Aleati i Putin: Liderët e BE-së janë kthyer në rezerva të amerikanëve

23 Qershor 2022, 15:23Bota TEMA

Aleati i Putin: Liderët e BE-së janë kthyer në rezerva

“Pa ofenduar askënd, por është e qartë për të gjithë se Mario Draghi nuk është Silvio Berlusconi dhe Olaf Scholz nuk është Angela Merkel. Këta janë udhëheqës të rinj dhe i përkasin një epoke të re qeverisjeje, e cila për mendimin tim është larg nga optimalja”. Kështu ka deklaruar ish-presidenti Dmitry Medvedev i cili është një aleat i ngushtë i Putin, sipas mediave të huaja.

“Problemi i degjenerimit të politikës europiane, lidhet mbi të gjitha me faktin se ajo është kthyer në një rezervë të zbehtë të solistëve amerikanë”, tha ai.


Nënkryetari i Këshillit të Sigurimit ka kundërshtuar hapur klasën politike europiane. Ndërkohë ai vazhdon më tej linjën e tij kritike duke thënë: “Charles de Gaulle mund të kundërshtonte çdo president amerikan. Dhe tani cilët europianë do ta bëjnë këtë pa u shtrënguar duart. Ata janë të kufizuar vetëm nga qëllimet e tyre të dobëta zgjedhore.

Për një kohë të gjatë kam qenë në kontakt me liderë të huaj dhe mund të shoh se sa ka rënë niveli i politikanëve perëndimorë. nNë 20 vitet e fundit kjo ka ndodhur fjalë për fjalë para syve të mi”. Deklarata e tij vjen në një kohë kur nga samiti i BE-së në Bruksel po vijnë sinjale të pastra se unioni do t’i japë statusin e vendit kandidat Ukrainës dhe Moldavisë.

Lini një Përgjigje