Te fundit
"Situata me Iranin është shumë shqetësuese", Cameron: Herët apo vonë Izraeli do të godasë
18 Prill 2024, 09:53Bota
TEMA
“Herët apo vonë Izraeli do të godasë”. Kështu është shprehur Sekretari i Jashtëm i Mbretërisë së Bashkuar, David Cameron pas takimit me Kryeministrin e Izraelit, Benjamin Netanyahu.
Cameron reflekton në fjalën e tij edhe pafuqinë e tij për të ndryshuar planet e Tel-Avivit rreth hakmarrjes hebraike: “Situata është shumë shqetësuese. Është e drejtë të tregojmë solidaritet me Izraelin. Por, është e qartë se izraelitët po marrin një vendim për të vepruar.
Shpresojmë që ta bëjnë këtë në një mënyrë jo shkatërruese dhe të zgjuar. Nevoja themelore është të ripërqendrohemi te Hamasi, te pengjet dhe tek ndihma. Kjo është arsyeja pse unë jam këtu sot, për të folur me qeverinë izraelite, për të biseduar me Autoritetin Palestinez, për t'i shtyrë ato gjëra përpara”.
Benjamin Netanyahu ka mbrojtur qëndrimin e tij përsa i përket reagimit ndaj Iranit. Pas takimit me ministrat e Jashtëm të Anglisë dhe Gjermanisë, kryeministri i Izraelit theksoi se kabineti i luftës është duke menduar dhe do të marrë një vendim shumë shpejt: “Tani vij nga takimet me ministrat e Jashtëm të Britanisë së Madhe dhe Gjermanisë.
Ata kanë dhënë të gjitha llojet e sugjerimeve dhe këshillave, e vlerësoj, por dua ta bëj të qartë, ne do t'i marrim vendimet tona, dhe shteti i Izraelit do të bëjë gjithçka që është e nevojshme për të mbrojtur veten”.
Shtetet e Bashkuara, Bashkimi Evropian dhe grupi i vendeve të industrializuara G7 njoftuan të gjitha planet për të shqyrtuar sanksione më të ashpra ndaj Iranit, që shihen si synime për të zbutur Izraelin dhe për ta bindur atë të frenojë në hakmarrjen e tij për sulmet e para të drejtpërdrejta iraniane pas dekadash konfrontimi me luftra hibride.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Cmenduria kolektive e lidereve te sotem eshte bere e frikshme! Ky idiot ben mire ti shpjegoje botes se cdo te thote veprim ne menyre jo shkaterruese dhe te zgjuar, dhe si do ta pengoje kjo kunder reagimin e Iranit dhe shkarjen ne nje spirale perplasjeje qe mund te kthehet ne konflikt rajonal, e mos o zot global?! Mesa duket e kane ndare mendjen per t’i vene zjarrin Lindjes se Mesme!
Me sa duket po. Izraeli para dhe SHBA, UK dhe Franca nga mbrapa. Edhe mbrojtjen e Izraelit kesaj rradhe keto 3 superfuqi e garantuan. Rrezuan mbi 90% te goditjeve te Iranit. Zoti na ruajte nga keta hajvane.