Te fundit
Gjenerata kineze Z, gjeopolitika ndryshe e panjohur
19 Prill 2025, 11:59Bota
TEMA
Nga Ferruccio de Bortoli, Corriere della Sera
Tiziano Terzani ishte shumë i zhgënjyer nga qëndrimi i shumë të rinjve kinezë (të cilët ai i njihte mirë) pas represionit që pasoi ngjarjet e Tiananmenit. Jemi në vitin 1989. Terzani, një nga emrat e mëdhenj të Corriere, do të priste pak më shumë guxim nga ai brez. Në fund të fundit, ai ishte rritur nën maoizëm, i cili, për fat të keq, kishte ngjallur kaq shumë simpati në Perëndim. Tiziano kishte kërkuar revolucionarë gjatë udhëtimeve të tij. Atij i pëlqenin shumë. Ndonjëherë ju jepte besimi tek atyre që nuk e meritonin.
Tizano Terzani ishte ndër të parët që hodhi hipotezën se brezat e rinj kinezë do të ishin interpretuesit më fitimprurës dhe madje fanatikë të kapitalizmit të Dragoit. Të disiplinuar në ndjekjen e suksesit. Edhe ky ishte një marshim i madh. Gjenerata kineze Z i ka duruar më së shumti vitet e Covid-it. Ajo hyri në moshën madhore në një kohë kur ekonomia, ndonëse ende po zhvillohej fuqishëm, kishte filluar të shfaqte disa disbalanca. Për shembull, kontrasti midis fshatit dhe qytetit. Punë me pagë të ulët, pasiguri e shtuar, papunësi.
Në librin e saj të bukur (Kina është një karavidhe, Mondadori) i cili përfundon një trilogji të shkëlqyer, Giada Messetti u ka dhënë zë shumë prej protagonistëve të Gjeneratës Z, të cilët nuk urrejnë format e mospajtimit. Nèijuán është fjala që përshkruan një gjendje shpirtërore kundër së cilës shumë prej tyre po rebelohen. Do të thotë të një levizje në rresht. Një tërheqje e tepruar në vetvete. Gara për sukses me çdo kusht mund të ketë një kufi. Edhe në një regjim që ndalon çdo formë dizidence, që ka frikë nga çdo tubim, qoftë edhe muzikor, pasi mund të kthehet në një demonstratë politike.
Messetti shkruan: "Shumë tregues tani duket se vërtetojnë se si të rinjtë kanë filluar të pyesin seriozisht veten nëse konkurrenca e shfrenuar dhe puna e palodhur për të fituar para dhe sukses kanë kuptim dhe e bëjnë vërtet jetën më të mirë". Kjo na ngjall një ndjenjë simpatie për këtë brez që do ta kishte ndarë në reportazhet e tij edhe Terzani.
Më të lexuarat
24 oret e fundit
Javen e fundit
Blog Tema
Lini një Përgjigje