Te fundit
Njësia kryesore amerikane SFAB aktivizohet në Shqipëri
1 Korrik 2022, 15:35Kronika
TEMA
Brigada e Ndihmës së Forcave të Sigurisë së Ushtrisë Amerikane, e njohur gjithashtu si SFAB do të aktivizohet në Shqipëri.
Lajmin e bëri të ditur ambasada amerikane në Tiranë, përmes diplomates Yuri Kim.
Kim ishte e pranishme në ceremoni së bashku me ministrin e Mbrojtjes, Niko Peleshi.
Më 9 mars të këtij viti, në Tiranë u ngrit selia e Grupit Task Ballkanik të Forcave Speciale të SHBA-ve.
Kjo ishte prania e parë e vazhdueshme e forcave amerikane në Shqipëri në histori.
“Ndërsa shënojmë 100 vjet marrëdhënie, ne po gjejmë një mënyrë vërtet historike për ta çuar marrëdhënien tonë ushtarake në lartësi të reja”, u shpreh fillimisht ambasadorja amerikane.
Sipas saj, prej dekadash, trupat shqiptare dhe amerikane janë stërvitur, luftuar dhe jetuar krah për krah në të gjithë botën.
“Por sot, ne shënojmë një hap të rëndësishëm në partneritetin tonë dypalësh të mbrojtjes këtu, në Shqipëri”, shtoi përfaqësuesja.
SFAB-ja, e cila është njësia kryesore e stërvitjes ushtarake e ushtrisë amerikane, do të jetë në partneritet me njësinë ushtarake kryesore shqiptare – Grupin e Betejës së Këmbësorisë së Lehtë – për të forcuar aftësitë ushtarake të Shqipërisë.
Grupi i Betejave të Këmbësorisë së Lehtë ka bërë tashmë hapa të rëndësishëm drejt përmbushjes së objektivave të tij të aftësisë së NATO-s, sipas Kim-it.
Ajo theksoi se ushtarët e SFAB-së janë liderë të dëshmuar që janë më të mirët në zanatin e tyre.
Brigada e Parë e Ndihmës së Forcave të Sigurisë u dislokua në mars të vitit 2018 në Afganistan për të kryer misionin inaugurues për konceptin e sapokrijuar SFAB.
Gjenerali amerikan Scott Jackson, komandanti i parë i SFAB-së, foli në Pentagon si pjesë e një turneu të Angazhimit të Operacioneve Aktuale të Ushtrisë.
Ai tha se koncepti i ushtrisë për njësinë e re ishte i saktë.
Gjatë vendosjes së tyre nëntë mujore në Afganistan, Jackson tha se brigada prej 800 personash drejtonte 58 ekipe këshillimore dhe ishte partnere me më shumë se 30 batalione afgane, 15 brigada, qendra të shumta trajnimi rajonale, një seli trupash dhe një seli të divizionit të kryeqytetit.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
tani keta kane dore te lire te veprojne ne shqiperi e kosove kunder grupeve qe kerkojne rremuje. Mul Noka me maloket e tij duhet ti bej mire llogarite se perfundojne me kollare columbiane ne ndonje stalle derrash. Me keta nuk behet shaka se skane frike nga njeri
Ka Çeçua biçak????
Pas 7 korrikut me renien e agjentit te Perendimit Edi Rama, ne Shqiperi do te instalohet Brigada e Ndihmës së Forcave të Sigurisë së Ushtrisë Ruse te Vladimir Putinit.