Te fundit
Presidenti brazilian reagon pas rritjes së tarifave: Nuk kam ndërmend të poshtërohem nga Trump, do e telefonoj vetëm nëse…
7 Gusht 2025, 10:30Bota
TEMA
Në një deklaratë të ashpër pas vendosjes së tarifave të larta nga Shtetet e Bashkuara, presidenti brazilian Luiz Inacio Lula da Silva tha në një intervistë me Reuters se nuk sheh vend për bisedime të drejtpërdrejta me presidentin amerikan, Donald Trump, të cilat, sipas tij, do të rezultonin në “poshtërim” për të.
Pavarësisht përshkallëzimit, Lula e bëri të qartë se qeveria e tij nuk do të përgjigjet me masa hakmarrëse, siç është vendosja e tarifave përkatëse. Megjithatë, ai do të vazhdojë kontaktet në nivel ministror, ndërsa në të njëjtën kohë do të shqyrtojë masat për të forcuar ekonominë e brendshme për të kufizuar efektet e kufizimeve tregtare të SHBA-së.
“Ditën që intuita ime më thotë se Trump është gati të flasë, nuk do të hezitoj ta telefonoj”, tha Lula.
Në të njëjtën kohë, presidenti brazilian foli për fazën më të keqe në marrëdhëniet SHBA-Brazil në dy shekuj, duke theksuar se Trump e lidhi publikisht heqjen e tarifave me ndërprerjen e ndjekjes penale të ish-presidentit, Jair Bolsonaro, i cili është në gjyq për përpjekjen për të përmbysur rezultatin e zgjedhjeve të vitit 2022.
Ai theksoi se Gjykata Supreme e Brazilit “nuk është e interesuar dhe nuk duhet të jetë e interesuar për atë që thotë Trump”, duke shtuar se Bolsonaro “duhet të gjykohet edhe për faktin se ai provokoi ndërhyrjen amerikane”, madje duke e quajtur atë “tradhtar të atdheut”.
“Por kjo nuk është një ndërhyrje e vogël. Ai është presidenti i Shteteve të Bashkuara që beson se mund t’i diktojë rregulla një vendi sovran si Brazili. Është e papranueshme”, përfundoi presidenti brazilian.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bravo Lula. Idioti tipik amerikan ka nevojë për një grusht turinjëve.Ai edhe pse në krye të vendit me të fuqishëm në botë që duhet të marrë përgjegjësi jo vetëm për vendin e tij, sillet si gangsteri më ordiner dhe merr pozat e Hitlerit dhe të Duçes duke kërcënuar hapur, si gangot e lagjes, sigurinë e çdo shteti që atij nuk i pëlqen. E thënë bruto, është një ndyrësirë që kërkon kurajo dhe guxim për ta demaskuar, serjozitet për ti qëndruar deri në fund dhe bashkëveprim liderish të pergjegjshëm ndërkombëtar. Eshtë rezik iminnent për sigurinë globale dhe ka vetëm një alternative nëse Bota do të shpëtoj nga një katastrofë e tretë,: kundërshtim kolektiv dhe qëndrueshmeri deri në shmangjen e plotë të këtij reziku.
Lula eshte kommunist you idiot , President Trump eshte gjigand dhe mos te them me i mire nga te gjithe Presidentet ????????