Te fundit
Pretendimi i Viktor Orban: Kur u intensifikua lufta në Kosovë, Bill Clinton më kërkoi të sulmoja Serbinë
9 Shkurt 2026, 14:13Bota
TEMA
Kryeministri hungarez, Viktor Orban i Hungarisë deklaroi se kur lufta në Kosovë u intensifikua në vitin 1999, gjatë mandatit të tij të parë si kryeministër, ai mori një telefonatë nga presidenti i atëhershëm i SHBA-së, Bill Clinton.
Para një audience në Szombathely, Orban tha se Clinton i kërkoi Hungarisë të hapte një front të dytë dhe të sulmonte Serbinë, ose “të paktën të qëllonte mbi ta nga Hungaria përmes Vojvodinës deri në Beograd”, sipas mediave hungareze.
Siç tha Orban, qeveria e tij e hodhi poshtë këtë dhe iu përgjigj kërkesës së qartë të presidentit amerikan me një “Jo, zotëri!”.
Sipas kryeministrit hungarez, ai e pyeti Clintonin se çfarë do të ndodhte në një situatë të tillë me 300,000 hungarezët etnikë që jetonin në Vojvodinë.
Viktor Orban tha më tej se ata kishin rënë dakord ta diskutonin çështjen personalisht në samitin e NATO-s të planifikuar për një javë më vonë, por amerikanët nuk e ngritën më kurrë çështjen.
Për deklaratën e Orbam reagoi Aron Tabor, një ekspert amerikan dhe pedagog në Institutin e Studimeve Politike dhe Ndërkombëtare në Universitetin Eötvös Lóránd.
Tabor tha se ndërsa kishte disa plane për një operacion tokësor të NATO-s gjatë luftës së vitit 1999 në Kosovë, nuk kishte mbështetje të vërtetë politike për to dhe nuk ka prova se Hungarisë iu kërkua të sulmonte Serbinë.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ky Orbani eshte nje kokosh qe i duket vetja si i zgjuari evropit , magjar hesapi dhe e dini kujt i thote magjar populli yne
fare thjeshte:Bill Clinton ka kerkuar te "Testonte" Administraten e re Hungareze te z.Orbane ne ate kohe..per te provuar Gatishmerine.....e tije per nje "Fronte Toksore"..por kjo munde te kete qene vetem nje Bisede-Testimi....sepse?? 1-NATO-ja kishte Opsjonet e saj..si ato Toksore...
Ky eshte Don Kishoti i shekullit XXI , drejtues qe nuk mund t'i besohet se ku do te dale , i paparashikuar dhe sic duket frikacak pavaresisht dekratave qe bene...........
Sot Vojvodina do te ishte Republike ne VETE dhe Serbia e gjymtuar ashtu siq duhet te jete. Vojvodina Ka siperfaqe toksore SA 2,5here Kosova dhe eshte me e pasur sesa Kosova 50here .