Te fundit
Shpërthim në Venezuelë? Trump zbulon operacionin ‘sekret’ të SHBA-ve
30 Dhjetor 2025, 12:03Bota
TEMA
Presidenti Donald Trump ka deklaruar se SHBA-të kanë kryer një sulm në një “zonë portuale”, me dyshimet se një anije po transportonte drogë nga Venezuela. Duke e përshkruar si “shpërthim të madh”, ai nuk dha detaje për vendndodhjen e saktë të portit.
Ende nuk ka një reagim nga qeveria e Venezuelës.
Mediat e huaja raportojnë se shpërthimi u shkaktua nga një sulm me dron të CIA-s. Nëse kjo gjë konfirmohet, ky do të ishte operacioni i parë i njohur i SHBA-ve brenda Venezuelës.
Që nga shtatori, SHBA-të ka kryer sulme ndaj më shumë se 20 anijeve që dyshohet se trafikonin drogë në Paqësorin lindor dhe Karaibe, duke vrarë të paktën 100 persona.
Sulmi i fundit ndodhi të hënën, 29 dhjetor, dhe Komanda Jugore e SHBA-ve njoftoi se dy “narko-terroristë” u vranë në Paqësorin lindor.
Trump ka kërcënuar edhe më parë me sulme tokësore në Venezuelë dhe ka autorizuar veprime sekrete të CIA-s si pjesë e një fushate presioni ndaj presidentit Nicolás Maduro.
Janë vendosur 15 mijë trupa, një flotë anijesh dhe aeroplanmbajtëse në Karaibe për të ndaluar trafikun e kokainës drejt SHBA-ve. Ndër to është edhe USS Gerald Ford, aeroplanmbajtësja më e madhe në botë.
Administrata Trump akuzon Venezuelën se përdor të ardhurat nga nafta për krim të lidhur me drogën.
Maduro i ka mohuar akuzat dhe thotë se SHBA-të përdorin luftën kundër drogës si justifikim për të rrëzuar qeverinë e tij dhe për të marrë rezervat e mëdha të naftës së vendit.
Më të lexuarat
24 oret e fundit
Javen e fundit
Blog Tema
Lini një Përgjigje