Mbi 260 subjekte përfitojnë nga falja doganore, ekspertët: Kujdes afatet

Pas filllimit të faljes me kusht dhe pa kusht që nga qershori të detyrimeve tatimore të papaguara edhe për ato doganore po veprohet në njëjtën mënyrë.

Mbi 260 subjekte kanë përfituar deri tani nga falja e detyrimeve doganore të papaguara, ndërsa vlera e detyrimeve të fshira ka arritur në 505 milionë lekë. 

Megjithëse ligji krijon lehtësi për bizneset, ekspertët fiskal që janë në kontakt me bizneset vërejnë se një pjesë e subjekteve po tregohen neglizhente në ndjekjen e procedurave të nevojshme për të përfituar nga falja.

“Një nga keqkuptimet më të shpeshta është bindja se falja realizohet automatikisht për të gjitha rastet. Në fakt, bizneset që kanë deklarata të padorëzuara nga periudhat e mëparshme duhet t’i plotësojnë këto detyrime procedurale, në të kundërt rrezikojnë të mos përfitojnë nga skemat lehtësuese të parashikuara në ligj”, tha Etleva Treska-eksperte fiskale.

Afatet mbeten elementi më i rëndësishëm për përfitimin nga falja fiskale. Për detyrimet e krijuara deri më 31 dhjetor 2014 parashikohet fshirja automatike. Ndërkohë, për detyrimet e periudhës 2015-2019, bizneset kanë mundësi të përfitojnë nga falja e një pjese të detyrimeve nëse respektojnë afatet e pagesës së principalit, ndërsa për detyrimet e viteve 2020-2024 mund të përfitojnë nga fshirja e gjobave dhe kamatëvonesave pas shlyerjes së plotë të detyrimit kryesor.

Ekspertët këshillojnë bizneset të verifikojnë situatën e tyre tatimore dhe doganore dhe të veprojnë brenda afateve të përcaktuara.

“Bizneset përballë një problematike të tillë sduhet të harrojnë që ka afate që duhen respektuar sidomos për ato deri në 30 qershor përndryshe do të humbasinë mundësinë.”

Degët tatimore dhe doganore do të vijojnë evidentimin e rasteve përfituese deri në fund të vitit 2026. Përtej detyrimeve të papaguara doganore deri më tani janë fshirë pa kusht mbi 306 mln euro detyrime tatimore.

Tirana, qyteti i dytë më i shtrenjtë në Europë në raport me të ardhurat

08:20 Ekonomia 5 komente

43% e investimeve të huaja në pasuri të paluajtshme

18:50 Ekonomia 6 komente

Doganat fshijnë 505 milionë lekë detyrime të papaguara - Ligji i faljes/ 264 subjekte përfituan nga skema. Procesi vijon deri në fund të vitit

16:10 Ekonomia 5 komente

Trena elektrikë në linjën Tiranë–Durrës–Rinas/ Verdho: Njësitë do sigurohen nga operatori privat, që do bëjë dhe operimin e hekurudhës

12:00 Ekonomia 5 komente

Qeveria miraton mbi 633 milionë lekë për rindërtimin në Krujë, Kurbin dhe Lezhë

22:10 Ekonomia 1 koment

Miratohet VKM-ja për kreditë e buta për punonjësit e administratës, ministrja Ibrahimaj: 300 kuota të lira, me normë interesi zero

17:50 Ekonomia 2 komente

Nga data 1 korrik pensionet indeksohen me 2,7%, kush përfiton

17:40 Ekonomia 14 komente

Sejko: Kalimi drejt një ekonomie pa para fizike është kyç për modernizimin financiar

15:50 Ekonomia 7 komente

Mbi 17 miliardë euro investime të huaja në Shqipëri, 40% shkojnë në tregun e pasurive të paluajtshme

20:22 Ekonomia 1 koment

Taksa e re për pronën do të rrisë detyrimin për bizneset deri në 25%

09:55 Ekonomia 1 koment