Te fundit
Operacion antidrogë në Tiranë, 19 në pranga, 5 në kërkim! Sekuestrohen 1.2 kg kokainë e qindra doza heroine
12 Korrik 2024, 13:08Kronika
TEMA
Forcat e Antidrogës së Tiranës ekzekutuan sot fazën e dytë të megaoperacionit të koduar “Tempulli 3’ duke arrestuar 19 person si dhe vijon puna për kapjen e 5 shtetasve të tjerë të cilët ndiqen me masa kërkimi.
Drejtori i policisë së Tiranës, Tonin Vocaj doli në një deklaratë për median për të bërë publike rezultatet e hetimit tre mujor kryer me metoda speciale falë të cilit është dokumentuar me prova ligjore veprimtaria kriminale e këtyre shtetasve që shpërndanin lëndë narkotike kanabis, heroinë dhe kokainë, në zona të ndryshme të Tiranës, afër shkollave, si dhe në lokale nate.
Mes të arrestuarve është Armando Xheladini, alias Jetnor Cinallari, alias, Armando Tarushllari i arrestuar në maj të këtij viti për vrasje me dashje për një vrasje të ndodhur në Greqi. Ai u arrestua së bashku me Gëzim Latjen për vrasjen e 25-vjeçarit Arjan Xhambazi në Athinë në vitin 2008.
Të arrestuarit në kuadër të Operacionit Tempulli:
1- Armando Xheladini 52 vjeç
2- Kevi Hida, 26 vjeç
3- Durim Kurti, 39 vjeç
4- Orterio Vila, 21 vjeç
5- Hamza Firi, 20 vjeç
6- Florjan Gjuta, 32 vjeç
7- Vasjan Xhaferllari, 42 vjeç
8- Osman Idrizi, 62 vjeç
9- Ledio Koçi, 26 vjeç
10- Mariglen Kushe, 32 vjeç
11- Kevin Hoxha, 24 vjeç
12- Rezart Maqellara, 25 vjeç
13- Matias Selmani, 18 vjeç
14- Ramazan Shima, 33 vjeç
15- Denis Guci, 21 vjeç
16- Rudina Dajlani (Sopoti), 52 vjeçe,
17- Elvira Bushaj, 37 vjeçe
18- Ardi Shehu, 33 vjeç,
19- Brisea Kallushi 34 vjeçe earrestuar më parë gjatë zhvillimit të hetimeve
Deklarata e Tonin Vocaj:
Jam sot, këtu, së bashku me zëvendësdrejtorin për Hetimin e Krimeve të Rënda, zëvendësdrejtorin për Rendin dhe Sigurinë Publike, dhe shefin e Sektorit për Hetimin e Narkotikëve, për të bërë prezente fazën e dytë operacionale të megaoperacionit të koduar “Tempulli 3”, ku në funksion të 2 procedimeve penale të Prokurorisë pranë Gjykatës së Shkallës së Parë Juridiksionit të Përgjithshëm Tiranë, ndjekur për një periudhë hetimore tremujore, gjatë së cilës janë aplikuar metoda speciale të hetimit, u dokumentua me prova ligjore veprimtaria kriminale e disa shtetasve që shpërndanin lëndë narkotike kanabis, heroinë dhe kokainë, në zona të ndryshme të Tiranës, afër shkollave, si dhe në lokale nate.
Drejtoria Vendore e Policisë Tiranë, në zbatim të masave të përcaktuara në paketën e sigurisë në shkolla dhe të prioritetit të Policisë së Shtetit, për të garantuar një mjedis sa më të sigurtë për nxënësit dhe për të parandaluar fenomenet negative në vijimësi, ka zhvilluar kontrolle dhe operacione për të goditur elementet dhe grupet kriminale që tentojnë të zhvillojnë veprimtarinë kriminale ku marrin pjesë të rinjtë.
Sektori për Hetimin e Narkotikëve i Drejtorisë Vendore të Policisë Tiranë, në vijim të operacioneve të njëpasnjëshme të zhvilluara për parandalimin, evidentimin dhe goditjen e veprimtarisë kriminale në fushën e narkotikëve, dhe në vijim të dy megaoperacioneve mbarëkombëtare “Tempulli 1” dhe “Tempulli 2”, ka referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, e cila ka regjistruar 2 procedime penale të vitit 2024.
Pas një hetimi tremujor të kryer me metoda speciale të hetimit nga specialistët për Hetimin e Narkotikëve të Drejtorisë Vendore të Policisë Tiranë, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, u siguruan prova ligjore për dokumentinin e veprimtarisë kriminale të 24 shtetasve.
Mbi bazën e provave të siguruara gjatë hetimit, u organizua dhe u finalizua faza e dytë e operacionit “Tempulli 3”, në kuadër të të cilit u ekzekutua masa e sigurisë “Arrest në burg”, të dhënë nga Gjykata e Shkallës së Parë e Juridiksionit të Përgjithshëm Tiranë për 19 shtetas, si dhe vijon puna për kapjen e 5 shtetasve të tjerë të cilët ndiqen me masa kërkimi.
Gjatë operacionit u arrestuan 19 shtetas ndaj të cilëve Gjykata e Shkallës së Parë e Juridiksionit të Përgjithshëm Tiranë ka caktuar masën e sigurimit personal “Arrest në burg”, për veprën penale “Prodhimi dhe shitja e narkotikëve”, konkretisht:
K. H., 26 vjeç, D. K., 39 vjeç, O. V., 21 vjeç, H. F., 20 vjeç, F. Gj., 32 vjeç, V. Xh., 42 vjeç, A. Xh., 52 vjeç, O. I., 62 vjeç, L. K., 26 vjeç, M. K., 32 vjeç, K. H., 24 vjeç, R. M., 25 vjeç, M. S., 18 vjeç, R. Sh., 33 vjeç, D. G., 21 vjeç, R. D. (S.), 52 vjeçe, E. B., 37 vjeçe, A. Sh., 33 vjeç, B. K., 34 vjeçe (arrestuar më parë gjatë zhvillimit të hetimeve).
Midis personave për të cilët Gjykata e Shkallës së Parë e Juridiksionit të Përgjithshëm Tiranë ka vendosur masë sigurie, është dhe shtetasi A. Xh., alias A. T., alias J. C., 52 vjeç, banues në Tiranë, i cili është arrestuar në muajin maj të këtij viti, për veprën penale "Vrasja me dashje", kryer në bashkëpunim, për një ngjarje të ndodhur në shtetin grek.
Giithashtu po punohet për lokalizimin dhe arrestimin e 5 shtetasve të tjerë.
Gjatë operacionit u sekuestruan në cilësinë e provës materiale:
➢ 1.2 kilogramë lëndë e dyshuar narkotike kokainë;
➢ qindra doza të lëndëve të dyshuara narkotike heroinë dhe kanabis;
➢ 12 celularë;
➢ 5 automjete;
➢ shuma të konsiderueshme parash në lekë dhe valuta të tjera, të dyshuara të përfituara nga shitja e lëndëve narkotike.
Nga hetimet ka rezultuar se këta shtetas shpërndanin lëndë narkotike, afër shkollave, dhe në ambiente të tjera të frekuentuara nga të rinjtë, në zona të ndryshme të Tiranës.
Specialistët për Hetimin e Narkotikëve të DVP Tiranë, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Tiranë, vijojnë veprimet hetimore për dokumentinin e plotë të kësaj veprimtarie kriminale dhe për identifikimin e vënien para përgjegjësisë ligjore të shtetasve të tjerë të përfshirë.
Në kuadër të bashkëpunimit të shkëlqyer mes Prokurorisë pranë Gjykatës së Shkallës së Parë të Juridiksionit të Përgjithshëm Tiranë dhe Drejtorisë Vendore të Policisë Tiranë, gjej rastin të falenderojmë prokurorët z. Drini Pali dhe z. Adriano Dyrmishi, si dhe drejtuesin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, z. Arens Cela, për drejtimin, koordinimin dhe mbështetjen për finalizimin me sukses të dy procedimeve të fazës së dytë të megaoperacionit “Tempulli 3”.
Njëkohësisht, Drejtoria Vendore e Policisë Tiranë falenderon qytetarët, për informacionet e shumta të dhëna për këtë veprimtari kriminale, të cilat kanë qenë të rëndësishme për nisjen e hetimeve.
Duke përfituar nga rasti, dua të garantoj qytetarët se Drejtoria Vendore e Policisë Tiranë është e angazhuar maksimalisht për të garantuar rendin e sigurinë, parandalminin, evidentimin dhe goditjen e cdo paligjshmërie, dhe në këtë kuadër i ftoj përsëri që të vazhdojnë bashkëpunimin me Policinë, duke denoncuar çdo rast paligjshmërie në cilëndo fushë që ajo shfaqet, pasi së bashku ndërtojmë një ambient më të sigurtë.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ju lumte Policia ! Kapni me kile nje here ne disa muaj dhe kaloni me kuintal perdite.Kete shtet e ka marre ne kontroll ai qe i bleu votat me makinacione,dhune,kercenime dhe para te ndyra ne favor te pushtetit te Rilindjes. Rrofte Republika Shqiptare e Kokaines dhe Krimit ! Kur ai qe i komandon dhe ka vene shtetin ne funksion te narkotrafikenteve te largohet, ketu do plase lufta per pushtet,territor dhe treg kokaine si ne Meksike dhe Kolumbi. Bravo ! 30 vjet tranzicion mjaftoi per ta kriminilaizuar kete vend deri ne qelize me krim,vjedhje,prostitucion dhe narkofrafiqe. Edhe Enveri te ngjallej do ti duheshin 100 vjet ta spastronte kte shoqeri dhe vendin nga e keqja dhe degradimi ku eshte zhytur.