Te fundit
VIDEO/ I dënuar në Itali për plagosje, dhunë në familje e përdhunim, arrestohet 50-vjeçari në Elbasan
12 Qershor 2025, 11:28Kronika
TEMA
Policia ka arrestuar një 50-vjeçar të dënuar në Itali për krime seksuale dhe kundër personit.
Zamir Halili, i shpallur në kërkim ndërkombëtar për llogari të Italisë, u arrestua në Elbasan dhe do të ekstradohet drejt shtetit fqinj.
Gjykata e Sienas, me një vendim të vitit 2014 e ka dënuar me 7 vjet burgim, për plagosje, dhunë në familje dhe marrëdhënie seksuale me dhunë.
Nga ky dënim atij i kanë mbetur për të vuajtur rreth 6 vjet e 9 muaj burgim.
"Si rezultat i veprimeve të mirorganizuara policore dhe i shkëmbimit të shpejtë të informacioneve me partnerët italianë, nëpërmjet shërbimeve të Interpol Tiranës, shërbimet e Drejtorisë së Forcës së Posaçme Operacionale, në kuadër të operacionit “Operacionalja 47”, kapën në Elbasan, shtetasin shqiptar, të shpallur në kërkim ndërkombëtar, për llogari të Italisë, Zamir Halili, 50 vjeç.
Gjykata e Sienas, Itali, në vitin 2014, e ka dënuar me 7 vjet burgim, për plagosje, dhunë në familje dhe marrëdhënie seksuale me dhunë. Nga ky dënim atij i kanë mbetur për të vuajtur rreth 6 vjet e 9 muaj burgim.
Interpol Tirana po bashkëpunon me Interpol Romën, për të finalizuar procedurën e ekstradimit të 50-vjeçarit, në Itali", njoftoi policia.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po ti o robqim s'je as 50 kile burre, edhe dhunoke, edhe perdhunoke. Tridheni halabakun, s'eshte per familjen e vete, si do jete per shoqeri.