Te fundit
Hekurudhat, në fokus të investitorëve francezë - AIDA prezanton projektet kyçe dhe bashkëpunimin rajonal
3 Shkurt 2026, 21:10Ekonomia
TEMA
Shqipëria po synon të kthejë hekurudhën në një shtyllë kyçe të zhvillimit ekonomik dhe lidhjes rajonale. Në këtë kuadër, në ambientet e Agjencisë Shqiptare të Zhvillimit të Investimeve u zhvillua një seminar mbi mundësitë e investimit në sektorin hekurudhor, me pjesëmarrjen e një delegacioni prej tetë kompanish franceze, lider në këtë fushë.
Takimi u çel nga drejtues të AIDA-s, ndërsa u përshëndet nga Ambasadorja e Francës në Shqipëri, Catherine Suard, e cila vlerësoi marrëdhëniet e qëndrueshme dypalëshe dhe theksoi potencialin e lartë për bashkëpunim konkret në infrastrukturën hekurudhore.
Në fjalën e saj, Zëvendësministrja e Infrastrukturës dhe Energjisë, Edona Bilali, nënvizoi ekspertizën e avancuar franceze në këtë sektor dhe gatishmërinë e Shqipërisë për të thelluar bashkëpunimin, përmes shkëmbimit të praktikave më të mira dhe përfshirjes së investimeve të huaja.
Gjatë seminarit u prezantuan projektet kryesore hekurudhore në zhvillim, përfshirë Korridorin Adriatiko–Jonian, linjën Tiranë–Durrës dhe segmentin drejt Porto Romanos, si edhe projektet rajonale që lidhin Shqipërinë me Malin e Zi dhe Kosovën.
Takimi u mbyll me angazhimin e ndërsjellë për forcimin e partneritetit dhe rritjen e interesit investues, duke e konsideruar sektorin hekurudhor si një element strategjik për zhvillimin ekonomik, integrimin rajonal dhe afrimin e Shqipërisë me standardet europiane të transportit.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Pasi ngritem 2 aeroporte te deshtuara, do ngreme hekurudhat qe ishin te ngritura. Meqe ra llafi ca u be me hekurudhen Tirane-Durres mbas 25 vitesh pallavrash Socialisto-demokrate? Spartak Poi dhe Fatos Nano na hapen barkun si fillim, tani mbasi prishem stacionet e Trenit ne Tirane dhe Durres do bejme nje hekurudhe Kashar-Fllake.
Hahaha! Vendi me qesharak ne bote!
Rama ju jep hekurudhen francezeve qe Makaroni mos te perdore veton per europe kur te vije koha
"l’agente Boris Karpiçkov"! Hekurudhat do bohen me pune vullnetare nga rinia jone heroike jo nga Makrroni i lavdishem. Do knohet konga: "Ku kalove verenoo - goc e mireooo? Shtrova shina o djaloooo - rreze malitoooo" si dhe konga qeter: "Bashke ndertuam nje ure neeeee - uren e jetes sone te reeee" Çashtu or taj majk me llagap me kopili