Te fundit
Xi Jinping reagon për konfliktin Izrael-Iran: Kina e gatshme të punojë për paqen
17 Qershor 2025, 16:14Bota
TEMA
Udhëheqësi kinez Xi Jinping tha se vendi i tij është “thellësisht i shqetësuar” nga “përshkallëzimi i papritur” i tensioneve në Lindjen e Mesme, i shkaktuar nga veprimi ushtarak i Izraelit kundër Iranit.
Në komentin e tij të parë publik mbi konfliktin Iran-Izrael që nga shpërthimi i tij të premten, Xi tha se Kina, një mbështetëse kryesore diplomatike dhe ekonomike e Iranit, kundërshton “çdo akt që shkel sovranitetin, sigurinë dhe integritetin territorial” të vendeve të tjera.
“Konflikti ushtarak nuk është një mënyrë për të zgjidhur problemet dhe përshkallëzimi i tensioneve rajonale nuk është në interesin e përbashkët të bashkësisë ndërkombëtare”, tha Xi, duke folur së bashku me Presidentin Uzbek Shavkat Mirziyoyev në Astana, kryeqytetin e Kazakistanit.
Xi ndodhet në Astana për Samitin e dytë Kinë-Azi Qendrore. Ai tha se të gjitha palët duhet të punojnë për të shuar konfliktin sa më shpejt të jetë e mundur dhe se Kina është e gatshme të punojë me të gjitha palët “për të luajtur një rol konstruktiv në rivendosjen e paqes dhe stabilitetit” në rajon.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Prit dhe pak se heret je kujtuar o Xi xellonje