Te fundit
Policia Rrugore Tiranë bën bilancin: Brenda një jave mbi 4 mijë masa administrative
22 Dhjetor 2025, 15:10Kronika
TEMA
Policia Rrugore e Tiranës ka intensifikuar kontrollet për parandalimin e aksidenteve dhe sigurisë në rrugë.
Vetëm gjatë javës së shkuar janë gjobitur 4, 744 për drejtuesit që kanë shkelur rregullat e qarkullimit rrugor, mes tyre, përdorimi i celularit gjatë drejtimit të mjetit, shpejtësia mbi normat e lejuara, parakalim i gabuar etj.
32 shoferë janë arrestuar ose do të hetohen në gjendje të lirë. Ndërkohë në kuadër të këtij operacioni janë bllokuar 53 automjete.
Njoftimi i policisë:
Gjatë javës që kaloi dhe gjatë kësaj fundjave, shërbimet e Policisë Rrugore, me rastin e afrimit të festave të fundvitit dhe shtimit të fluksit të lëvizjes, kanë intensifikuar kontrollet dhe patrullimet në të gjitha akset dhe pikat lidhëse të kryeqytetit, me objektivat madhorë, parandalimin e aksidenteve dhe përmbushjen e parametrave të sigurisë në rrugë.
Si rezultat i pranisë shtesë dhe përdorimit të pajisjeve logjistike bashkëkohore, janë konstatuar shkelje rrugore të rrezikshme, për të cilat janë vënë masat administrative si më poshtë:
Qarkullim me shpejtësi mbi normat e lejuara - 1838 masa;
Përdorimi i celularit gjatë drejtimit të mjetit - 1207 masa;
Mosvendosje e rripit të sigurimit - 722 masa;
Mosvendosje e kaskës mbrojtëse - 653 masa;
Mosrespektim i radhës së qarkullimit - 250 masa;
Parakalim i gabuar - 74 masa.
Më tej, për shkelje të rënda të Kodit Rrugor dhe për vepra penale në fushën e qarkullimit rrugor:
janë arrestuar/proceduar penalisht 32 shtetas;
janë bllokuar 53 automjete.
Policia Rrugore apelon sërish, për të gjithë drejtuesit e mjeteve dhe përdoruesit e tjerë të rrugës, që të respektojnë rregullat e qarkullimit, si një kontribut i përbashkët dhe tejet i rëndësishëm për garantimin e sigurisë rrugore dhe për mbrojtjen e jetës.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Shume mire ja keni bere popullit te thjeshte,gjoba gjoba gjoba kudo... Qeveritaret dhe lepiresit e tyre vjedhin cdo dite miliona euro,bejne pushine neper bote,pine veret me te shtrenjta dhe popullin dele e masakrojne me gjoba 20-30 mije lekeshe,sa nje dite pune. Jane versulur si te terbuar policia rrugore,e rendit dhe ajo bashkiake dhe vendosin mijra gjoba cdo dite vend e pa vend,edhe para banesave apo neper rrugicat e lagjeve dhe terrorizojne qytetaret e thjeshte.. Kjo eshte nje nga arsyet qe shqiptaret po e braktisin kete vend te bukur dhe njekohesisht te mallkuar...