Te fundit
Finlanda dhe Suedia dorëzojnë aplikimin për anëtarësimin në NATO, Johnson: Ditë historike
18 Maj 2022, 13:01Bota
TEMA
Finlanda dhe Suedia kanë dorëzuar sot aplikimet e tyre për t’iu bashkuar NATO-s. Lajmin e bëri të ditur Sekretari i Përgjithshëm i Aleancës, Jens Stoltenberg. Kujtojmë se vendimi i dy shteteve nordike, që kanë deri para pak kohësh neutrale, u nxit pas shqetësimeve të sigurisë me nisjen e luftës në Ukrainë.
Pas aplikimit për anëtarësimin në NATO ka reaguar kryeministri britanik Boris Johnson, e cili tha se do të mirëpresë krahëhapur Finlandën dhe Suedinë. Johnson shkroi në Twitter se ishte një ditë “historike” dhe tha se presidenti rus, Vladimir Putin, kishte “transformuar vijat gjeopolitike të kontinentit tonë”.
“Kjo është një ditë historike për aleancën tonë dhe botën. Jo shumë kohë më parë askush nuk do ta kishte parashikuar këtë hap, por ambiciet e tmerrshme të Putinit kanë transformuar vijat gjeopolitike të kontinentit tonë. Mezi pres që Finlanda dhe Suedia të jenë pjesë e familjes së NATO-s shumë shpejt,” tha Johnson.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Z. Jonson! Respekte! Keto dy shtete ja kane bere FORA- themi ne ne Shqiperi. Qeveri dhe popuj qe moren parasysh sakrificen, per te shkelmuar nje paqe te rreme dhe frikacake me Rusine! Forca Finland! Forca Suedi! Edhe .. Forca Angli! Une jam me Ju , forever!