Te fundit
Masakra në Dobraç, ministri Hoxha: Policia do të dalë shumë shpejt me emra konkret të personave të përfshirë në ngjarje
13 Dhjetor 2024, 16:11Kronika
TEMA
Ministri i Brendshëm, Ervin Hoxha, deklaroi këtë të premte nga Korça se Policia e Shtetit ka arritur të zbardhë masakrën e Dobraçit në Shkodër, ku humbën jetën katër persona gjatë një atentati, mes tyre edhe dy të pafajshëm.
Hoxha tha se Policia e Shtetit pritet të ketë së shpejti një deklaratë për media, ku do të japë detajet nga ngjarja e ndodhur dhe personat përgjegjës.
“Policia do të dalë së shpejti me një deklaratë për shtyp,” tha ministri Hoxha në fjalën e tij.
Ministri tha se emrat e implikuar në ngjarjen e Dobraçit do të publikohen në deklaratën që do të japë policia.
“Kemi pasur raste dhe ngjarje kriminale me pasojë vdekjen. Policia, në bashkëpunim me prokurorinë e SPAK, po heton këto ngjarje.
Dje, në Shkodër, u zhvilluan kontrolle, ndalime dhe shoqërime të personave të implikuar në ngjarje të rënda kriminale.
Për emrat duhet të presim deklaratat shumë shpejt, edhe për emrat e implikuar në ngjarjen e Dobraçit,” u shpreh ministri.
Atentati ndodhi në zonën e Dobracit, në rrugën Shkodër-Koplik, më datë 30 tetor, ku persona të paidentifikuar hapën zjarr ndaj një automjeti me targa kroate.
Hamza Lici, vëllai i Ibrahim Licit, u ekzekutua në vend, ndërsa Arlind Bushati, djali i ish-kandidatit të PD për kryebashkiak, Xhemal Bushatit, ndërroi jetë disa orë pas ngjarjes në spitalin e Shkodrës. Kalimtarja Flutura Basha, e cila po lëvizte me motor bashkë me bashkëshortin e saj, Bashkim Basha, gjithashtu u vra në sulm. Bashkëshorti ndërroi jetë 3 ditë më pas në spital.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
O vin kur ishe polic ne lezhe me qarkullimin a ke njohur maxhun hajdarin nen ure se kishe frike se filmoheshe ha habha ha sa kufome dukesh o vin rrila
O ministër ka*i të 4 personat ishin të pafajshëm.Ishin 2 objekt i sulmit e 2 të tjerë jo.Mso me shpreh menimet o Enverist i vogël se lat nam.
edhe te pafaj edhe objekt sulmi meso te shkruash dhe formulosh mendimet e tua o koqe se syte ne balle i kemi te vleresojme kete ngjarje te shemtut qe ndodhi ne shkoder po te zbardhet pse u gjuajten ne ate menyre me ato te 2 dhe jo me 3 sic perrallisni nate e dite