Te fundit
Presidenti i Kongresit të Autoriteteve Lokale, i shqetësuar për mbajtjen në burgim të tejzgjatur të kryebashkiakëve
14 Nëntor 2025, 14:47Bota
TEMA
Presidenti i Kongresit të Autoriteteve Lokale dhe Rajonale paralajmëron kundër paraburgimit të zgjatur të kryetarëve të bashkive, teksa sot shënohet dita e 240-të nga arrestimi i Ekrem İmamoğlu, Kryetar i Bashkisë së Stambollit
“240 ditë pas arrestimit të tij, Ekrem İmamoğlu, Kryetari i Bashkisë së Stambollit, tani përballet me 142 akuza, që mund të sjellin deri në 2 400 vite burgim. Kjo është thellësisht shqetësuese,” tha sot Marc Cools, President i Kongresit të Autoriteteve Lokale dhe Rajonale të Këshillit të Evropës.
“Ashtu siç është theksuar nga Komisioni i Venecias në një raport të përgatitur me kërkesë të Kongresit, kur zbatohet ndaj kryetarëve të bashkive, gjatësia e tepërt e paraburgimit jo vetëm që ka një efekt frikësues mbi ushtrimin e lirive demokratike, por gjithashtu dekurajon aktorët publikë dhe qytetarët të marrin pjesë në takime politike, nga frika e përgjegjësisë së bazuar në asociim ose e hakmarrjes.
“Kongresi vazhdon dialogun e tij me autoritetet kombëtare të Turqisë dhe po përgatit një vizitë të re në vend, duke përfshirë te kryetari i bashkisë së Stambollit, Ekrem Imamoglu, dhe kryetarë të tjerë bashkish të burgosur, për të dëshmuar mbështetjen tonë të vazhdueshme për mbrojtjen e demokracisë vendore në vend,” tha Presidenti Cools.
Më të lexuarat
24 oret e fundit
Javen e fundit
Blog Tema
Lini një Përgjigje