Te fundit
Fitorja e thellë në Holandë, e populistit dhe anti-islamikut Geert Wilders
23 Nëntor 2023, 20:40Bota
TEMA
Populisti i ekstremit të djathtë dhe anti-islamiku Geert Wilders pritet të nisë sot bisedimet për gjetjen e aleatëve për formimin e qeverisë së re në Holandë, pas fitores së thellë në zgjedhje, e cila pritet të ketë pasoja jo vetëm në vend, por në gjithë Europën.
Geert Wilders, kundërshtar i Bashkimit Europian dhe mbështetës i kryeministrit hungazez Viktor Orban është zotuar të ndalojë emigracionin dhe të bllokojë zgjerimin e Bashkimit Evropian, përfshirë hyrjen në bllok të Ukrainës.
Ndërsa janë numëruar 98 për qind të votave, forca e tij politike, Partia e Lirisë ka marrë 37 nga 150 vendet në parlament, duke lënë pas koalicionin rival mes laburistëve dhe të majtës me 25 vende, dhe partinë e kryeminsitrit në largim Mark Rutte me 24 vende.
Progami qeverisës i zotit Wilders parashikonte mbajtjen e një referendumi për daljen e Holandës nga Bashkimi Europian, refuzimin e plotë të azilkërkuesve dhe ndalimin e migrantëve në kufijtë holandez.
Programi po ashtu mbështet “çislamizimin” e Holandës. Zoti Wilders thotë se nuk do që në vend të ketë xhami dhe shkolla islamike, edhe pse gjatë fushatës së fundit qëndrimet e tij ndaj Islamit kanë qenë më të buta se në fushatat e shkuara.
Rezultati i zgjedhjeve pritet të trondisë Europën, e cila po përballet me rritje të ideologjisë e ekstremit të djathtë.
Nga Sllovakia, në Spanjë, në Gjermani dhe Poloni, populistë dhe parti të ekstremit të djathtë shënuan fitore ose lëkundën disa vende të Bashkimit Europian.
Këtë të martë, një zëdhënës i Bashkimit Europian tha se rezultatet e zgjedhjeve në Holandë nuk vënë në pikëpyetje anëtarësinë e Holandës në Bashkimin Europian.
“Vazhdojmë të besojmë në praninë e fortë të Holandës në Bashkimin Europian”, tha ai.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Pse etikohen populiste partit e djathta, apo se jane me afer realitetit...!? Po keto gjoja te majta, çfare te mire i kane sjell europes dhe me gjere...!? Popujt po zgjohen, jane lodhur nga politika e dyervet te shqyera...
Bravo, europa me cdo kusht duhet te mbroje vlerat e krishterimit dhe mos lejimin e emigracionit ilegal duke vendosur masa ekstreme!
Duket si grua
Evropa ka nje problem me populizmin, shkruante CNN-i, sigurisht duke harruar problemin qe ka me muti-kulturalizmin.
Filloi shpërbërja e përkohshme e BE. Belgjika dhe Franca janë në rradhë për largim të përkohshëm nga BE derisa të zbehet fare prania islamike përndryshe ... lot e gjak në Europë.