Inteligjenca Artificiale edhe tek e-Albania, qytetarët do komunikojnë me tekst dhe zë

11 Tetor 2023, 22:00Hi-Tech TEMA
Inteligjenca Artificiale edhe tek e-Albania, qytetarët do komunikojnë

Deklarata e kryeministrit Edi Rama për implementimin e Inteligjencës Artificiale në shërbimet e portalit qeveritar e-Albania tashmë është në letër. Në draftin e publikuar në faqen e Konsultimit Publik në kuadër të “Reformës Administrative Publike 2023-2030” nga Këshilli i Ministrave renditen risitë që pritet të implementohen në portalin qeveritar.

Në dokument thuhet se Asistenti Virtual Shqiptar ose i emërtuar si AVA do të jetë plotësisht funksional, i automatizuar në tekst dhe zë, që do t’u përgjigjet pyetjeve të përdoruesve, duke shërbyer si ndihmë për ta.

Ekspertët e IT e konsiderojnë implementimin e ChatGPT një hap të mirë.

“Klientët sot presin më shumë nga sektori publik, presin përgjigje më të shpejta dhe asistentët virtual  mund të jetë një mjet i fuqishëm për të përmbushur këto kërkesa në rritje”, shprehen ata.

Për përdoruesit të cilët do të hasin problematika me marrjen e informacionit do të ngrihen qendra shumëfunksionale të cilat do të shërbejnë si “Infopoint” për të ofruar informacion, udhëzime dhe asistencë për përdoruesit.

“Nisma e marrë do të stimuloj inovacionin, qytetarët do të përfitojnë nga aksesi më i gjerë në shërbimet e sektorit publik nëpërmjet faqeve të internet dhe aplikacionet celulare dhe do arrijnë t’i marrin informacionet më shpejtë. Mund të themi që në teori përfituesit kryesorë të ndërfaqeve zanore mund të jenë dhe personat me aftësi të kufizuara, por dhe ata të cilët përdorimin e faqeve tradicionale e shohin problem”, u shpreh ekspertja e IT, Esmeralda Kazia.

Afati për implementimin e risive është vendosur viti 2027. Përtej shërbimit ndaj qytetarëve një tjetër pikë do të jetë dhe përmirësimi i sistemit të shkëmbimit të informacionit ndërmjet institucioneve në mënyrë që të ofrohen shërbime më të shpejta.

1 Komente

  1. f
    foshnja

    AVA nuk ka lidhje me inteligjencen artificiale aspak. I pergjigjet disa pyetjeve bazike te programuara me pare dhe nuk ndryshon, apo zhvillohet bazuar mbi eksperiencat e meparshme te sistemit. Injorance e madhe ne gazetari, dhe ne cdo fushe te jetes ne Shqiperi. I mbushin njerezit me genjeshtra nga shejtanlleku dhe padituria

    Lini një Përgjigje