Te fundit
E reja hodhi foshnjen në lumë, flet drejtori i maternitetit Shkodër: Do ta dorëzonte në Shtëpinë e Fëmijës, por…
7 Janar 2023, 17:09Kronika
TEMA
Drejtori i maternitetit të Shkodrës Senad Halluni ka folur para mediave lidhur me ngjarjen e rëndë në Shkodër, ku një 32-vjecare hodhi foshnjen 6 ditëshe në lumin Kir.
"Ky është rast atipik për shoqërinë tonë. Sa i takon shërbimit të maternitetit Shkodër, mund t’ju shpjegoj që zonja ka ardhur në datën 30, është shtruar, ka qenë lindja e parë. Janë kryer të gjithë procedurat dhe në pranim është një filtër që ne regjistrojmë atësinë e fëmijës.
Zonja ka refuzuar ta shkruajë atësinë e fëmijës dhe që këtu nisi vëzhgimi rreth saj. Kemi protokoll për këtë proces që sigurisht kryesorja është mosneglizhenca nga ana mjekësore, pastaj zonja ka refuzuar dhe ka shprehur dëshirën që të fillojnë procedurat për ta dorëzuar në shtëpinë e foshnjes.
Duke qenë se ishte data 31 dhjetor, njoftuam drejtorinë e shtëpisë së foshnjes që të nisnin procedurat. Në këtë moment futet në ndjekje të afërt nga psikologia, e cila ka kryer procedurën standard, një vlerësim të gjendjes psikologjike e sociale të zonjës që është dokumentuar në kartelën klinike.
Më 31 dhe 1 kam qenë vetë mjek në shërbimin 24 orë dhe mesa kemi mundur të festojmë për vete, jemi mundur dhe për zonjën e të tjerë që ishin në materniteti, jemi munduar t’i gëzojmë.
Zonja ka punuar në një ndërmarrje të këpucëve në Shkodër dhe disa shoqe të saj erdhën për ta parë duke i sjellë rroba, dhurata bashkë me personelin. Me datën 1,2,3 ka qenë pushim dhe me datën 4 kanë nisur procedurat për t’u transferuar në shtëpinë e foshnjes.
Atë datë ka refuzuar që ta dorëzojë dhe sipas protokollit që kemi, ka nënshkruar një deklaratë që marr përsipër marrjen e fëmijës në gjendje normale dhe në kushtet e një vlerësimi që është bërë nga psikologia që ka qenë në normalitet.
Është dorëzuar fëmija dhe zonja, ka dalë nga materniteti dhe nga ky moment ne nuk kemi kontakt më tutje. Në spital nuk është paraqitur asnjë nga familjarët e saj", tha Senad Halluni.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
O Zot cfare krimi, te pakten ta kishte cuar ne shtepine e femijes, dikush do ta adoptonte, njoh plot familje qe duan te adoptojne beba. Qenka frymezuar nga ai rasti ne Greqi kjo. Ose ka probleme mendore/depresion postpartum a ku di une ose do e kete femijen me ndonje burre te martuar ose dicka e ngjashme dhe familja i ka bere dalje dhe kushedi si e kane pritur dhe kjo kushiedi si e ka perjetuar. Ne cdo rrethane femija yt (apo edhe i dikujt tjeter) nuk hidhet ne lume. Eshte vrasje edhe me e keqe se te tjerat se femija nuk mbron dot veten. Zot te cfare kohesh po jetojme?! E kuptoj me pare qe gjykoheshin per moralin e me the e te thashe dhe perpiqeshin ta justifikonin, por te ditet e sotme nuk pyet me kush per moral (qe ne disa aspekte eshte shume keq) dhe nuk kishe arsye te vrisje nje foshte te porsalindur, per me teper femija yt