Te fundit
Mercenarët kockalëpirës
31 Tetor 2023, 20:37Blog
TEMA
Nga Namir Lapardhaja
Seanca e fundit plenare dhe shfaqja të nesërmen në dyert e komisionit të etikës, nxorri në shesh hallin e madh dhe rrugën pa krye ku janë katandisur grupi i deputetëve që kanë futur turinjtë dhe po hanë në helmetën e përmbysur që u ka nxjerrë përpara Sali Berisha.
Të pacipët që do duhej të artikulonin qëndrime politike, janë shndërruar në një garnizon paramilitarësh mercenarë kockalëpirës të neveritshëm.
Njerëzit presin politikë. Mercenarët kockalëpirës u dhurojnë njerëzve pikërisht atë që njerëzve nuk u duhet aspak, parapolitikë mercenariste.
Kur shqiptarët shpresojnë ndryshim, mercenarët kockalëpirës e bllokojnë ndryshimin me të vetmen mënyrë që dinë. Duke u përpjekur t’u ngjajnë budallenjve ajnshtajnianë, racës që shpresojnë të marrin rezultate të ndryshme nga i njëjti veprim i përsëritur.
Ndërkohë që demokratët i kanë votuar për t’i përfaqësuar, mercenarët kockalëpirës ngjiten pas kolltukut me tutkall të pashqitshëm nga ai që marangozi ka ngjitur kolltukun.
Ndërkohë që kërkohet seriozitet, mercenarët kockalëpirës dhurojnë spektakël të pështirë sipas midesë së soc-filmave të kërrupshëm me burokratë qesharakë të diktaturës që e dinë se pas pak do përfundojnë nëpër katunde me baltra prej nga s’dihet pas sa vitesh do kthehen, nëse nuk do burgosen ose pushkatohen.
Për të pasur një përfytyrim më të qartë të militantëve kockalëpirës mund të thuhet pa hezitim se ata janë ekzakt si i duhen Edi Ramës. Si një tas me kos plot me drithra grurë e tërshërë nakatosur me qumësht, të cilin çdo mëngjez Edi Rama nuk e ha me lugë, e as me garuzhde, por e kthen me eks, i fut një gromësimë, dhe niset për punë.
Në mungesë të alternativës, të paqartë në qëndrime dhe në atë që kërkojnë, se aq ment kanë, mercenarët kockalëpirës kanë nga një hall të fshehtë.
Hallin më të madh e ka shefi i mercenarëve kockalëpirës, Sali Berisha.
Kullaxhiu në hall, do të bëjë sa më tepër rrëmujë, mundësisht zjarrin Shqipërisë, se ka eksperiencë, por nuk mundet. Kjo pamundësi nuk e çmend, as nuk e lë pa gjumë, se i pagjumë është prej vitesh, por e lodh, e sfilit, e shkoqit si kalli misri.
Ai shpreson se zallamahia e servilave që i shkojnë pas do e nxjerrin pa lagur nga deti i hajdutllëqeve.
Shpreson kot. S’ka për të ndodhur.
Në kushtet ku ndodhet sot vendi, është për të ardhur keq që e vetmja alternativë opozitare që u ofrohet njerëzve është banaliteti i turpshëm i të zgjedhurve që janë mandatuar dhe paguhen nga lekët e taksapaguesve për të bërë ligje, ndërsa ata bëjnë llogje.
Jo vetëm që jemi larg asaj që kemi pritur të ndodhte, por këta centaurë që shfaqen herë si politikanë dhe herë si gangsterë, nuk kanë asgjë të përbashkët as me të paktën minimalen, urtësinë, njerëzillëkun, që do duhej të përcillnin në publik.
Ky anormalitet nuk është as i ri as i rastësishëm.
Janë tashmë të panumurta rastet kur politikëbërësit mercenarë kockalëpirës shfaqin cilësitë më kafshërore të tyre, duke mos transmetuar asnjë fije ndërgjegje politike dhe përgjegjësi institucionale për t’i dalë për zot besimit që u kanë dhënë zgjedhësit.
Mesa duket, kështu do vazhdojë sa kohë “baba” u hedh nga një kockë haxhiqamilëve të vonuar, mercenaristëve kockalëpirës.
9 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Nuk dua te mburre, Lapardhaja,por ke bere nje evolucion,ne penen tende gazetareske,duke e mprehur me shume guxim,paanshmeri,befasine e shprehjes,qe permban dhe timbrin letrar,brenda sa tani ndjehesh,si nje ze teper i vecante,mbi tallavane e medias arnaute
Kjo shoqsta e Nevojtores duhet te shpallet ( shqate teroriste ) e duhet nxjere jasht ligjit
Bravo! Keto fjale i meritojne te gjithe koskalepiresit, kockapertypesit dhe kockadhjeresit! Njerez ka kocka, pa ndergjegje dhe pa moral! Turp, turp, turp!
Me te vertete,deputetet e partis se foltores me ne krye Sali qenin,jane kafshe. Do t'a paguajne shtrenjet ne votimet e zgjedhjeve parlamentare ne 2025. Populli eshte shume i prekur nga deputetet Saliut dhe nuk do marin asnje deputet. Saliu po mere meqafe deputetet qe e pasojne se do humbasin e nuk do zgjidhen ne 2025.
Shume njerez te rendomte , sjellje rrugaçesh qe vetem PS dhe Edi Rama perfitone nje bravo te madhe socialisteve ,vertete takticien te nxjerin jashe loje me qehtesi kulture . Foltore-nevojtore eshtr nje grupim alabakesh nuk jam i majte e as i djathte por kur shikoje rrugace te tille jo qe nuk i votoje por ndjeje neveri kur shikoje Bardhen me zerin gjysmagjel as femer as mashkull mendoje Bashen cfare ke mbajtur prane o merhum .. Shpresoje qe deputeti PS qe u dhunua duhet ti drejtohet gjykates nese nuk e padit dhunuesin duhet te dorezoje mandatin pasi eshte zeri i votuesit dhe jo personi vete.
Nje panflet i goditur bukur . Zgalem
Ky parlament eshte turpi i botes. Per krijimin e ketij paralamenti kane ndikuar Edi Rama qe ka futur te perunjurit dhe sali berisha qe ka futur te kockelepiresit dhe te inkriminuarit sic eshte familjarisht. Por a mund te shembet ky parlament. Besoj qe jo , se mbahen mbaj lidhjeve me fije te dukshme e te padukshme. Edhe sikur te behen zgjedhej te reja. Klasen politike shqiptare te korruptuar, injorante , te inkriminuar deri ne palce, mund ta shembe vetem SPAK. Ky eshte shpresa e fundit dhe e vetme.
Megjthse je anmiku jem, por "t rrij shtremt e t flas drejt". BRAVO per i kyt shkrim.
Ngado ti sillesh verdalle PD vetem era mut vjen. Mut saliu e kak lulushi apo jo o llapardha?