Te fundit
Atentat ndaj fisit Bajri në Shkodër, një i vrarë: Si u ekzekutua duke pirë kafe Naim Bajri, në 2001 i vranë djalin
3 Qershor 2022, 09:06Kronika
TEMA
Naim Bajri ka mbetur i vrarë këtë të premte nga të shtënat me armë në Shkodër.
Ngjarja ka ndodhur në vendin e quajtur “Merkata e Rusit”, në lagjen “Partizani” ku Bajri, i cili ka lidhje gjaku me fisin me të njëjtin mbiemër, kishte një dyqan peshku.
Punonjësi i tij ka ngelur i plagosur me një plumb në krah dhe është jashtë rrezikut për jetën.
Bajri ishte duke pirë kafen e mëngjesit me të punësuarin e tij në momentin që ka rënë pre e atentatit, ku edhe humbi jetën.
Një automjet tip “Benz” është afruar pranë trotuarit dhe është qëlluar në drejtim të 68-vjeçarit me breshëri automatiku, dhe janë larguar me shpejtësi në drejtim të by pass-it.
Nga sa mësohet viktima ka marrë 7 plumba në trup, ndërsa i plagosuri një në krah. Ky i fundit ndodhet në spital dhe është jashtë rrezikut për jetën.
Ndërkohë një automjet është gjetur rreth orës 07:50 në flakë në zonën e livadheve, pak metra nga banesa e fisit Lici dhe dyshohet se i përket autorit/ëve të krimit.
Kush është Naim Bajri
21 vite më parë, Naim Bajrit, viktimës së atentatit të sotëm në Shkodër i kanë vrarë të birin.
Më 21 tetor të vitit 2001, Ilmir Hajdari, së bashku me Xhabir Shegajn dhe Kujtim Barbullushin ekzekutuan Indrit Bajrin me armë automatike.
Vetë Shegaj u ekzekutua me snajper në vitin 2015 për vrasjen e Indrit Bajrit. Në atë kohë policia bëri me dije se Ilmir Hajdari kishte debatuar me Indrit Bajrin e në grindje e sipër kishin kërcënuar njëri-tjetrin e ishin ndarë të acaruar.
Hajdari është dënuar me 16 vite burg për vrasjen e Bajrit. Ai u arrestua në vitin 2009, por pas 4-5 vitesh është liruar.
68-vjeçari, Naim Bajri vdiq të premten rreth orës 07:20 në vendin e quajtur “Merkata e Rusit”, në lagjen “Partizani”, Shkodër.
Punonjësi i tij ngeli i plagosur në dyqanin e peshkut me një plumb në krah, por jashtë rrezikut për jetën.
Ndërkohë makina që dyshohet se autori/autorët kanë përdorur për të kryer krimin u gjet e djegur në zonën e livadheve, pak metra nga banesa e fisit Lici.
Fisi Bajri është i njohur në Shkodër sa i takon konflikteve të shpeshta që kanë përfunduar me vdekjen e disa personave.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po vrave do vritesh. SPAK te mos mburret me te plagosurit qe u bien ne dore nga qielli, por te kape peshkaqenet e medhenj -Sali Berishen dhe Ilir Meten.
ishalla I merr me vete edhe kushurinjte
Sherrin kta e kan fillu vet. Ka 40 vjet qi bajne sherr (me Ferit e t'jer)