Aksidenti në Këlcyrë me 8 viktima, drejtori i policisë tregon dinamikën: Makina lëvizte me shpejtësi, kur pa patrullën u kthye…

2 Prill 2024, 10:14Kronika TEMA

Aksidenti në Këlcyrë me 8 viktima, drejtori i policisë

Drejtori i Policisë së Gjirokastrës, Ardian Çipa, doli në një prononcim për gazetarët për të dhënë detaje më të sakta në lidhje me aksidentin e orëve të para të mëngjesit në Këlcyrë ku humbën jetën 8 persona.

Çipa sqaroi se makina tip “Benz” është pikasur për herë të parë rreth orës 02:20 të mëngjesit nga patrulla e policisë së Këlcyrës teksa lëvizte me shpejtësi. Efektivët i kanë bërë thirrje shoferit që të ndalojë dhe ky i fundit ashtu ka bërë dhe jo për të komunikuar me policinë, por për t’u kthyer e për të lëvizur sërish me shpejtësi, kësaj here drejt Përmetit. Efektivët janë vënë në ndjekje të makinës.

Rreth 1 orë e 30 minuta pasi kanë humbur kontaktin vizual me makinën, patrulla e policisë ka pyetur qytetarë të ndryshëm nëse e kanë parë mjetin duke lëvizur. Por përgjigja e tyre ka qenë negative dhe për këtë arsye ata kanë nisur një inspektim në zonë. Ky inspektim i ka çuar drejt vendit të aksidentit, ku është zbuluar edhe makina në afërsi të lumit Vjosa.

“Rreth orës 02:20 të datës 2 Prill në afërsi të Këlcyrës, patrulla këmbësore e stacionit të policisë Këlcyrë ka hasur një automjet që po lëvizte me shpejtësi tej normave të lejuar. Në përpjekje e sipër për t’i bërë shenjë për të ndaluar, automjeti është kthyer menjëherë dhe është nisur në drejtim nga qyteti i Përmetit. Patrulla e policisë, e cila ishte me shërbim për kontrollin e territorit si dhe aksin Përmet-Këlcyrë me automjetin e vet është përpjekur të marrë kontroll vizual mbi automjetin dhe e ka ndjekur deri në afërsi të vendit të ngjarjes. Menjëherë ka informuar sallën operative dhe ka transmetuar të gjithë informacionin për automjetin e dyshimtë i cili ishte larguar me shpejtësi të madhe në drejtim të Përmetit.

Rreth orës 03:55 duke qenë se nuk është konstatuar automjeti, patrulla me një automjet ka lëvizur në drejtim të Përmetit duke marrë kontakt dhe me qytetarë të ndryshëm të cilët i ka pyetur lidhur nëse kanë parë apo jo një mjet të tillë i cili ka ikur me shpejtësi. Duke qenë se nuk ka marrë informacion ka filluar inspektimin e gjithë zonës dhe pikërisht në vendin ku ndodhemi ku ka ndodhur dhe aksidenti ka parë shenja të një aksidenti rrugor dhe më pas ka mundur të lokalizojë automjetin që ka rënë në afërsi të lumit Vjosa. Ka zbritur poshtë dhe menjëherë ka transmetuar informacionin shërbimeve që më pas kanë njoftuar prokurorin dhe grupin hetimor për të ardhur në vendngjarje”, u shpreh drejtori i policisë Çipa.

Zona në fjalë njihet për transportin e klandestinëve. Prandaj edhe sipas këqyrjes paraprake dyshohet se shtatë prej tyre janë nga vendet e Lindjes së Mesme, ndërsa shoferi nga Shkodra.

Për këtë të fundit po vijon puna për identifikimin e plotë. Ndërkohë edhe prokurori Petrit Çano thotë se do të bashkëpunojnë me të gjitha ambasadat me qëllim zbulimin e emrave të viktimave të tjerë. Sa i përket makinës ajo rezulton se është marrë me qira në Shkodër dhe nuk është pronar drejtuesi.

“Siç informoi drejtori i Policisë kemi të bëjmë me një ngjarje të rëndë aksidentale, shkaqet ai i përmendi cilat ishin, mënyrën si ka ndodhur. Ne jemi informuar nga Drejtoria e Policisë dhe të gjitha strukturat e tjera. Sëbashku me prokuroren e përgjithshme kemi ardhur në vendngjarje. Kemi organizuar punën që të bëhet me kujdes këqyrja e kufomave, identifikimi i tyre, pastaj në bashkëpunim me strukturat e tjera, do kryejmë të gjitha procedurat hetimore për të përcaktuar shkaqet dhe përgjegjësitë nëse ka të tilla. Mjeti është rikthyer përsëri në drejtim të qytetit të Përmetit, me shumë shpejtësi, ende se përcaktojmë dot sa ka qenë sepse do dalë në vazhdimësi.

Si duket ka dalë jashtë kontrollit dhe ka përfunduar në këtë pjesë që ju e shikoni. Ky është objekti i hetimit. Rezulton se vetëm drejtuesi i automjetit është shtetas shqiptar, automjeti është marrë me qira në një nga pikat në Shkodër, nuk është pronar drejtuesi. Viktimat e tjera janë shtetas të huaj nga vendet e treta, që donin të kalonin në vendet e tjera të BE-së. Se dimë akoma se cilave shtete u përkasin. Jemi duke pritur edhe mjekët ligjorë nga Tiranë për të bërë autopsinë. Do bashkëpunojmë me të gjitha ambasadat përkatëse pasi t’i identifikojmë. Nuk është thjesht aksident, vjen si rrjedhojë e një ngjarjeje kriminale. Në këtë zonë merren me këtë aktivitet të paligjshëm, gjithsesi është kombinim i dy veprave penale”, deklaroi për gazetarët prokurori i Rrethit Petrit Çano.

Ndërsa Çipa tha ndër të tjera se numri i kufomave është i madh dhe si rezultat ka nevojë për kryerjen e shumë ekzaminimeve në vendngjarje për të marrë dhe administruar prova që kanë të bëjnë me identifikimin e viktimave dhe për sqarimin e rrethanave.

12 Komente

  1. e
    eksperti

    O zot cfar rrene.Ku i Gjeti qytetaret ky kapterri qe i pyeti ne 2 te nates???!!!

    1. K
      Kritiku

      Eksperti i dites, mos u merr me kete ekspertize sepse nuk eshte fusha jote. Shko e shiko bagetine, sepse te ka ikur nga syte kembet.

      1. e
        eksperti

        Shoh qe ke shume bagazh o kokrra e kapterrit.E fitove suflaqen per sot

    2. W
      W

      O Drejtor! Ti duhet të jepje dorheqjen!jo të dilje të tregoje përralla ! Drejtor gjej bazen dhe kalimin e Emigrantëve ku strehohen?Fatkeqët për për një grusht para humbën jetën që banditët me uniformë donin.Drejtor që trego prralla! Pse shihen emigrantë nëpër rrugë në këmbë dhe policët tuaj nuk i kapin? Po shoferët që mund të bien viktima pa dashur që i marin në makina ju merni patentat për një vit,gjobë,sekuestrim maqine, mund edhe në burg të shkojnë,këto gjëra shiko jo të tregosh përralla.

      1. M
        Marin

        O polic idiot!! I keni vrare ju qe i keni ndjekur, se nuk jeni profesionist, jeni per coban me dhi. Gjej menyren ti ndalosh pa shkaktuar keto tragjedi. Se jane bij nenash ,

        1. P
          Pet.

          Cfare faji ka ketu policia? Nese polici tregon tabelen, duhet te ndalosh perhere, perndryshe thyen ligjin dhe do te ndiqesh, Apo mos duhej qe ta priste me tufe lule dhe birre te fresket?. Fatkeqe ata qe vdiqen per kot-gje, pa policia ka bere vetem detyren.

        2. K
          Kritiku

          Ju gazetare dru-me-pre, mesoni nje here se si shkruhet nje shkrim dhe pastaj botojeni. Perse shkruani nje here me fjalet e juaja dhe pastaj vendosni te thenat e te tjereve? Perse duhet dy here te shkruhet e njejta gje? Apo ju i dini me mire ti shpjegoni gjerat? Çfare eshte “Benz”? E dini ju se nuk ka makine “Benz”? Fshataret flasin keshtu. Te tille jeni edhe ju. Ne te thenat e policise nuk lexojme qe ata te thone tipin e makines? Duhet te kete qene ndonje furgon qe ka mbajtur kaq shume njerez brenda. Mesoni qe te mblidhni nje here informacion e duhur dhe pastaj beni nje shkrim me tere detajet. Mos na sillni si titra televizioni lajme te tilla.

          1. P
            Polic i vjeter

            Po normal qe kete vend e ka marre mortja perderisa ky tipi vazhdon te jete drejtor ne gjirokaster. Pa pyeteni pak per kontrabanden galopante ne kalavije ose lekavije siç e quajme tani dhe do kuptono se edhe 3 urat jane bere 6 ne fakt. Turp turp turp

            1. X
              Xxxx

              Policia ka bere detyren...ky mother facker ku shkon? Me shpejtesi sketerre...per nje gjobe humben jeten...dhe merr ne qafe te tjere...gjynaf

              1. D
                Detari

                transportonte sunite shoferi skiptar dhe shkuan te gjithe per allahi

                1. G
                  Gaqiu

                  Heres tjeter e ke radhen ti dhe belerius.....

                2. S
                  Shkodran prej Puke.

                  Me ken shkodran t'ana i ban......

                  Lini një Përgjigje