Te fundit
“Basti i fundit”/ Shpallet në kërkim anëtari i grupit të Martinajt, ktheu lokalin në sallë lojërash fati
21 Qershor 2023, 10:48Kronika
TEMA
Artan Sula, (Jani Përskura) është shpallur në kërkim nga policia e Kurbinit pasi dyshohet se organizonte lojëra fati në një lokal në pronësi të tij në Mamurras. Burimet bëjnë me dije se 45-vjeçari është pjesë e grupit të Ervis Martinajt.
Në kuadër të operacionit “Basti i fundit", janë ushtruar kontrolle në ambientet e një lokali jashtë funksionit, në katin e parë të një pallati në lagjen "Drita", ku dyshohej se organizoheshin lojëra fati me kompjutera, në kundërshtim me ligjin.
Sipas policisë nga kontrollet janë gjetur dhe sekuestruar në cilësinë e provës materiale, 8 kompjutera që shërbenin për këtë veprimtari të kundërligjshme.
'Gjatë 2 fazave të mëparshme të operacionit “Basti i fundit”, janë vënë në pranga 3 shtetas, janë proceduar penalisht 4 shtetas, si dhe janë sekuestruar 13 kompjutera, 2 tavolina pokeri, 2 valixhe me çipsa, celularë dhe pajisje të tjera që shërbenin për organizimin e kundërligjshëm të lojërave të fatit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprat penale "Organizimi ose ushtrimi i veprimtarive të lojërave të fatit në kundërshtim me ligjin" dhe "Vënia në dispozicion e lokaleve për lojëra të palejuara".’- njofton policia.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Gjurmet te cojne tek Ervis Martinaj, pa diskutim eshte ai qe ka ringjallur lojerat e basteve. Policia nepermjet ketij shokut, kerkon te gjej vendodhjen e Martinaj.
Duket sikur kane rene ne gjurmete tij. Ervis Martinaj nuk jeton dot pa te ardhura, droge ose kazino, keto jane dy rruget per te kerkuarit nga Policia.