-Te jane ulur Kembekryq ketu ne Al-Banine e Sulltaneve,Vezireve,Pashallareve,Bejlereve etj. E them Sh.B.A-Te se nuk shikoj Brazilin,Uruguain apo Argentinen te jene Ulur dhe ata Kembekryq se edhe Ara jane Amerikane apo Jok (jo "shqip") zoti Minxhozi? Pastaj. Perse jini katandisur ne kete gjendje kjo kuptohet ga Ara "Miqte" tuaj pertej Atlantikut qe ndane Epirin ne te Veriut Osmane dhe te Jugut. Kete besoj e kupton cdo Njeri me pak mendje (poco mind) ne koke. Ata jane qe futen ne Nato nje vend brbare si Turqia e kriminelit Qemal Ataturkut. Keta jane qe i dhane kriminelit Ecevit nje pjese te Qipros. Keta qe deri ne 60en popullsia me ngjyre ishin te persekutuar dhe consideroheshin tamam di skllever! Keta jane Ata qe detyrojne Greqine te Armatoset! Keta "Te krishtere" hipokrite qe kane vjedhur dhe shkaterruar Parthenonin simbolin e Dhimokratise dhe Lirise se Njeriut.

    1. Z
      Zot fali ! Akoma enderrojne.

      Çashtu çashtu Rdogan Saleh çashtu.

      1. H
        Hordhia e ndyre e Sali Rrumpallës

        I nderuar, mos u nxeh me këtë qe e quan veten Erdogan. AI nuk është grek. Grekët e vërtetë nuk kane nge të lexojne gazetën Tema. Ky Ka babanë shqipëtar, kurse nënën ka qejf ta ketë greke dhe bën sikur e ka greke. Nga puna e nënës na ka inat ne, por kujt i plasi. Ka qejf të flejë me grekë, ka qejf. Nuk çfarë t'i bësh. Deshira personale. Zoti ja shtofte inatin. Ndersa artikulli i Minxhozit është i shkelqyer, por është per ata qe kanë tru. Fanatikët e Saliut apo të Ramës nuk kanë nevojë per tru. Jane falur udheheqesve të tyre legjendarë, si dikur Enverit. Edhe ata kujtonin se Enveri do rronte 500 vjet, por shyqyr Zotit, ktheu patkonjte shpejt. Edhe pak i vjen radha Saliut dhe debilat do zgjohen nga gjumi. Do shikojne qe jane lakuriq dhe do turperohen, duke ikur me vrap të fshihen diku. Sa të ikë Saliu do Ike edhe Rama, dhe do zgjohen edhe ata te Ramës. Do ecim perpara pastaj, pa "lexhenda".

      2. p
        pilo Lala

        Po ik ore se nuk ke tru ti te komentosh analizen e Minxhozit.

        1. C
          Concili

          Vazhdo vur ne duke sesa e lashte eshte shqipja, qe ka krijuar gjuhet e tjera. Pra, est-e, ist-e, ost jane shqip, dhe jo Latinisht e as Greqisht, keto jane vec gjuhet ne zvhillim me vone ne baze te shqipes, jo me kot edhe linguistet e thone se gjuha shqipe eshte me e vjeter dhe me e pasur se te dyja keto gjuhet te cilat i jane shkeput trungut. 'In a word, there is a far greater wealth of both vowel and consonantal sounds in Albanian than in Latin and Greek.'-Edmund Martin Ik gris bythen, dhe mesoje mire shqipen.

        2. F
          Futja kot

          Ça ndriçimi do mund t'iu japë prifti atyre të foltores? Sesi u shtua bota me inçest nga një familje e Adamit dhe Evës? Perversitete të tilla të pamundura shkencërisht janë ndriçimi?

          1. S
            Shaqo

            Sipa Minxhozit, duhet fajesuar qeveria qe eshte hallakatur opozita. Kur behesh specialist per cdo gje, harron dhe zanatin per te cilin je shkolluar.

            1. Q
              Qytetari jo dicidal

              Kryetaret e "Partive " pa antare , bishtat e PD-se ,na dashkan te krijojne nje federate. Si duket jane te zgjuar keta kryetaret e pavdekshem. E kuptojne se me Saliun nuk kane te ardheme qe te futen ne listen e deputeteve gjoja si kryetare partishe, po edhe Basha u ka vene kufirin tek thana , duane te fusin Ilirin dhe Bashen ne vadh,qw neser tu thone : " Duhet te jemi ne liste per deputete se jemi antare te federates" Sa te zgjuar qwe jane! Edhe prifti nuk u bene derman,sepse prifterinjte kane filluyar t';i futen politikes. Ja keto dite doli nje capacul i kushes katolike dhe pas 30 vjetesh qe komunizmi eshte varrosur,kerkon ti beje varrin e ta kendoi ky , qe jam i bindur se nuk di se c'eshte komunizmi. Madje jam i buindur se ishte nje vegel i forcave ballisto- zogiste , te cilet i tmerron edhe per se vdekuri, Enver Hoxha e komunizmi,ashtu si Pal Golemi i tmerroi armiqte me sy.

              1. P
                Populli

                Zoti Minxhozi, eshte hera e pare qe i je afruar domosdoshmerise se cfare duhet lidhur me Federaten apo Pederaten. PD-ja, ne thelb, dhe qe ne themel, u formesuae dhe do mbetet një njësi paramilitare, jo njësi politike, aq me pak demokratike. Eshte nevoje urgjente: ngritja e te djathtes NATYRALE, mbasi te jete shkaterruar PLOTESIHT e djathta ARTIFICIALE me emrin PD! Vetem kjo e shpeton edhe demokracine, edhe Shqiperine.

                1. p
                  pilo Lala

                  Mund te konsiderohet Partia e Adriatik Lapajt nje Opozite serioze? Anetaret e PD duhet ta shikojne ate si nje shprese te opozites, apo duhet te vazhdojne te zhgryhen sa ne llucen e Saliut, aq edhe te Bashes? Amerika ka hapur nje gare per drejtues opozite, te gjithe ata qe jane sot, jane mbetje qe kundermojne ere korrupsioni. Nuk gjen nje politikan te djathte te varfer, pervec Kadillit, apo nje tjetri qe nuk u bene kurre deputet, dhe nuk i futen ne pjese per te rrembyer toka, Lalezin, Qerretin, kodrat rreth Tiranes. Me sa di une, Lapaj ka marre pelqimin e Amerikaneve, ata nuk jane prononcuar , por e kane leshuar ne hapesire, dhe presin sa larg do fluturoje. Nqse dikush kerkon debat, te tregoje aresyet nese eshte dakord , apo eshte kunder kesaj levizje, jo me llafe pazari.

                2. a
                  astrit

                  Se mora vesh pse per vdekjen e opozites u dashka prift e jo hoxhe!

                  1. I
                    Indinjata

                    Sa mund te ringrihet ish partia e punes mud te krijohet "federata e sumes"!Kjo kategori bagetish te veshur me kostum nuk kupton qe edhe me fshatari i humbur sot kupton qe nuk ka nevoje per kete kategori njerezish pa mendim,vizion e meditim!Te tere jane te rrudhur me shprese qe varrexhiu Sali Berisha mund ti nxjerre nga varri duke haruar qe tashme u ka mbetur vetem skileti e mund te trembin ç'do kend ne kete toke.Ata tashme ka thene i madhi Lym Alla jane xhaketa te kthyme kur shoqeria eshte e veshur me Versaçe e me makina lluksoze qe i ka zili dhe perendimi.Budallenjte te emertuar ne "federate" tashme etiketohen te semure psiqike qe jane te shtruar ne nje pavion te çmendise dhe qe as vete nuk e kuptojne edhe pse doktori ua thote per dite.Ndaj leri Minxhoz te jetojne deri ne vyshkje te plote nen delirin e tyre.

                    1. K
                      Koli

                      Ham hami i Rilindjes

                      1. N
                        Noci

                        Çudi e madhe te jene njerezit te dhene pas nje shteti artificial si Greqia qe i thane Francezet dhe Anglezet pushtoi edhe ti koloni sa te mundesh se nga Turqia e falimentuar te mbrojne ne dhe permendin Epirin qe nuk ka patur fare banor grek por i bene me zor edhe ortodokse edhe greke dhe nuk kane asnje dokument apo harte qe maqedonet, trakasit apo epirotet kane qene ndonjehere brenda ne kufiri me emrin Greqi.Merre me mend kur greket te urtuar per pushtime se çdo gje ju dukej greke kishin kapur Korçen dhe pusat europiane ne vend qe t'a kapin per veshi i thone dil nga Korça se te japim te gjithe ishujt e Egjeut ,sikur te flitej per kastraveca e jo popuj qe nuk ishin greke.Ne anen tjeter Italia qe kishte hallin e saj e paralajmeroi Greqine qe kishte ardhur deri ne Vlore dil se erdha.Iku greku.Po pse keto europianet nuk i njohin kufijtë e vjeter te shteteve po vetem greket e pangopur kur gjejne me te dobet se vetja .Zoti Minxhozi problemi qe ngrini ju ka kaluar ne nje komedi.Propozon federatën nje person qe eshte ne gjyq me shtetin dhe krahasuar me Tahirin,Koken,apo edhe te arratisurin Ahmetaj eshte ku e ku me fajtor para ligjit per ate qe ka ndodhur.Kerkojne federatën qe tani qe te jene te sigurte per nje vend ne parlamentin e ardhshem,sepse i tille eshte ligji zgjedhor.Sado te jene bere gabime dhe faje korruptive ne zgjedhjet e ardhshme edhe pse jane pas gati dy vitesh do te ndodhi e njejta gje si ne zgjedhjet lokale ku nje shumice e madhe socialistesh hyjne ne parlament sepse elektorati i tyre shkon ne votim kurse elektorati i quajtur i djathte do vazhdoje te tkurret dhe sidomos keta te federatës po shkojne drejt zeros

                        1. z
                          zigur

                          Vetem gomeret e shpellaret i shkojne pas komunisti te ndyre Sali NON GRATA.

                          1. K
                            Kush t'a bëjë këtë gjë,këtu kanë ngordh burrat

                            Minxhozi,këtyre kufomave me parti pa antar,nuk ju duhet as Prifti e as hoxha se janë të gjithë mazllëma sumpërpjetë,por këtyre u duhet një varrmihës dhe ti fusin të gjallë që t'a nxjerin gjithë vjedhjen që i kanë bërë këtij populli budalla.

                            1. © KENDVESHTRIM TJETER ©

                              Me Berishën, i bashkon parimi i humbësve, mos dhënia e dorheqjes. Antarët e federatës kanë mbijetuar në politikë dhe Parlament duke u futur në listën e PD. Këtë rradhë, Rithemelimit përfaqësohet në listën e PL,së bashku me Berishën. Po Federata e djathtë do votoj më vete? Hall i madh,po vjen "fundi i botës " ,jo nga Gërdeci por nga Fatia.

                              1. D
                                Demiri

                                Skender Minxhozi, pinjollë i bje familje te madhe dhe me emer te mire e atdgetare, analist i afte e patriit e me integritet. Eshte objektiv ne vleresimin e situates. Ky eshte pjese e elites intelektuale shqiptare. Bravo, i ri por me pjekurine e nje te moshuari.

                                1. H
                                  Humoristi

                                  Pse prift ,e jo pop,hoxhe,dervish ,pastor ,!?

                                  1. !
                                    !!!

                                    O Skender, po e kane dhe priftin; Janullatos ! Kane 32 vjet qe flene me te, bile dhe Idrizi, pa lere se ç'thote.

                                    1. H
                                      Historia perseritet

                                      Vetem hoxhe Armandi mund t'i kendoje keta teleshmene dhe mbase ua kthjellon pak mendjen te qorrollepsurve te kesaj ane, qe gjithmone fajin ua kane te tjeret dhe ata jane gjthmone te ''drejte'' dhe ''te pafajshem''. Nese hoxha Armand nuk u ben pune, le te shikojne mundesine e atij ''baba'' mondit andej nga Mali i Tomorrit, se atje shpesh here shkon e kendohet like floriri... Opozita shqiptare aktualisht eshte ''nje shporte karavidhesh'' e kohes tone, njelloj siç e cilesonte Enver Hoxha ''aleancen nashenalliste'' te ballisto-zogisteve gjate LNCL. Historia perseritet. Edhe keta do te perfundojne ne koshin e pleherave te Historise sebashku me tutorin e ''fshirjes'' se Historise, Uran (turan) mutken!

                                      1. D
                                        Dyri

                                        Po nuk ka as prift as hoxhe as doktor qe u ben derman kesaj far opozite te telikosur dhe katandisur ne kete far feje. Per nje njeri me fat thone qe ka le me kemishe. Per Edi Ramen duhet thene se ka lindur kaq i gjate sa eshte me pallto te madhe dhe me kokore. Haj tung

                                        1. M
                                          Muharremi

                                          Keta vetem Hoxha tu kendoj Kuranin ,,,, se priftit i ndalohet tu kendoj ungjillin myslymanve ,,,se nuk jan te Kryqit ,,,,

                                          1. T
                                            Treni

                                            Ekzorçisti ndoshta...

                                            1. Po merrni borxh Toni Gogun ai ben te gjitha????

                                              1. T
                                                Trotski

                                                Respekte Minxhozi.Federata e reklamuar -nje Hale e re me Fekale te Vjetra

                                                Lini një Përgjigje