I pyetur pak ditë më parë në një konferencë me gazetarët, Sali Berisha deklaroi ka komunikime ‘sekrete’ apo publike me Ilir Metën, edhe pse prej muajsh nuk jemi në dijeni të diçkaje të tillë. Duket se vjeshta që pritej të derdhte në sheshe mijëra militantë të PD dhe lësëista, nuk po rezulton aq e nxehtë për politikën. Përkundrazi, e gjen Sali Berishën përballë SPAK dhe në izolim nga SHBA-të, BE-ja dhe aleati i tij.

Madje ai mungoi edhe në protestën e Partisë së Lirisë për inceneratorët, por u justifikua me disa deputetë periferikë që i dërgoi në Sharrë si emisarë. Si për të thënë më tepër se hallet e familjes Meta nuk janë të tijat. Dhe hakmarrja për këtë injorim duket se nuk vonoi.

Kreut de facto të PD-së iu desh këtë të shtunë ta përsëriste qëndrimin e tij për protestat. Ai doli sot LIVE dhe tha se shtyrja e revoltës popullore po bëhet e padurueshme duke përçuar një mesazh tek aleati me të cilin nuk qenka dakordësuar as për stilin, as për datën.

Sali Berisha tashmë gjendet para shumë zjarreve dhe pa instiktet e dikurshme. Ca prej moshës, ca prej goditjeve të Perëndimit e ca prej çoroditjes nga aleatët. Meta pasi ndryshoi emrin e partisë për t’u distancuar nga ish-aleatët e tij Berisha e Rama, duket se ka bërë zgjedhjen përfundimtare. Takimi i tij me ambasadoren Yuri Kim tregon se mes ‘non-gratas’ dhe SHBA-ve ka zgjedhur këto të fundit. Nuk duhet të çuditemi kur Berisha ta akuzojë sikurse Lulzim Bashën, se në shkëmbim të mbylljes së çështjes së lobimit të tij në Amerikë, zgjodhi të prishë koalicionin e shumëpritur dhe të bëhej vasal i Sorosit.

Ai që nuk po kupton se ç’po ndodh në Shqipërinë e 2022 është Sali Berisha. Ai premton dhënie tapish, shpërndarje lekësh, dënim të krimit. Të vetmet gjëra që e ngushëllojnë sikur është ende në modë janë iPad që mban përpara dhe këmisha sportive që vesh. Dhe këto premtime vijnë nga arkitekti i Bathores, i skemave piramidale dhe i 1997-ës. Halli duhet të jetë i madh përderisa zgjedh të bëjë politikë edhe sot që ka dasmën e të birit.

4 Komente

J
Juliano

25 Shtator 2022, 00:24

Kaq e pat dhe historia me hajdutë dhe spiunë. Ljo zonja nuk e vizitoi metën kur ishte president, e viziton tani në kulmin e akuzave si hajdut dhe spiun. Një zhgënjim sido që ta lajë mutin me shurrë duke thënë arsyen përse e vizitoi. Shqiptarët i zhgënjeu, mund ta kishte vizituar mbas mbylljes së procedurave me prokurorinë dhe gjykatat. Meta është i akuzuar nga dy persona, një ish depudet dhe tjetri avokat. Kim i preu në besë shum shqiptarë, se pas vajtjes se saj tek meta, nuk ka bythë më prokuroria të meret me pasurinë e metës. Turp i madh për qëndrimin e z. Kim.

Përgjigjjuni
X
Xhulio

25 Shtator 2022, 00:27

Berish, meta qimen ka nderruar por vesin se ka harruar. Ai do ta fusi siç ta ka futur më parë, sepse nuk ka kaull, sidomos tani që vajti dhe ndrikulla kim, ku në syt e shqipëtarëve është e pabesueshme.

Përgjigjjuni
S
Shpani (Spanët )

25 Shtator 2022, 09:35

Ka diqka që nuk shkon dhe pse për syrin apo veshin ton tingujt duken origjinal. Faktin se tingujve të politikës sju beson as kush ka të beje pikerisht me lojret e një peshkaqeni politik :

Përgjigjjuni
V
Veterani

25 Shtator 2022, 11:49

Që ka diçka në këtë mes duket , po se çfar do ndodhë më tutje , nuk e dimë ! Si vajtja e zj Kim , tek Likja dhe deklarata e Damianos , se nuk na lë Europa dhe Gjykata Kushtetuese për dënimin e spiunëve të sigurimit , për momentin nuk më duken normale. Më duket se po shumëzohet me zero gjithë ajo propagandë e madhe që u bë për spiunin I.M dhe ish sekretarin e byrosë së partisë së punës të sitalit civil , dr non gratën . Që luan ky i gjati me këta të dy e kemi marrë vesh , po që të luaj kjo ambasadoria , mua akoma nuk më besohet . Të presim e të shofim .

Përgjigjjuni