Te fundit
Doganat fshijnë 505 milionë lekë detyrime të papaguara - Ligji i faljes/ 264 subjekte përfituan nga skema. Procesi vijon deri në fund të vitit
27 Qershor 2026, 16:10Ekonomia
TEMA
Deri më tani, 264 subjekte kanë përfituar nga falja e detyrimeve doganore që kishin mbetur të papaguara deri në fund të vitit 2014. Sipas të dhënave nga Drejtoria e Përgjithshme e Doganave, 505 milionë lekë rezultojnë të jenë fshirë.
Për detyrimet e papaguara deri më 31 dhjetor 2014 parashikohet fshirja automatike e detyrimeve, gjobave dhe kamatëvonesave përkatëse.
Për detyrimet e krijuara gjatë periudhës 2015–2019, subjektet mund të zgjedhin ndërmjet dy alternativave: pagesën e 50% të principalit brenda datës 30 qershor 2026, duke përfituar faljen e pjesës tjetër të detyrimit dhe të gjitha gjobave e kamatëvonesave; ose pagesën e 75% të principalit brenda datës 31 dhjetor 2026, duke përfituar faljen e 25% të mbetur dhe të gjitha gjobave e kamatëvonesave.
Për detyrimet e periudhës 2020–2024, fshihen gjobat dhe kamatëvonesat në rast se paguhet i plotë detyrimi kryesor brenda datës 31 dhjetor 2026.
Në kuadër të këtij procesi, administrata doganore do të vijojë evidentimin dhe trajtimin e detyrimeve të papaguara sipas periudhave përkatëse, duke u krijuar subjekteve mundësinë për të përfituar nga fshirja ose shuarja e një pjese të detyrimeve, gjobave dhe kamatëvonesave. Degët doganore do të vazhdojnë evidentimin e rasteve përfituese deri më 31 dhjetor 2026.
Zbatimi i këtij ligji synon të lehtësojë barrën financiare për bizneset, të nxisë formalizimin dhe të krijojë mundësi për mbylljen e detyrimeve të prapambetura nëpërmjet procedurave lehtësuese të përcaktuara nga legjislacioni në fuqi.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Diaboliku i surrelit, per te mbrojtur karrigen, vazhdon te funksionoje me te gjitha format e tij djallezore.
Bravo, pune te perkryer!! Ata qe e idealizuan dhe e aplikuan kete faljen e borxheve, e kuptoine se c'fare do ndodhi pas disa vitesh? Borxhi do filloje perseri, edhe me i madh, dhe me subjekte te tjera, eshte me se e sugurte, sepse me gjithe kete reklame qe i beni ju, do shtohen subjektet me borxhe, sepse kane leverdi, kane nje garanci, nje dite do vijne faljet!! Dhe e dini se si ndihen ata paguajne detyrimet, respektojne rregullat e bisnesit, ata te ndershmitme nje fjale me keto faljet per borxhlinjete? Idiote komplet.