Te fundit
Kërcënonte me kallashnikov familjarët, arrestohet 41-vjeçari në Krujë! Në banesë i gjenden 3 armë
6 Gusht 2025, 13:09Kronika
TEMA
Një 41-vjeçar është arrestuar nga policia pasi akuzohet se kërcënonte me jetë familjarët e tij.
Në pranga ka rënë Ervis Visha. Gjatë kontrollit në banesë, përveç kallashnikovit që kërcënonte familjarët, atij iu gjetën edhe 2 armë të tjera gjahu.
Njoftimi i policisë:
Krujë/Ndërhyrja e menjëhershme e Policisë, parandalon ngjarje kriminale në një familje në fshatin Qerekë.
Arrestohet një 41-vjeçar që kanoste për jetën, familjarët e tij.
Në banesën e tij, u gjetën 3 armë.
Shërbimet e Komisariatit të Policisë Krujë, në bashkëpunim me shërbimet e Komisariatit të Policisë Nr. 5, sapo janë njoftuar se një shtetas po kanoste me armë zjarri kallashnikov, familjarët, në banesën e tyre, në fshatin Qerekë, kanë organizuar punën dhe kanë shkuar në vendngjarje.
Si rezultat i ndërhyrjes së shpejtë dhe veprimeve policore profesionale, u vu në pranga autori i rastit, shtetasi E. V., 41 vjeç.
Gjatë kontrollit në banesën e tij, u gjet arma e zjarrit kallashnikov me të cilën dyshohet se kanosi familjarët, si dhe 2 armë gjahu.
Materialet procedurale iu referuan Prokurorisë së Tiranës, për veprime të mëtejshme.
Më të lexuarat
24 oret e fundit
Javen e fundit
Blog Tema
Lini një Përgjigje