Te fundit
Si po mbrohet Mojtaba Khamenei për të mos rënë në gjurmët e Izraelit dhe Amerikës?
17 Mars 2026, 12:20Bota
TEMA
Djali i dytë i Ali Khameneit është në kërkim. Donald Trump dhe Benjamin Netanyahu janë të gatshëm të kryejnë vrasjen e tij siç bënë me të atin. Ata e kanë përshkruar si një “mi i fshehur nën tokë”, “peshë e lehtë”, “udhëheqës i papërshtatshëm”, “jo aq suprem”, “me të cilin nuk mund të negociohet”, “që gjëja e vetme e mençur që mund të bëjë është t’i dorëzohet”. Mojtaba Khamenein është objektivi. Për perëndimin, nëse do të vritej, rezistenca e Pasdaranëve do të dobësohej.
Mund të kenë të drejtë, por ndoshta jo. Sepse kultura shiite është formuar nga martirizimi i Husseinit, nipi i Profetit, që shkoi në betejë në Karbala kundër forcave që dinte se ishin superiore. Për këtë arsye, në propagandën e Republikës Islamike, Ali Khamenei nuk u fsheh në bunkerë. “A keni diçka për të gjithë iranianët?” do të kishte pyetur ai, sipas hagiografëve. “Atëherë as unë nuk do t’i përdor”. Kështu edhe Mojtaba është gati për sakrificë. Por ndërkohë, ai bën gjithçka për të mbijetuar. Nëse shpëton ai, Irani në rrënoja mund të mendojë se ka rezistuar ndaj makinerive më të fuqishme ushtarake në botë.
Thuhet se Mojtaba Khamenei është plagosur nga bombardimi që i shkatërroi familjen: baba, nënë, grua, një djalë dhe dy nipër. Ku fshihet? Dhe si po përpiqet të mos gjendet? Mund të jetë në bodrumet e një spitali, në Qom, qytetin e shenjtë, në një seminar fetar. Kudo përveç një vendi të shënuar nga hartat si seli qeveritare ose e Pasdaran. Për të kuptuar “si” fshihet, mund të shihet te shembujt e të arratisurve të mafias ose programet e mbrojtjes për dëshmitarët.
Baza është një mburojë me rrathë që nuk njihen mes tyre, kështu që nëse ka një hapësirë nuk mund të arrihet tek të gjithë të tjerët. Rrethi më i afërt duhet të përbëhet nga disa forca të besueshme dhe efikase. Nuk mund të jenë të shumtë për të mos tërhequr vëmendjen. Rrethi i dytë duhet të besohet tek të padyshimtët: civilë, fëmijë, gra që sjellin mesazhe te rrethi i tretë, ai që transmeton komunikimin te udhëheqja politike. Problemi mbetet tek sistemet e transmetimit midis shtresave dhe rrathëe të mbrojtjes.
Me superioritetin dixhital të armikut, çdo telefon ose kompjuter duhet përjashtuar. Rojet dhe ai vetë nuk mund të mbajnë asnjë celular që mund të hakerohet ose aktivizohet nga distanca. Vlen gjithmonë sistemi i Riina-s: shënime, copa letre, asgjë më shumë. Për të treguar një nevojë mund të digjet një gomë, të varet një çarçaf, të nxirret qeni shëtitje. Nga rrethi i dytë ose më mirë nga i treti mund të fillohet të flitet me kod përmes SIM-eve të përkohshme ose duke përdorur teknologji analoge.
Në filmat “Independence Day” ose “007” është supozuar telegrafi ose radioja. Ende të vlefshme. Pasi të largohen fizikisht nga objektivi, mund të rikthehen në botën dixhitale, por me kujdes. Një sistem inovativ është ‘blockchain’, që nuk shërben më vetëm për Bitcoin, por edhe për komunikim. Më të thjeshta janë chat-et e lojërave: nga Xbox tek Playstation, deri te faqet e ndryshme. Edhe ato mund të përshkohen, por janë miliarda në gjithë botën dhe mund të alternohen mes tyre, duke çmendur këdo që përpiqet të ndjekë rrugën e gjurmëve që çon te Mojtaba Khamenei. Një gabim dhe objektivi është i vdekur./Corriere della Sera
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mundet ti shpetoj vrasjes vetem nese ik dikund jasht Iranit pse Ne qeverin Iraniane e gjysma jan shpiuna te Izraelit dhe nuk eshte e mundur te fshehesh dhe per kete jan vet fajtore ku krijuan shum armiq mbrenda ne shtepi e tyre .
Thuhet se në Iran jetojnë 6 milionë çifutë!Thënë thjesht ata janë kolona e pestë e Izraelit,dhe të I filtruar nē të gjitha strukturat shtetërore!
O islamist i pshurrur, ne Iran jetojne 60 milion Perse, qe jane miq historike te Hebrenjve, duke filluar qe nga Cyrus i Madh, mbreti i Persise para 2500 viteve!
po Dje siku na thane se po "Kurohet ne nje Spital ne Russi"????????????Dhe eshte ne Gjendje te keqe??Uroj te jete Shendosh e mire, sepse c´do qenje e Gjalle ka te Drejten e tije(Saj) te Jetoj...dhe sa per Trampin dhe Netanjahun nje Dite do te Akuzohen per Vrasje..
Ke shume te drejte Katunaro Free, edhe ti do denohesh per IQ teper te larte, ja ke kaluar edhe peshkut!
Eshte ne Gerrqi shendoshe e mire. Del rrugeve edhe per te shetitur dhe nuk bie aspak ne sy. Una faccia, una razza me gerrket.