Te fundit
Denis Meçe pasi godit për vdekje Egli Progën fjeti në makinë, ofroi 10 milion lekë për...
15 Gusht 2024, 12:12Kronika
TEMA
Në vendimin e zbardhur të gjykatës së Korçës për caktimin e masës së sigurisë ndaj Denis Meçes i arrestuar si autor i vrasjes së Egli Progës më 10 gusht 2024 në Pogradec.
Vrasja ndodhi në afërsi të vendit quajtur “Axhensia”, tek rreth-rrotullimi, lagjja nr.2 në Pogradec.
Për Denis Meçen policia e kishte referuar materialin për ‘vrasje me dashje’ ndërsa Prokuroria zbuti akuzën në ‘vrasje nga pakujdesia’ me argumentin se materialet që kishte sjellë policia e kualifikonin veprën penale në këtë akuzë.
Në vendimin e zbardhur të datës 13 gusht të gjyqtares së Korçës, Luljeta Kole, zbulohet se Meçe pasi është larguar nga vendngjarja ka fjetur në makinë.
Më pas pasi është përmendur ka telefonuar avokatin dhe i ka kërkuar për ta shoqëruar në komisariat.
Në seancën gjyqësore avokati ka thënë se 29 vjeçari ka pasur vullnet për të dhënë shpjegime për atë që ka ndodhur pasi ai nuk ka pasur për qëllim të kryejë vrasjen e babait të dy fëmijëve, dhe as të largohet.
"Avokati Eduart Muçi deklaroi në gjykatë se klienti I tij Denis Meçe nuk ka pasur për qëllim t'i fshihet drejtësisë largimi i tij menjëherë pas ngjarjes ka qenë i pavullnetshëm dhe në kushtet kur ka qenë i dehur.
Ai ka fjetur në automjet derisa është përmendur, ka telefonuar atë si avokat, dhe pasi i është shpjeguar se çfarë kishte ndodhur, vetë i ka kërkuar për ta shoqëruar për në Komisariatin e Policisë.
Vullneti i tij ka qenë për të dhënë shpjegime në lidhje me sa ka ndodhur, pasi ai nuk ka pasur për qëllim të kryejë vrasjen e një shtetasi, dhe as të largohet, pavarësisht se pasoja është e rëndë dhe kemi të bëjmë me humbjen e një jete'
Garanci 1 mln lekë për të mos e futur në burg
Në dosje zbulohet dhe se avokati ka kërkuar garanci prej 1 mln lekësh për ndryshimin e masës së sigurisë ‘arrest shtëpie’ por gjykata nuk e ka pranuar.
Sipas mbrojtjes, arrestimi në flagrance i këtij shtetasi duhet të cilësohet si i ligjshëm, por kërkohet që ndaj këtij shtetasi të caktohet një tjetër masë sigurimi, e ndryshme nga arresti në burg, mbajtur parasysh marzhin e dënimit që parashikon dispozita, rrethanat e kryerjes së veprës penale, mënyrën si ka ndodhur ngjarja, qëndrimin e personit nën hetim, faktin që nuk ka qenë i dënuar më pare, faktin që nuk ekziston mundësia për t'u larguar apo për t'iu fshehur drejtësisë, faktin që nuk ka mundësinë e dëmtimit apo prishjes së provave. Kërkohet nga gjykata që të caktohet si masë sigurimi "arrestin në shtëpi" parashikuar nga neni 237 i K.Pr.Penale ose "Garancia pasurore" në shumën 1.000.000 lekë, e cila është një vlerë e konsiderueshme dhe i garanton gjykatës që nëse ky person i fshihet drejtësisë dëmi ekonomik do të jetë tepër i madh.
Kërkoi ndjesë në gjykatë
Denis Meçe ka kërkuar ndjesë dhe ka thënë që është i keqardhur për sa ka ndodhur, pas nuk ka pasur për qëllim ta dëmtojë dhe aq më tepër ta vrasë të ndjerin.
Vetë shtetasi nën hetim Denis Meçe deklaroi se është dakord me sa parashtroi avokati. Ai kërkon ndjesë dhe është tepër i keqardhur për sa ka ndodhur, pas ai nuk ka pasur për qëllim ta dëmtojë dhe aq më tepër ta vrasë të ndjerin", shkruhet në vendim.
Më 12 gusht Gjykata e Korçës caktoi masën e sigurisë 'arrest me burg' për Denis Meçen për akuzën e vrasjes nga pakujdesia' dhe 'detyrim me paraqitje' për tre të arrestuarit e tjerë të akuzuar për 'moskallëzim krimi' Voltan Shulku, Arian Manellari e Leonidha Guçe .
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Vrasje nga pakujdesia” ha ha ha argumente per budallenj. Nga pakujdesia dy femije mbeten jetime.
Vetëm në Shqipëri cilësohet që goditja me grusht dhe pasojat prej saj të ndodhin nga pakujdesia! Nëse merret një verdikt i tillë nga Gjykata, do krijohet një precedent i rrezikshem per shoqerine - 1. njerezit do vriten me grushte dhe ia hedhin paq 2 do shtohet akoma më tepër dhuna në shoqëri.
Per familine e te ndjerit Zoti ju dhente force... Ky Avukati si dhe shume Avukate te tjere qe mundohen te mbrojne kriminele te tille ! qofte vrasje nga pakujdesia apo vrasje me qellim ! ketyre do Zoti e provojne vete ne familiet e tyre si kjo ngjarje ! dhe atehere do ta kuptojne qe edhe pse je Avukate !
Per familine e te ndjerit Zoti ju dhente force... Ky Avukati si dhe shume Avukate te tjere qe mundohen te mbrojne kriminele te tille ! qofte vrasje nga pakujdesia apo vrasje me qellim ! ketyre do Zoti e provojne vete ne familiet e tyre si kjo ngjarje ! dhe atehere do ta kuptojne qe edhe pse je Avukate !
Per familine e te ndjerit Zoti ju dhente force... Ky Avukati si dhe shume Avukate te tjere qe mundohen te mbrojne kriminele te tille ! qofte vrasje nga pakujdesia apo vrasje me qellim ! ketyre do Zoti e provojne vete ne familiet e tyre si kjo ngjarje ! dhe atehere do ta kuptojne qe edhe pse je Avukate !
OOO zoteri ka vdekur tjeteri...funderinat e prokurorise thone se na qenka ...vdekje nga pakujdesia ?! Pse po kujdesej per viktimen agresori ? Jepini denimin qe meriton; burgim te perjetshem dhe lerini llafet o maskarenj , o bastarde...