Te fundit
Nga shpërthimi i Gaz Bardhit ndaj Lulit në Kuvend te fjalimi torturues i Babos në Asamble. Çfarë ndodhi në Besëlidhjen e opozitës
7 Shtator 2023, 13:38Blog
Nga Agron Gjekmarkaj
Kronikë e pesë ngjarjeve të mëdha!
Një javë sa për një vit. Ngjarjet u këputën një nga një si gjethet e vjeshtës që bien te këmbët. Parlamenti iu kthye punës baballarët dhe mëmat e mbushën atë me brengat e veta. Si të menduar, halleshumë, ndokush prishaqejf i ngjitëm shkallët. Mazhoranca mendonte pasditen, qeveria shihte me urrejtje grupin- ndërsa ai po kaq atë duke pritur të errurit e datës katër kur Babo do priste kokat në amfiteatrin e Xibrakut.
Për habinë tonë tek dera e brendshme e veshur si për festë me një të gjelbër rrezitëse mbi të bardhën kallkan na priste Blerina dhe Etilda në blu të fortë mbi të zezën e praruar me nga një tabaka në dorë. Mbi të si pirg rrinin një mori me tollona nafte nga ajo që do dalë në Shpirag.
Merrni pa hesap, merrni, merrni mbushni xhepat, Babo i ka taksur për ju kumbonte pishtari i epokës së hajrit, marifetit dhe bereqetit Kosta i Linditës e Gramozit tek vërtitej sa andej-këtej duke bërë qeram. Ndonjërin që ik pa marrë e ndiqte nga pas dhe i rraste fap ca në xhep. Po ku do i mbushim pyeta unë? Po ja tha, kur të vijë dita kaloni nga Kryeministria në oborr, aty Majko i cili është xhymert i madh me Nikon nikoqir me zorrë nga dritarja iu mbushin bidonët kështu ju vërtiteni nëpër Shqipëri pa hesap.
J'allah j'allah thamë një zëri. Hymë brenda. Nuk e dinim që lideri i vogël historik kishte menduar të na përmirësonte humorin e tersin të na bënte def nga sytë. Ky vit meditimi e kishte bërë shakaxhi të madh qerratanë. Dy gisht kartë që në të gdhirë kishte nisur për në Kuvend të cilën zonja Linditë e lexoi me përtesë e bezdi si fjalimet në vaki. Luli shpallej edhe Kryetar grupi. Salianji më shikonte i pahabitur dhe më shkruante të kam thënë more bekim që aleatin më madh ai ka fuqinë për të mos ndjerë turp. Ha-ha e hi-hi qesh i madh qesh i vogël, qesh opozita qesh edhe mazhoranca! Nuk ndaleshin hukamat e rënkimet e ëmbla që shkakton hareja. Helidon Bushati kërkonte ujë, sillni more ujë se u mbyta në keni shpirt u drejtohej punonjësve të administratës. Plasa ore, plasa vikaste Sajme Korreshi.
Dhurata Çupi shpërndante letra të ujosura sa për të njomur buzët e thara furie. Shyqyr erdhi Merita me dy qypa dhe lagëm të gjithë buzët nga pak e morëm frymë të rehatuar. Gaz Bardhi, heroi i sagës së re shpërtheu "po ti qenke qesharak more dredharak, po t’i qenke hipokrit more stamastik, të ngre zgupthi more haram se po fola unë s’e ke të gjatë". Të gjithë për një çast besuam se puna do shkojë tek alltia. Luli u murrëtye zemërvrarë. Jorida kësaj here nuk qau po hyri në mes si Ajkuna që ndau Mujin me Halilin nga sherri e davaja. Doktori ndiqte skenën me bisht të syrit gjithë gëzim. Koha po çonte ujë në mullirin e tij rrotën e të cilit po ruanin Mondi me doktor Tritanin.
Erdhi nata më e zezë se ferri. Babo mbajti një fjalim të gjatë si Doktor Gjilpëra torturues aq sa në fund të gjithë ishin gati të hiqnin dorë nga çdo gjë që tmerri një fund të kishte. Të ngrysur, të murosur prisnin me sini kokat që binin. Çyrbja i merrte një nga një dhe i largonte nga salla. Babo cingun me ata që njeh e bujar me të panjohurit e meremetoi qeverinë dhe i la me gisht në gojë mëtonjësit e skuqur pritshmerish. Niko më pas piu një kafe me Ditmarin të cilit i tha, nuk më bëri mirë ajo e ecura nga liqeni vite më parë, të këshilloj ta lësh dhe ty se merr ftomë e s’ka ilaç që ta heq. Psherëtiu Ditmari i gjorë. Ulsiu pa me krenari të përunjur nja tre- katër nga ata që e donin vendin e tij. Tao i cili merret me gjëra të mëdha dhe të vogla njëkohësisht shfaqej i nginjur me besim. Bora jetonte enigmën nëse do i shkojë muhabeti mbroth me Delinën si me Edonën tani që Hasani do zërë vendin e Gertës që ikën tek qoshja tjetër. Ndjeu vetmi dhe mall. Tek shikonte fytyra të murrëtyera Arben Pëllumbi i qortoi paq, këto punë i ndan Babo si shapin nga sheqeri. Ai di ç'bën. Ra heshtja, vetëm e qara e gëzueshme e Tezes çau tisin e natës si shiu i bereqetshëm në arat e thara. Nën kushtrimin e Gaz Bardhit, trim tribun i djalërisë, opozita u thirr në besëlidhje. Në fillim ndenjëm si në ferra. Doktori erdhi me vonesë nja 15 minuta të mira. Eh i di mirë këto punë, mesazhi të gjithë me presin mua. Na ishte tharë xhani. Luan Baçi kishte marrë ca raki ballë kazani manaferre madje. Fatmiri Mediu ca qofte të mira e pak konserva peshku. Unë ca speca djegës e ashtu u sajdisëm. Bëmë muhabet. Ato pakogjë që thashë me duket askujt s’i pëlqyen. Kryezëvendës lideri më pa me tolerancë si për të thënë aq di aq thotë ky.
Në vështrimin e Mondit ndihej nostalgjia për Gazin i cili po i kthente opozitarizmës zulmën. Një event tjetër po kaq i rëndësishëm i cili ngjalli interes ishte libri që shkrimtarja e shquar e realizmit demokratik Albana ka shkruar gjatë kësaj vere të athet "Libri i zi i 14 Majit". Në mereqepin e mbushur me lotët e Joridës e kishte ngjyer pendën atyre ditëve të gjata duke tejkaluar meritë e së shkuarës. Kryezëvendës lideri i cili i ka zët gjithë këto xhingla-mingla shfaqej i përzhitur i sapo mbërritur nga frontet e vështira. Shkrimtari më i madh në partinë tonë është doktori jo këta i tha dikujt. Pastaj mërmëriti kjo nuk është kohë për libra po për beteja dhe luftë. Doktori e dëgjoi dhe ngadalë i tërhoqi vëmendjen, “ky është një libër i dobishëm që ta lexojë i madh dhe i vogël” pastaj librat e tjerë nuk kanë ç'ju duhen, ju turbullojnë besimin, ata i lexoj vetëm unë, por Albana është një shkrimtare e shkëlqyer e partisë sonë. Ja kështu u bë mullar kjo javë me ndodhira.
14 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ky eshte me karr a gjozi 5 here eshte larguar 6 here eshte afruar .. njeri pa bythe
O te pjerdhsha mu ne shkrim o Gjekmut,e di edhe vet se c’fare mut muti je,prandaj i ulur afer kriminelit Sali me ishje nxire ne surrat.
Hajde Gjek,hajde,o vemje e nyt do me zevendesu autorin e “Baba Tasit”,por ne fakt je nje zgjebs i Sali kriminelit.
Qarkullojne zera se Saliu ka ndryshuar, nuk eshte me ai i pari. Ai eshte shpresa jone, vetem ai ka ngelur.
Shkruaj ndonje gje dhe per vete qe ja fute Mark Markut duke lepi b.... te bashes dhe tani po mundohesh te afrohesh sa me shume te lepishe b...... te Berishes !!!!!!!!!!!!!!!!!!!!!! Funderrine.
O Gone kar ishe dhe loqe ngele.
Si t'i marrësh të përpjetën trungut , një frashëri , a lis a rrapi , kur , s'je , drethëcë e më n'a i qasesh e zvaritesh piperkës si hardhucë ?! Jo mo dé ! Hiqmënunani salamandra t'jaherës .
Po mire o kaposh deti qe tregohesh kaq trime me Babon dhe me deputet te tjere si NUK TA MBANE BYTHATHATHA TE THUASH NJE FJALE TE VETME PER SALEHEN PER LIRKEN,po meresh me babon lere babon se ne vitin 2025 po ja futi ja fute populli po ju po ja fusni njeri tjetrit dhe po ktheheni dhe po ja lepini me gjuhe po njeri tjetrit ngele vetem duke shkruar budadheqe gjithmone ne nje vrime ndryshe filmin kaposh behu nje cik trim por ke dale ne ledhe dhe pret nga te shkosh babuc nuk e ha me populli shqiptare qe te ndjek keta lloje pkerash politikanesh ne te dy krahet ti shkruan per Babon pir te dhimset SALA me LIKEN SALINJI me GRIDEN,MULI me ALBANEN etj.
O legen bejtexhi, harram leket qe merr ne kuvend.
Pune Malokesh gjelle Qenshe..., rrnofte Qim Peka i Maxhuhedinit te Saliut
Po per Non Graden nuk na the gje !
Markagjon bishte qeni ke lindur ,bishte qeni do ngordhesh!Mos e haro kete.
Gjekmarkes mos ja vini re se ka mare lahuten e po na kendon bemat e Mujit e Halilit! Kete di e kete ben!
Në gjithë Malësinë e vendit tonë, nuk mund të gjendet një njeri më i ndyrë se ky Gjekmarrja. Një shpellar i vërtetë, i papërseritshëm. Çfarë përbindshash paska lindur ajo e shkretë Tropoja.