Te fundit
Kamala Harris nuk heq dorë, përballë Trump edhe në 2028-ën?
31 Korrik 2025, 21:03Bota
TEMA
Ish-zëvendëspresidentja amerikane, Kamala Harris, ka bërë të ditur se nuk do të garojë për postin e guvernatores së Kalifornisë në zgjedhjet e vitit 2026, duke lënë të hapur mundësinë e një kandidimi për president në vitin 2028.
Në një deklaratë zyrtare, Harris tha se ka reflektuar gjatë për mënyrën më të mirë për të kontribuar në jetën publike dhe se, pas një shqyrtimi të kujdesshëm, ka vendosur të mos hyjë në garën për guvernatore, ndonëse shprehu dashurinë e saj për Kaliforninë.
Ky vendim ka rindezur spekulimet për të ardhmen e saj politike, veçanërisht pas humbjes në zgjedhjet presidenciale të vitit 2024 ndaj Donald Trump. Harris nuk e përjashton një tjetër garë për Shtëpinë e Bardhë, pas përpjekjeve të dështuara në vitet 2020 dhe 2024.
“Për momentin, drejtimi dhe shërbimi im publik nuk do të jenë përmes një funksioni të zgjedhur,” tha ajo, duke shtuar se do të angazhohet për të ndihmuar në zgjedhjen e demokratëve dhe do të ndajë së shpejti planet e saj.
Këshilltari i saj, Sean Clegg, konfirmoi se Harris ka shqyrtuar opsione të tjera, përfshirë krijimin e një organizate për të angazhuar votuesit e rinj.
Megjithëse do të ishte një kandidate e fortë për guvernatore, me përvojë të gjerë në Kaliforni dhe politikën kombëtare, Harris duket se është më e prirur të ndikojë nga jashtë strukturave zyrtare.
Në garën për guvernator kanë hyrë tashmë disa emra të njohur si Katie Porter, Antonio Villaraigosa dhe Xavier Becerra. Ndërsa Harris mbetet një figurë me ndikim në politikën amerikane, një rikthim i mundshëm në garën presidenciale në 2028 mbetet i hapur.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mirë kjo, po Trumpi çdo në 2028 o gazetar ? Se andej dy mandate presidenciale i lejon Kushtetuta.
Ehhh....gazetaruc provincial. As e ka idenë se çfarë po shkruan. Ashtu ja thotë truri i tij dhe shkruan me kopetencë. Se domosdoshmërisht po nuk kandidoi për guvernatore, duhet menduar se do kandidojë prapë për presidente. Kështu e mendon truri i tij i vogël provincial. Po ne ç'taksirat kemi të lexojmë paçavuret e këtyre.
Gazetari eshte nga Momli, nuk ka si ta dije qe Amerika vetem 8 vjet te lejon per president.
Ore Kar-mala ne 2028 karin do te marre se ate ka xhan, po ne 2026 Kalifornia do te drejtohet mga espanike, d.m.th. anglosaksonet po bejne dorzimet.