Te fundit

Iu gjet në qelinë e burgut të Drenovës, telefoni i Laert Haxhiut në laboratorin digjital të SPAK

1 Korrik 2025, 10:06Kronika TEMA
Iu gjet në qelinë e burgut të Drenovës, telefoni i Laert

Pas sekuestrimit të celularit të Laert Haxhiut në burgun e sigurisë së lartë në Drenovë, aparati është dërguar menjëherë në laboratorin digjital të Prokurorisë së Posaçme, ku pritet të analizohen të dhënat dhe komunikimet e mundshme të “të fortit” të Lushnjës.

Laert Haxhiu është dënuar me burgim të përjetshëm për “Masakrën e Lushnjës”, ndërsa pas ekstradimit nga Greqia, ai do të përballet edhe me një proces të veçantë gjyqësor si drejtues i një grupi të strukturuar kriminal, i cili dyshohet se ka qenë i përfshirë në të paktën 17 ngjarje të rënda në vend. Këto ngjarje janë rrëfyer nga bashkëpunëtori i drejtësisë, Artan Tafani.

SPAK dyshon se gjatë qëndrimit në burgun e Drenovës, Haxhiu ka ruajtur kontakte me persona të përfshirë në botën e krimit, duke vijuar aktivitetin kriminal edhe nga qelia. Ky dyshim ka shtuar kërkesat për masa më të rrepta sigurie ndaj tij, përfshirë mundësinë e izolimit në regjimin special “41-bis”.

Hetimet vazhdojnë, ndërsa ekspertët e laboratorit digjital pritet të zbërthejnë të gjitha të dhënat e mundshme nga celulari i sekuestruar, që mund të hedhin dritë mbi komunikimet, urdhrat apo bashkëpunimet e mundshme që Haxhiu ka pasur nga brenda burgut.

Lini një Përgjigje

Më të lexuarat

Blog Tema

Powered by Tomorrow.io