Te fundit
Klan dhe Top Channel dominojnë me të ardhurat, televizioni i Berishës "gropë"
6 Gusht 2024, 17:10Ekonomia
TEMA
Katër televizionet më të mëdha komerciale të vendit rritën shkallën e dominimit të tregut në masën 79.1% gjatë vitit 2023, nga 75.1% që kontrollonin në vitin 2022. Lajmi bëhet i ditur nga të dhënat e pasqyrave financiare të kompanive të licencuara për shërbime televizive komerciale, të analizuara nga BIRN. Kjo është shkalla më e lartë e përqendrimit të medias që nga viti 2018.
Standardet ndërkombëtare sugjerojnë matjen e shkallës së përqendrimit të medias përmes llogaritjes së pjesës së tregut të zënë nga katër operatorët e mëdhenj. Në rastin e Shqipërisë gjithsesi vërehet se dy janë operatorët me të vërtetë të mëdhenj ndërsa operatori i tretë e i katërt në realitet mund të konsiderohen si televizione të mesme dhe jo të mëdhenj.
Nëse shkalla e dominimit llogaritet si pjesa e tregut të zënë nga dy operatorët e mëdhenj, atëhere në vitin 2023 kemi Klan dhe Top Channel që zënë bashkë 64% të tregut.
BIRN analizoi të dhënat kryesore financiare të dymbëdhjetë televizioneve më të mëdha në vend, nga të cilat, dy nuk patën depozituar bilanc brenda datës 31 korrik 2024, siç kërkohet nga ligji, ndërsa dhjetë kishin dorëzuar bilanc në Qendrën Kombëtare të Biznesit.
Të dhënat tregojnë se pas një periudhe disavjeçare në të cilën, rritja e disa televizioneve të reja solli në një masë të kufizuar rënie të dominimit të Top Channel dhe TV Klan, tendenca ndryshoi sërish vitin e kaluar drejt një shkalle më të lartë përqendrimi.
Të dhjetë televizionet e shqyrtuara patën të ardhura të përbashkëta në masën 6.6 miliardë lekë (rreth 66 milionë euro) për vitin 2023, me një rritje prej 14% përkundrejt vitit 2022. Të renditura sipas të ardhurave, televizioni Klan mbajti vendin e parë, njësoj që nga viti 2021, kur zëvendësoi Top Channel për primatin. Top Channel zë vendin e dytë, pasuar nga Media Vizion në vendin e tretë dhe G2 Media A2CNN në vendin e katërt.
Zgjedhje dhe Big Brother
Zakonisht televizionet shqiptare kanë vite të mbara kur këto vite përmbajnë zgjedhje parlamentare apo zgjedhje të pushtetit vendor. Kjo vjen si rrjedhojë e volumit të zakonshëm të reklamave të financuara nga Komisioni Qendror i Zgjedhjeve për edukimin e votuesve si dhe nga reklamat e partive politike. Por viti 2023 ka njohur një rritje të konsiderueshme të tregut në total, gjë që duket se vjen pjesërisht si rrjedhojë e spektaklit televiziv Big Brother Vip Albania. Top Channel, televizioni i dytë më i madh në vend njohu një rritje në nivelin e të ardhurave me 25% vitin ë kaluar, ndërsa të ardhurat e Klan u rritën me 19%. Rritje pati edhe Vizion Plus me 25% dhe A2 CNN me 11%. Televizionet e tjera kryesisht pësuan rënie në të ardhura.
Televizioni Klan është gjithashtu televizioni më fitimprurës në vend për aksionerët e vet. Gjatë vitit të kaluar, fitimet neto arritën në 2.7 milionë euro, shifër kjo katër herë më e lartë se sa fitimet neto të Top Channel.
Televizionet relativisht të reja, A2CNN dhe Euroneës patën ecuri disi më pozitive vitin 2023 në krahasim me vitin 2022. Të dyja shënuan rritje të të ardhurave, por A2CNN deklaroi bilanc me një fitim të ulët ndërsa Euroneës vijon të ekzistojë me humbje të konsiderueshme. Gjatë vitit të kaluar, humbjet e Euroneës ishin në masën 89.5 milionë lekë. Me humbje rezultuan edhe televizionet Report TV, Neës 24 dhe ABC.
Televizioni i opozitës Syri.tv zuri vitin e kaluar 1.7% të totalit të të ardhurave të tregut televiziv ose 113 milionë lekë. Të ardhurat e deklaruara ranë me 22% në krahasim me vitin 2022.
14 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po qe me pushtetin ske se si je grop. Nuk e shikoni ju te Temes qe ne cdo dy vargje keni nga 10 reklama. Puç
Kjo tregon kush eshte ne opozite dhe kush i lepihet pushtetit!
Klan dhe Top Chanel, News24 kane rritje, duke marre leke te inceneratori (reklamim dhe lajme per incen.), qe nuk ka ekzistuar dhe nuk funksionoi asnjehere (ndertese llamarine). Deri te Vizion Plus, A2CNN, MCN etj. Kane marre tendera nga shteti, duke perdorur deri ne Nipte Sekondare, qe justifikojne fitimin ne TV-et per bilanc. Ndersa Syri TV eshte i bllokuar ne llogari bankare nga SPAK (hetimi i familjes Berisha), japin pagat ne dore. Te gjithe TV jane ne urdherat e Rames se i do, te fryhen me lajme si genjeshtrat e Rames si me investime strategjike per resorte e kulla nga leket e buxhetit, vjedhje pronash private shteterore deri te administrata eshte korruptuar ne menyre te frikshme, rritje turizmi dhe ligjet e vkm e qeverise me drejtues, as nje vit nuk mban karrigia se i heq Rama.
Normal me paratë e djegësave top qenefi dhe Klani kanë bërë miliarda. E dini sa tendera rrugësh merr Sandri dhe sa kulla po ndërton me kompani me kapital 100€.
Po nderton Sandri me vellain e tij kullen 34 kate prane Aleatit ( me para te jashtligjshme), ku pronaret e tokes qe kane blere ndermarrje ne privatizim dhe nuk ka mbyllur kontraten e shitjes se ndermarrjes. Ne menyre te jashtligjshme me noteret, kadastren kane pervetesuar pronen dhe Rama ka dhene leje ne toke tjetrit. Vetem se i ben lajme te bukura qeverise Rama te TV Klan.
Burimi i te ardhurave??? Nga lepirja e palodhur....
Hallall top channel dhe tv klan. Vazhdoni beni miljarda ne kurriz te gomereve. Bjeri ketij popull cari se ky popull kurve e meriton qe ta palloje Rama dhe Sala dhe Likja. 50 vjet me Enveri dhe 30 vjet me Salen me Ramen
Top channel dhe Klan TV e mafiozëve . Top channel me inceneratorët dhe Sandri me fonde dhe pronat publike.
Mos shikoni te arshurat se jane te gjitha pastrim parash! Keni te dhena te sakta te shikueshmerise? Ato tregojne se sa vlere kane keto televizione, dhe jo te ardhurat!
Edhe ti po i bene Gojore pushtetit me reklamimin e top hales edhe klan Bullgari…
Pra oligarket e Berishes dominojne tregun e reklamave te televizioneve? Si ka mundesi qe nuk e degjojme kete nga Sali Berisha dhe cakenjte e tij?
Fajin e ka Saliu edhe qe ti i ke dhënë motrën partisë.
He, pra, Mero. Keshtu te dua! Bjeri edhe Sales, por bjeri edhe Rames qe e nxiu Shqiperine.
Shpirti vllait