Te fundit
Qëlluan me armë pas një parakalimi në autostradën Durrës-Tiranë, arrestohet shoferi
11 Gusht 2025, 14:50Kronika
TEMA
Policia e Durrësit ka arrestuar një 46-vjeçar në lidhje me ngjarjen kriminale të ndodhur më datë 3 gusht në autostradën “Durrës-Tiranë”.
Blutë e Durrësit kanë zbardhur ngjarjen kriminale ku u qëllua me armë zjarri ndaj shtetasit E. D në autostradën Durrës-Tiranë. I arrestuari është shtetasi A.D., kushëriri i autorit të ngjarjes, dhe akuzohet se ishte shofer i automjetit në momentin që ndodhi ngjarja.
“Specialistët për Hetimin e Krimeve të Rënda, në vijim të veprimeve hetimore dhe operacionale të kryera në lidhje me ngjarjen e datës 03.08.2025, në autostradën “Durrës-Tiranë”, ku u qëllua me armë zjarri, në drejtim të automjetit me të cilin lëvizte shtetasi L. Sh., ndaluan shtetasin A. D., 46 vjeç, banues në fshatin Xhafzotaj (kushëri i të shpallurit në kërkim), pasi dyshohet se drejtonte automjetin nga ku qëlloi me armë zjarri, shtetasi E. D.
Punohet intensivisht për dokumentimin e përgjegjësisë penale të shtetasit A. D., si dhe për kapjen e shtetasit E. D, i shpallur në kërkim”, njoftoi sot policia.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
Më të lexuarat
24 oret e fundit
Javen e fundit
Blog Tema
Lini një Përgjigje